حل المشكله الجنط مشروخ

[mohshahat]

السلام عليكم
يا شباب انا اكتشفت ان الجنط فيه شرخ يا تري ينفع اشتري واحد جديد والا لازم اشتري ٤ وَيَا تري سعرهم كام تقريبا وفيه حد قالي ألحمه يا تري الحل دا كويس .. الجنط ١٦ السياره كارينز
أرجو الافاده يا رجاله

[Mecha]

مينفعش لحامه عشان المونيوم مخاطره عاليه
بيتغير واحد بس زيه
مركته ايه الجنط و هل هو اللي جه مع العربيه وعمل
كام كم، الجنط دا اتخبط رصيف او مطب شديد؟؟

[mohshahat]

شكرًا لاهتمامك ...انا اشتريت العربيه من ٤ شهور وما اخدتش بالي من الجنط الا لما كنت بعمل ترصيص ..العربيه كارينز ٢٠١١ ممكن اشتري واحد ومدي خطورته في الوقت الحالي

[tasaka]

اخى اشترى 4 جنوط 17 بالكاوتش بتاعهم .. السعر 2500 جم او 3000 موش فاكر ( من صديق له ) و ما اعرقشى سعر السوق ايه
الجنوط 17 كانت بتاعه كيا كارينز 2014 على ما اتذكر

انا شايف ان عدد ال Rips فى الصوره كتير .. يعنى الحمل على الريب المكسور حيكون موش كبير .. و كمان مكان الكسر ده القوه حتكون محوريه فيه ( Normal Force ) ( بدون عزوم ) .. بس نرجع و نقول انه برغم كده اتكسر !!

يعنى لو ممكن يتلحم ؟؟ ممكن تجرب استعماله يحرص و تشوف ايه النتيجه .. ده اذا لم تتمكن من شراء واحد جديد
الافضل اشترى جنط او اثنين علشان لو واحد تانى اتكسر كمان ( لو السعر كويس ) ..



عموما العضو Mecha انا بأحترم ردوده جدا جدا .. اكيد فيه سبب جوهرى اللى خلاه يقول الاتى

ينفعش لحامه عشان المونيوم مخاطره عاليه

فلذلك الافضل جديد

[tasaka]

مينفعش لحامه عشان المونيوم مخاطره عاليه
بيتغير واحد بس زيه
مركته ايه الجنط و هل هو اللي جه مع العربيه وعمل
كام كم، الجنط دا اتخبط رصيف او مطب شديد؟؟

انا بتعجبنى ردودك جدا .. و مساعدتك للجميع فى المنتدى

اطمع منك فى توضيح عن سبب المخاطره العاليه ؟؟ لانى عايز اعلرف المعلومه دى لنفسى لو تعرضت لنفس الموقف فى المستقبل

مع وافر التحيه

[mohshahat]

اخى اشترى 4 جنوط 17 بالكاوتش بتاعهم .. السعر 2500 جم او 3000 موش فاكر ( من صديق له ) و ما اعرقشى سعر السوق ايه
الجنوط 17 كانت بتاعه كيا كارينز 2014 على ما اتذكر

انا شايف ان عدد ال rips فى الصوره كتير .. يعنى الحمل على الريب المكسور حيكون موش كبير .. و كمان مكان الكسر ده القوه حتكون محوريه فيه ( normal force ) ( بدون عزوم ) .. بس نرجع و نقول انه برغم كده اتكسر !!

يعنى لو ممكن يتلحم ؟؟ ممكن تجرب استعماله يحرص و تشوف ايه النتيجه .. ده اذا لم تتمكن من شراء واحد جديد
الافضل اشترى جنط او اثنين علشان لو واحد تانى اتكسر كمان ( لو السعر كويس ) ..



عموما العضو mecha انا بأحترم ردوده جدا جدا .. اكيد فيه سبب جوهرى اللى خلاه يقول الاتى
فلذلك الافضل جديد

جزاكم الله كل خير ..
ممكن حد يعرف مكان كويس في اسكندريه اشتري منه الجنط ..

[Mecha]

انا بتعجبنى ردودك جدا .. و مساعدتك للجميع فى المنتدى

اطمع منك فى توضيح عن سبب المخاطره العاليه ؟؟ لانى عايز اعلرف المعلومه دى لنفسى لو تعرضت لنفس الموقف فى المستقبل

مع وافر التحيه

ياباشا الله يكرمك، حسب الصوره الشرخ جنب صرة المسامير اللي مربوطه علي عزم منطقة اجهادات، ولحام الالمنيوم صعب
تخيل سايق ١٠٠ كم/س والجنط كسر وساب العربيه
ممكن روح تضيع فيها.
تحياتي

[tasaka]

ياباشا الله يكرمك، حسب الصوره الشرخ جنب صرة المسامير اللي مربوطه علي عزم منطقة اجهادات، ولحام الالمنيوم صعب
تخيل سايق ١٠٠ كم/س والجنط كسر وساب العربيه
ممكن روح تضيع فيها.
تحياتي

فعلا خطوره عاليه جدا .. انا لم انتبه ان الشرخ ناحيه الصره موش ناحيه الكاوتش ( التباس بسبب ان الصوره المرفقه جزئيه )

مع الشكر

[rotanamasoud]

طيب Mecha هل يمكن عمل ثقب بزاويه وقلوظته ووضع مسمار الن داخله مع استخدام لحام سائل زى الامير ووضعه مع عجل ورا مش قدام ولا الجنوط محتاجه سيفتى عالى جدا والافضل استبداله

[Mecha]

طيب mecha هل يمكن عمل ثقب بزاويه وقلوظته ووضع مسمار الن داخله مع استخدام لحام سائل زى الامير ووضعه مع عجل ورا مش قدام ولا الجنوط محتاجه سيفتى عالى جدا والافضل استبداله

ما ابدعك ياباشا
الشرخ في الصوره واخد العصب من جنبين. هاتفب بزاويه واقلوط واركب النكيه غاطس وهاحط ع السن لوكوتيت-امير مسامير- وعلي الله مع الرباط الشرخ ميفتحش زياده. الصلب بيشيل اعلي من الالمنيوم وبيتعمل حاجه شبيهه في الطنابير والتروس. طب هعمل ايه بردك في الشرخ. وعاوز تركب الجنط ورا عشان مفيش عزم الكبالن ، طب عزم الفرامل يتعمل ايه فيه.
او شريحتين صلب بره وجوه. وكل واحده تتربط بمسمارين فوق وتحت الشرخ. وفي الاخر لازم ترصص او توازن الجنط .شغل بروجكت يعني
في فحص مضبوط العربيه هتسقط.
وعشان كدا الجنوط الصلب الاستاندرد اقوي بكتير.
فعلا الجنوط سيفتي عالي مطلوب فيهم وخطاءهم ممكن يقتل.
تحياتي

[mohshahat]

ما شاء الله المناقشات جاده ومفيده .. ومن الافضل وفقا لاراء الاخوه الافاضل تغيير الجنط هام وضرورى بس نشتريه منين وينفع اشترى واحد بس والا لا علشان الشكل العام لانى تقريبا صعب الاقى نفس الجنط استعمال ...

[Mecha]

شوف بتوع الاستيراد . وممكن تركب طاسات بلستيك عليهم. عموما متشغلش بالك بالشكل اوي مقارنة بسلامتك.
تحياتي