الدريكسيون تقيل (اوبترا 2007)

[Hosam_fouad]

عندي مشكله ظهرت في العربيه بقالها شهر كدا

الدريكسيون بقي تقيل بمعني اصح حته تقيله وحته خفيفه .

كمان احيانا لما الف الدريكسبون من اقصي الشمال لاقصي لليمين بسرعه احيانا بسمع طرقه في اخر اللفه .

طلمبه الباور لسه جديده بقالها سنه . . . . هل دا عيب اسكاترا ولا حاجه تانيه ؟؟؟


وشكرا مقدما

[lancer06]

المشكله فى الغالب فى نوعيه الزيت المستخدمه (زيت الباور)
ودا السبب الرئيسى فى تلف الاسكاترا وطرمبه الباور

روح لميكانيكى موتور واطلب منه يفضى الزيت اللى فى الطرمبه وينضف قربه الزيت
وجهز معاك علبه زيت وولفر (زيت باور المانى ) سعره ٤٠ جنيه
مش انضف نوع لكنه جيد بما فيه الكفايه للحكم ان المشكله من الزيت او من جزء آخر
هتلاقى الباور اختلف معاك ولو الوضع بقى تمام
سيب الزيت فتره وبعدين غير بزيت اعلى الوضع هيكون افضل
الموضوع دا لسه مجربه عندى فى الانسر بعد معاناه وبرضه كنت مغير طرمبه باور
بالتوفيق وابقى قلنا على النتيجه
لكن متأهملش فى الموضوع دا علشان لو الطرمبه صوتها ابتدى يعلى ويعمل زنه دا من اعراض بدء التلف وتلف الطرمبه بيأدى لتلف الاسكاترا

[Hosam_fouad]

معتقدش المشكله من زيت .... علشان لو كانت زيت كانت المشكله هتظهر تدريجي مثلا ...

لكن المشكله دي لسه ظاهره من فتره قريبه وظهرت فاجئه .

[Mecha]

شوف ، زيت الدركسيون بيتغير علي ميت الف كم وبيكون غامق. انطر الكاوتش وشوف بيض الاسكترا لو مبوش
ولحسة شخم ع الجريده لو خارجيه.