العربيه عطشانه على طول من الرداتير

[tkamal]

تحياتى للجميع

منذ اكثر من شهرين تم تغير الريداتير فى السيارة نتيجه ثقب وبعد لحامه اكثر من مره كانت النتيجع فى الاخر التغير بواحد جديد لاسف الجديد طبعا كان صينى مش الاصلى بتاع العربيه

المهم بعد التغير اصبح مستوى المياه دائما فى الناقص تجد السياره يوميا محتاجه مش اقل من لتر مياه
درجه الحرارة لم ترتفع حتى الان ولكن انخفاض المياه يومى كتير
فى الرداتير القديم تقريبا كان لتر المياه كل 3 شهور

العربيه مفيش اى تسريب لها فى المياه

السوال
الميه دى بتروح قين ؟؟؟؟

[pepo2011]

طبعا لازم يكون في تسريب من اي مكان وممكن جدا يكون من مكان غير ظاهر لحضرتك
فلازم حد يراجع الدورة كلها طبعا والاحتمال التاني انه يكون جوان وش سلندر فالمياة بتدخل عالماتور جوا

[miam0502788391]

لتر يوميا كتيييييير جدا
حتى لو جوان وش السلندر ضارب الميه مش تقل بالكمية دى
اكيد فى تسريب

[Mecha]

شوف غطا الردتير والقربه وخراطيمهم
لو وش السلندر مقفع هينفخ والميه تنقص

[Takirap111]

انا كانت معايا بتعمل كده وغيرت غطا الردياتير وبقت تمام وكل شهر تقريبا بلاقي الغطا صدا من الميا السخنه فبغيره والحمد لله مبتسخن خالص
اتاكد من غطا الردياتير ممكن هو اللي بيهرب البخار لما العربيه بتسخن عشان الغطا ده عذبني شهور بس الحمد لله بقت تمام وربنا يكرمك وتتظبط