مية قربة الريداتير بتنقص باستمرار (فيرنا )

[wael6]

السلام عليكم ورحمة الله
فيرنا اوتو 2013 103 الف كم
مية قربة الريداتير بتنقص كل يومين وبزودها
اثناء سير السيارة مية القربة بتزيد وعند ما السيارة تقف تبرد المياه بتنقص
والريداتير مش بينقص هو واقف على قيمة الزور بس
انا كنت شاكك فى غطاء الريداتير غيرته مرتين بغطا اصلي
سالت بتاع الريداتيرات
قالى ده طبيعي ان السكس بلف بتاع الغطاء بيودي ويجيب من القربة خلال التشغيل
بس مش عارف ليه انا مش مقتنع ؟
واخيرا حطيت كرتونه تحت العربية وهى بارده لقيت ترشيح بسيط من المياهمن تحت الفتيس والريداتير
مع اعلم انى غسلت دورة المياه وغيرت المياه وبعد اسبوعين لقيت صدا فى القربة مع انها اتخلعت بره واتغسلت
اسف جدا للاطالة
وشكرا جزيلا

[dr.mero90]

السلام عليكم ورحمة الله
فيرنا اوتو 2013 103 الف كم
مية قربة الريداتير بتنقص كل يومين وبزودها
اثناء سير السيارة مية القربة بتزيد وعند ما السيارة تقف تبرد المياه بتنقص
والريداتير مش بينقص هو واقف على قيمة الزور بس
انا كنت شاكك فى غطاء الريداتير غيرته مرتين بغطا اصلي
سالت بتاع الريداتيرات
قالى ده طبيعي ان السكس بلف بتاع الغطاء بيودي ويجيب من القربة خلال التشغيل
بس مش عارف ليه انا مش مقتنع ؟
واخيرا حطيت كرتونه تحت العربية وهى بارده لقيت ترشيح بسيط من المياهمن تحت الفتيس والريداتير
مع اعلم انى غسلت دورة المياه وغيرت المياه وبعد اسبوعين لقيت صدا فى القربة مع انها اتخلعت بره واتغسلت
اسف جدا للاطالة
وشكرا جزيلا

بص يا فندم حضرتك انا تقريبا كانت عندي نفس المشكله
اولا حضرتك عندك ترموستات الكوعه و لا شايله زى معظم الناس ما بتعمل
لو عند حضرتك ترموستات الكوعه اتمني تتاكد انه شغال و دا عن طريق انك توقف العربيه و تشغل الماتور و تسيبها تسخن و تمسك الخرطوم اللي طالع من اللماتور لو حسيت انه مره واحده بيسخن مره واحده و يبتدي الخرطوم يبرد كده يبقي تمام الترموستات شغال لو مش اشتغل و دا متوقع ف الجو البرد يا فندم يبقي تراقب الهوا اللي بيطلع لما المروحه تشتغل لو الهوا سخن يبقي المفروض الترموستات يشتغل لو الهوا بارد يبقي تفصل فيشه المروحه دقيقه او اتنين عشان تسيب المايه تسخن جوا الماتور و تخلي الترموستا يفتح كل ده احنا بنتاكد من شغل الترموستات لو شغال يبقي حضرتك تكمل معايا قرايه لو مش شغال يبقي حضرتك هاتغيره و تكمل قرايه بردو هههههههههههه
نيجي بقي للراديتير افتحه و العربيه سخنه و سيبه شويه لو لقيته بيطلع هوا كتبير يبقي تفتح غطا الهوا و تحط بؤق سعادتك مكان الغطا و تشيل الخرطوم اللي طالع من القربه للراديتير و تنفخ هتلاقي مايه طالعه مكان الخرطوم يبقي كده تمام و لو مش طلعت مايه يبقي تسلكه باي حاجه رفيعه و كده يبقي تمام اخر حاجه بقي حضرتك تجيب ازازه المايه بعد ده كله و تقف جنب الراديتير و تتفرج هتلاقي المايه بتنقص من الراديتير و تزيد تاني يبقي كده تمام كله زي الفل سعادتك
حضرتك بس الاول تقدر تفيدني و انا اتابع معاك يا تري فيه ترموستات للكوعه و لا مفصول يا فندم
اتمني تتقبل مروري يا فندم و ممكن حضرتك اقولك علي طريقه تنضف الدوره كلها و كمان تغير الترموستات او تحله و تجربه برا العربيه و دى التجربه التمام بعيد عن الاحساس بالخرطوم
اتمني تتقبل مرورى و تصححلي لو غلطت ف حاجه

[dr.mero90]

حضرتك الصدا ف القربه بعد ما اتنضفت يبقي شغاله تمام و كده هي اخدت الصدا من الدوره يبقي توصيلتها تمام اوي
يبقي تقدر حضرتك تفيدني بس ف وجود الترموستات او عدمه

[عبدالله برعى]

اسباب نقص المياه
1 - ترشيح من الوصلات
2- جوان (وش سلندر)
3- تسريب بخار من غطاء الريداتير غير ملاحظ
العلاج
1- استخدام مياه مقطرة خضراء للمحافظة علي الوصلات
2- مستوي المياه في القربة بين العلامتين f m او شرطتين - حسب كل سيارة وذلك لعمل DP
3- كبس الدورة لمعرفة نقاط الضعف
* ثرموستات الكوعه يجب متابعته وعمل مايلزم لانه له تأثيرات جانبية في حالة الازاله او العطل

[wael6]

شكرا لحضراتكم جميعا
هو الترموستات الاصلي بتاعها مغيرتوش
كان من حوالى سنتين الكوعة اتخرمت وغيرتها والميكانيكي قالى الترموستات سليم
باذن الله هختبر عمل الترومستات
انا لقيت الكاوتشه اللى بداخل غطا القربة مقفعة وغيرتها
هل ممكن تكون بتسرب ولالا ؟

انا غيرت غطا الريداتير بغطا اصلى

متابع حضرتكم
وشكرا جزيلا

[wael6]

حضرتك تقصد ايه بغطا الهوا هل غطا الريدايتر ؟

[wael6]

الريداتير الحمد لله مبينقصش خالص ؟

[tameem2010]

راجع الافايز بتاع الخراطيم وبالذات عند الكوعه
احتمال كبير تلاقي مياه على الفتيس
ده اما الافيز مش مربوط كويس او ان الخرطوم عاوز يتغير

راجع الافايز كلها عند الكوعة وعند الراديتر فوق وتحت
بس ممكن تكون الكوعة عندك هي اللى مشروخه او ان الخراطيم نشفت من حرفها وبتسرب مياه
ده هتلاقي مياه عند الفتيس
لو المياه خضرا هتلاقي عاملة اثر لو لون على الفتيس لان الفتيس تحت الكوعة

[wael6]

لا مفيش ميه ع الفتيس مع العلم انى حاطط ميه خضرا
وشكرا

[wael6]

شغلت العربية و سخنتها الخرطوم سخن بس مبردش وبعد حوالى ربع ساعه المراوح اشتغلت على السرعه الاولى والهوا كان سخن والخرطوم اللى فوق مبردش برده
اعتقد انه مادام المراوح اشتغلت وفصلت ع السرعه االولى يبقي الترموستات شغال ؟
ولا لا ؟
ومؤشر الحرارة ثابت فى المنتصف والجو كان شبه هوا بارد
متابع
وشكرا

[مصطفى اسماعيل]

بس يا باشا السلام عليكم ورحمة الله
فيرنا اوتو 2013 103 لمفروض ام شئ كل 30 يوم او 25 يوم يتعمل دور غسيل كامل للداتير طبعا شوي مياة نار فى القربة وتدوس بنزين شوية تخلى مياة النار تاكل فى كل الصدا الى فى المكنة وبعد كدة تبدا دورة الغسيل بلمياة العادية لا الصدا كترة ممكن يسبب فى شرخ العلبة الفبر او القربة او اى مصورة او الوش طبعا بتاع اللداتير وانصح طبعا بعدم لو العلبة الفبر اتشرخت متلحماش بأى مادة لان كام يوم وتتشرخ تانى فى تغيرة افضل لو ملقتش اى نوع علبة عندى انا واى استسفار عن اللداتير انا تحت أمركم

[wael6]

العربيه عندى القربة بتفضي كل اسبوع
هل هذا طبيعي .؟
مع العلم انى مسلك الريداتير ومشيك ع الكوعه من فترة
الموضوع ده ظهر لما حولت العربية من مانيوال الى اوتوماتيك
كانت الاول بزودها كل اسبوعين من اول الزيرو

متابعكم
وشكرا جزيلا

[tasaka]

انا لقيت الكاوتشه اللى بداخل غطا القربة مقفعة وغيرتها
هل ممكن تكون بتسرب ولالا ؟

غير غطا القربه .. موش القربه كلها .. اشترى غطا جديد لنفس قربه عربيتك
علشان الضغوط جوه الدوره تفضل مظبوطه
الضغوط جوه الدوره بتعطى تبريد افضل

[اminaadel]

برجاء المساعدة في حل المشكلة دي علشان انا روحت لكزا ميكانيكي و مش عارف الحل

انا معايا سوزوكي sx4 2008 و حصل ان الرادياتير كان فيه مشكلة و لحامات فغيرته و بعد لما غيرته لقيت الميه بتنقص بعد كل مشوار تقريبا نصف لتر، وعملت كبس للرادياتير علشان لو فيه تنفيس و طلع سليم و شوفت مكان الزيت في الموتور قولت يكون جايب جوان وش سلندر و طلع سليم و حطيط كرتونه تحت العربية علشان لو في تنقيط و طلع مافيش حاجة و العربيه تبريدها ممتاز و مش بتسخن مؤشر تحت النصف و كل حاجة سليمة
ارجوا الاهتمام و المساعدة علشان بقالي اسبوعين بلف علي الميكانيكية و مش واصل لحل

[tasaka]

برجاء المساعدة في حل المشكلة دي علشان انا روحت لكزا ميكانيكي و مش عارف الحل

انا معايا سوزوكي sx4 2008 و حصل ان الرادياتير كان فيه مشكلة و لحامات فغيرته و بعد لما غيرته لقيت الميه بتنقص بعد كل مشوار تقريبا نصف لتر، وعملت كبس للرادياتير علشان لو فيه تنفيس و طلع سليم و شوفت مكان الزيت في الموتور قولت يكون جايب جوان وش سلندر و طلع سليم و حطيط كرتونه تحت العربية علشان لو في تنقيط و طلع مافيش حاجة و العربيه تبريدها ممتاز و مش بتسخن مؤشر تحت النصف و كل حاجة سليمة
ارجوا الاهتمام و المساعدة علشان بقالي اسبوعين بلف علي الميكانيكية و مش واصل لحل

احتمال كبير لما غيرت الراديتير .. مخدتش الهوا كويس من الدوره

و فى الحاله دى حيفضل ينقص اول اسبوعين ثلاثه لغليه ما كل الهوا يخرج

حاول تخرج الهوا كله .. و افتح زرار السخن على اسخن حاجه علشان لو فيه هوا فى راديتير الدفايه فى الصالون يخرج كمان

حتدور العربيه و تسيبها دايره لغايه المروحه ما تشتغل و شوف اخبار الميه بتقل ام لا و زود الناقص