مشكلتى مع سوزوكى ماروتى

[nona remo]

السلام عليكم .
عايزاكو تيفيدونى الله يخليكم انا اشتريت سوزوكى ماروتى مستعملة موديل 97 عشان اتعلم عليها السواقة وعلي قد الامكانيات المادية اللي معايا خطيبى مكنش موافق عليها لان العربية مش عاجباه وبيقولى عربية ضعيفة ومينفعش تتعلمي عليها انا صممت اجيبها وهو وافق وبمجرد ما اشتريتها ولسة هتعلم عليها بدوس فرامل العربية وقفت واحتاجت زقة عشان تمشى خطيبي طبعا فرح فيا وقالى تستاهلي انا قولتلك انها عربية مش تمام المهم قالي هوديها لميكانيكي يظبطها بس للعلم مش هتركبيها تانى لان مهما صلحتي يها هتفضل تفصل منك وتقف منك وانتي بنت فماينفعش وعشان كدة عايز يصلحها ويعرضها للبيع وانا عاجباني العربية وبقولة لو اتصلحت ممكن ماتقفش بيقولى لا هتقف وهتعطل ومقفل دماغه انا عايزة منكم نصيحة من اللي عنده خبرة مع الماروتى حتي لو اتصلحت هتفضل تفصل وتعطل مني وتحتاج حد يزق ؟ وابيعها واخلص ولا اتعربية ممكن تبقا كويسة عشان اتعلم عليها ومش هتتعبني ؟
اسفة علي الاطالة

[amr011111]

العربيه وقفت مش علشان عيب فى الماروتى فقط ولكن ممكن ﻻسباب كتير اولهم والسبب ده برجحه عيب سواقه
وبعدين اى عربيه مستعملع ﻻزم اول لما تشتريها تعمليلها صيانه من تغيير سيور وفلاتر وطقم كهرباء وزيوت
فده مش عيب فى الماروتى. ولو هتبعيها وهتجيبى عربيه تانيه مستعمله وارد تعمل معاكى نفس الكلام فابالعكس الماروتى صيانتها سهله وقطع غيارها رخيصه وسهل تتظبط

[pepo2011]

ايه الكلام ده هههههه خطيبك عاوز يعمل عليكي مصلحة وياخد هو العربية او يبيعها ويطلع بمصلحة هههههه
طبعا انا بهزر مفيش الكلام ده مش عيب في العربية الماروتي كان لازم الاول تروح لميكانيكي يظبط الكهربا والبنزين والزيت وبعدين تمشي بيها ممكن تكون فصلت عيب سواقة او عيب بطارية او دينامو مش بيشحن كان لازم تشيك عليها اول ماتشتري لكن الماروتي عربية جميلة واقتصادية وانسب سيارة لتعليم البنات

[mody_gsm]

انا معايا ماروتى بقلها 3 سنين العربيه بأقل التكاليف تعملها عمرة كاملة وتمشى بيها ممكن سنة كاملة عشان تفكر تروح لميكانيكى تانى عربية موفرة جدااا وبأقل التكاليف تعمل فيها اى صيانة والحاجة اللى بتتعمل فيها بتقعد وقت طويل عقبال ما تتغير تانى نصيحة خليكى فيها بس وديها لميكانيكى يشدها وانتى هتنسيها بعد كدا من ناحية الصيانة

[nona remo]

شكرا ياجماعة علي الرد بس فعلا خطيبي عنده حق العربية سئة جدا جدا جدا جداااااااااااااااااااااا صرفت عليها فوق 3000جنيه تصليح وومشتش بيها لاول الشارع لانها تقريبا بتقف اكتر ما بتمشى وندمانة جدا اني اشتيرتها