Tweet
كنت سايق العربية على طريق البحر في اسكندرية ، والطريق كان زحمة وفجأة سمعت صوت تكة (كأن سوستة فلتت من مكانها) مرتين متتاليتين ، وفجأة دواسة الدبرياج بقت مياه ومبتفصلش الجيربوكس ، الحمد لله كنت على الأول لأن الطريق كان زحمة ، بصيت على سلك الدبرياج لقيته مريح والجزء المعدني للسلك باين (يعني خارج بره الجراب الأسود شوية) حاولت أربط الصامولة اللي ماسكة في دراع الموتور ولكن هيهات ولا حياة لمن تنادي ، جالي ميكانيكيي وبص على العربية وقاللي إن بلية الدبرياج إتكسرت وصوت التكتكة ده كان صوت تكسير البلية ، يرجى الإفادة بالحل لأن غداً الجمعة ومش عارف أعمل إيه في العربية !!!!!
-
-
السلام عليكم ورحمة الله وبركاته تقريبا ده سلك الدبرياج مش البليه ومفيش حاجه اسمها البلية اتكسرت البليه لما تبوظ ليها اعراض 1 لما تدوس دبرياج تسمع صوت صرخه خفيفه ولما تسيب دبرياج الصوت بيروح يبقى بلية دبرياج بدئت تصرخ والصوت بيزيد مع الوقت ممكن يوم وممكن اسبوع لكن على حسب كلامك ده سلك دبرياج تقريبا واتاكد من ميكانيكى معرفه لان كل الصنيعية ولاد بلاش كله عايز يعمل شغل واوعى تسيب العربيه لاى ميكانيكى ويقولك تعلالى اخر النهار تعود على ايد امه لان نادر جداجدا تلاقى صنبايعى امين فى مصر كلها البليه لوفرتت بتكسر الديسك والاسطوانه وتسمع صوت تكسير جامد الدنيا كلها هتسمعة انشاء الله سلك الدبرياج وتبقى حاجه بسيطه وربنا بسترها -
ربنا يطمنك Mohamed Desoky وشكراً على النصيحةComment
-
أنا فعلا نزلت بعد صلاة الجمعة وشديت سلك الدبرياج ولقيته اتقطع علشان هوة كان مشعر علىفردة واحدة (السلك دفيرة) وبالفعل اشتريت سلك دبرياج ياباني بـ 70 جنيه ، وغيرته بنفسي (أينعم دوخني شوية بسبب ضيق المساحة داخل الكبويت وأيضاً تركيبه في دواسة الدبرياج (الشوكة) وأيضاً علشان أضبط علو الدواسة مع فصل وتعشيق الجيربوكس، ولكن الحمد لله تمت بنجاح.
شكراً للمساعدةComment
-
السلام عليكم ورحمة الله وبركاته الحمد لله انها جت على كده وخلى بالك من الصنيعيه فى كل مجال كله عايزينصب ويسرق ويقولك دى شطاره السرقه شطاره النصب والكدب شطاره حتى الشحاته يبقى واحد زى الشحط ويشحت شعب مصر لايطاق المهم خلى فى العربيه سلك دبرياج معاك احتياطى لان قطع الغيار اغلبها زفت وربنا يستر طريقكComment
Comment