ســــــؤال في السمكرة

[dr_abooody]

انا معايا 128
الجنوط عريضة بتحك في الشفة الخارجية من الرفرف الخلفي
بتحك في أجزاء بيسطة

يحصل حاجة لو جبت صاروخ و قطعت الاجزاء اللي الكاوتش بيحك فيها و لا دة هيبوظ العربية و يقلل سعرها

بس بصراحة هي ضرورية جدا عشان مرة كنت محمل ناس و الكاوتش دخن و كان هيتقطع

و لا ممكن اكتفى اني ادقها بالشاكوش جامد عشان تدخل لجوة

[amirhamed]

روح لسمكري عشان يضبطها كويس.

[m000dy]

ايه ايه ايه اللى انت بتقوله ده
انت بتتكلم عن عربيه
استنى واسمع انا هاريحك
انا معايا 127 اما جنطت العربيه قلت اركب كاوتش عريض لان الجنط المانى عشان اريح العربيه على الطريق اما اجرى وبالفعل كان قاس الكاوتش بتاعها الطبيعى 135 انا ركبت 155 وعندى نفس مشكلتك وحلها كالتالى
4 جلد الواحده ب 4 جنيه دى المصرى والاستيراد ب 15 جنيه
المصرى دايرتين فوق بعض ولونها اسود والاستيراد لونها رصاصى وعباره عن 5 او اربع دواير فوق بعض على شكل هرم
تروح لعفشجى يركبهملك على المساعدين وممكن كمان تهبط العربيه لحد مايبقى الرفرف فوق الكاوتش بالظبط زى العربيات اللى بتشوفها مهبطه دى وحمل فيها ان شالله 100 نفر الكاوتش مش هايلمس الرفرف نهائى
لو ماعملتش كده وحد وزنه تقيل ركب معاك من قدام وحكت مع دورانات العربيه هاتلاقى الكاوتش فرد السوكه بتاعت الرفرف لان الرفرف من عند الكاوتش متنى لجوه وهاتلاقى السن بتاع الصاج طلع فوق الكاوتش وحكتين تلاته هاتقطعلك الكاوتش نصين فى مره منهم واسالنى انا مجرب
اما من ورا عشان الكاوتش مابيروحش يمين وشمال فهاتكتفى بالدخان بس وده طبعا هايمسحلك الكاوتش وان كنت قرصت عليه كان ممكن يولع لا قدر الله

[dr_abooody]

ايه ايه ايه اللى انت بتقوله ده
انت بتتكلم عن عربيه
استنى واسمع انا هاريحك
انا معايا 127 اما جنطت العربيه قلت اركب كاوتش عريض لان الجنط المانى عشان اريح العربيه على الطريق اما اجرى وبالفعل كان قاس الكاوتش بتاعها الطبيعى 135 انا ركبت 155 وعندى نفس مشكلتك وحلها كالتالى
4 جلد الواحده ب 4 جنيه دى المصرى والاستيراد ب 15 جنيه
المصرى دايرتين فوق بعض ولونها اسود والاستيراد لونها رصاصى وعباره عن 5 او اربع دواير فوق بعض على شكل هرم
تروح لعفشجى يركبهملك على المساعدين وممكن كمان تهبط العربيه لحد مايبقى الرفرف فوق الكاوتش بالظبط زى العربيات اللى بتشوفها مهبطه دى وحمل فيها ان شالله 100 نفر الكاوتش مش هايلمس الرفرف نهائى
لو ماعملتش كده وحد وزنه تقيل ركب معاك من قدام وحكت مع دورانات العربيه هاتلاقى الكاوتش فرد السوكه بتاعت الرفرف لان الرفرف من عند الكاوتش متنى لجوه وهاتلاقى السن بتاع الصاج طلع فوق الكاوتش وحكتين تلاته هاتقطعلك الكاوتش نصين فى مره منهم واسالنى انا مجرب
اما من ورا عشان الكاوتش مابيروحش يمين وشمال فهاتكتفى بالدخان بس وده طبعا هايمسحلك الكاوتش وان كنت قرصت عليه كان ممكن يولع لا قدر الله

شكراا على ردك

المشكلة كلها ورا بس

لما بحمل ورا الرفرف بينزل على الكاوتش و ممكن يقطعة فعلا

انا فهمت من كلامك اني اجيب الجلد دة اللى بيتحط عشان يعمل تحديد لنزول المساعدين عشان ما ينزلش على الكاوتش
مش انت قصدك كدا


انا على فكر كنت مقنطر السوستة اللي ورا
عشان ما تحكش
و بعدين لما لقيت العربية بأت بترزع في المطبات و ناشفة جداا رجعتها طرية تاني لوضعها عشان المطبات و قولت هروح لسمكري وخلاص يوسعلى الرفرف

بس بخصوص الفكرة اللي انت قولتهالي
مش كدا لما المساعد ين يتحدد حركتهم العربية هتبقى ناشفة في المطبات و لا اية ؟؟

[m000dy]

ايوه انا قصدى كده
وفعلا العربيه هاتبقى ناشفه وهاتتنطط بيك وانت راكبها كانك قاعد فى دريم بارك
لكن كل العربيات الجديده عاملين كده ومتنازلين عن رفاهية راحة المساعد قصاد المنظر بعد التهبيط
انما انت عندك مش هاتبقى منظر
دى هاتبقى اساسى عشان تعرف تركب ناس
وبالمره لو حابب تهبط هايبقى ده فى الامكان وهايظبط شكل العربيه معاك اكتر
على ديفيل درا تقليد بعشرين جنيه
هايبقى شكل العربيه تحفه