كرايسلر نيون 2000 مادارتش من 4 سنين

[m.abbas777]

العربيه بعد تنضيف وتغيير زيت وفلتر زيت وفلتر هوا وتغيير بوجيهات و تغيير بطاريه كانت مافيهاش بنزين خالص اتحط تلاته لتر وحاولت ادور كان مؤشر البنزين شغال ومادارتش اولت يمكن البنزين قليل حطيت كمان عشره لتر ووصلت البطاريه وحاولت ادور مافيش بس مؤشر البنزين عطل مبقاش يتحرك ومش قاري مع العلم ان العداد سليم لأن النيون فيها طريقه تشيك على العدادات ياريت الأفاده ومعرفه افضل طرمبه بنزين ليها اصلي بكام ولو بيتوفقلها وحده تانيه هل ينفع ولا لا لاني شديت خرطوم البنزين الي رايح على البخخات عند المكنه وحاولت اشفط او احس ان في اي بنزين بيوصل مافيش بردو فانا شاكك في الطرمبه وشكرا وبعتذر على الأطاله

اي حد معاه كرايسلر نيون 2000 او الشكل الجديد عموما ياريت اتعرف عليه لأني محتاج خبرت اصحاب العربيه دي وانا من عشاقها صراحه

[Mecha]

السوال هي كانت دايره قبل الوقفه دي ولا ميته
لو الطرمبه سفت طينه لما خاولت تدورها
لازم تطلعها وتنضفها ، وخد بالك في الامريكاني
احيانا لازم تاخد الهوا من الخط
ولازم ودنك جنب التنك تسمع للطرمبه
وتشوف كهربا رايحه لها

[m.abbas777]

السوال هي كانت دايره قبل الوقفه دي ولا ميته
لو الطرمبه سفت طينه لما خاولت تدورها
لازم تطلعها وتنضفها ، وخد بالك في الامريكاني
احيانا لازم تاخد الهوا من الخط
ولازم ودنك جنب التنك تسمع للطرمبه
وتشوف كهربا رايحه لها

اولا شكرا على ردك واهتمامك جدا جدا جدا
وهيا كانت دايره قبل الركنه مش قاطعه
وبالنسبه للهوا الي يتسحب من الخط حضرتك تقصد بيه ايه الماصوره الي رايحه من الطرمبه للبخاخات ؟
ولا ايه الخط دا وهيا فعلا انا مكنتش بسمع صوتها مع لفت الكونتاك كالعاده بس اولت يمكن انا مميزتهوش ودا ليه علاقه بمؤشر البنزين الي قطع دا؟

[Mecha]

ايوه المسوره الرايحه للزشاشات
واحيانا فيه بلف بابره
الطرمبه ممكن قافشه خصوصا
ان التنك كان فاضي
شوف كهربا رايحه لها ، او حلها وحاول تدورها

[m.abbas777]

ايوه المسوره الرايحه للزشاشات
واحيانا فيه بلف بابره
الطرمبه ممكن قافشه خصوصا
ان التنك كان فاضي
شوف كهربا رايحه لها ، او حلها وحاول تدورها

تمام فعلا انا بفكر اجيب كوريك طويل او اي طريقه ارفع بيها العربيه مسافه عاليه واحل التانك وانضف دايره البنزين كلها واغسلو واشوف الطرمبه والعوامه فيهم ايه وابص على الفيوزات علشان مؤشر البنزين الى ما بيتحركش دا ومتشكر جدا على اهتمامك وردك وان شاء الله احط الجديد