علامة حمراء في تابلوه العربية مش فاهما

[Cupoo Elahlawy]

السلام عليكم .. العلامة الحمراء اللي هيا دايرة و جنبها علامة تعجب دي بدأت تظهر مرة واحدة كده في شاشة العربية بمجرد ما بحط المفتاح في الكونتاك لمدة ثانيتين و تختفي .. فدي بتدل علي ايه وهل كده في خطر في العربية خصوصا اني بسافر بيها كتير ؟ .. العربية دايهاتسو سيريون 2008

لينك الصورة : http://www14.0zz0.com/2016/01/02/18/287581950.jpg

[د.محمود صلاح]

The dashboard light which looks like a steering wheel with an exclamation point beside it is the power steering light. If this light comes on, it either means the vehicle's power steering fluid levels are low or that there is a fault in the engine management system
دي خاصة بالباور ستيرينج ممكن نقص زيت او مشكلة ما .. بس الكلام ده لو اللمبة منورة على طول .. انما لو بتطفي بعد التشغيل فده طبيعي والله أعلم

[borio1704]

دي علامة الباور ستيرينج أو الدركسيون... والعلامة دي أكيد ما بدأتش تظهر مؤخرا... هو يمكن حضرتك اللي أخدت بالك قربب.. ﻹن الطبيعي إنها تظهر لمدة ثواني بعد التشغيل...وغالبا الباور عند حضرتك كهربا .. من غير زيت.

عموما... أي علامة حمرا في التابلوه معناه خطر عليك أو على السيارة... ولو ظهرلك أي ضوء أحمر لازم تقف أو ما تتحركش بالعربية...

أي ضوء أصفر معناه تنبيه بوجود مشكلة.. وممكن تتحرك بالعربية بس خلي بالك إنك تحلها بأسرع وقت.



...