مشكله فى سياره جيلى باندينو ارجو الافاده

[Shafeay]

السلام عليكم ورحمة الله
عربيتى جيلى باندينو ٢٠١٣، انا جيت ادور الصبح العربيه بتدور مارش لكن مبتلقطش حاولت كتير لكن مفيش فايده،، مدارتش الا لما دوست بنزين مع الدواره،، ولازم افضل دايس بنزين شويه لو سبت البنزين على طول تبطل،، وبعد شويه لما تسخن او اعمل مشوار لو بطلت ورجعت دورت بعد ٥ دقايق تدور عادى سلانسيه لكن لو سبتها فتره ورجعت ادور لازم اعمل زى اول مره ادوس بنزين،، افيدونى يا اهل الخبره العيب ده عيب ايه..

[pepo2011]

البوابة وحساس الايدول
او طرمبة البنزين ودي تبان معاك في السحب

[Shafeay]

اشكرك جداً بس اكتشفت النهارده ان البطاريه بايظه بعد ما روحت قيستها وبدلناها بواحده تانيه الحمد لله انها جت على قد كده

[Mecha]

يعني المرش كان بيعتل . مبيلفش عادي بسرعه كافيه

[pepo2011]

هو الاعراض اللي حضرتك قلتها مالهاش علاقة بس ماشي
طالما العيب الحمدلله اتحل