مشكله كبيره ارجو الحل

[mohamedra22]

السلام عليكم ياشباب

اولا العربيه منوره لمبه الاعطال واللي بيحصل فيها انها فجأه وانا ماشي السحب بيقل وعداد الrpm يفضل يعلي ومبينقلشي !! الا لما ابطل العربيه واشغلها تاني ! المهم وديتها للتوكيل للكشف قالي انها مسجله حساس كامه وحساس سرعه خدتها وروحت توكيل بتاع شبين لقيتهم بيقولولي حساس كرنك ! قولت تمام غيرنا حساس الكرنك وحساس الكامه ومفيش حاجه اتغيرت بالعكس الموضوع زاد
لقيتهم بيقولوي في التوكيل العربيه محتاجه شغل وهتسيبهالنا قولتلهم انتوا شاكين في ايه بالظبط ؟ قالي ممكن يطلع كنترول وهنحتاج ساعتها نجيب واحد جديد !!!

انا دلوقتي بسأل حضراتكم هل فعلا دي اعراض كنترول ؟ متهيألي يقصد كنترول الفتيس مع العلم ان العربيه لما بيحصل المشكله دي اطفيها واشغلها تاني بترجع عاديه

العربيه صني 2013 اوتوماتيك وعامله 130 الف

[tasaka]

اكتب الاكواد اللى طلعت لك .. و فيه موقع بيبين جميع الاسباب المحتمله لظهور هذا الكود .. و كمان باسبقيه امكانيه انه هو السبب

يمكن ده يساعدك فى تشخيص احتماليه المشكله

OBD-Codes OBD-II Trouble Codes - DTC Codes Car Repair


و فيه بعض المواقع الاخرى لمقارنه الاسباب ( قد تجد اختلافات بسيطه باضافه سبب او ازاله سبب

https://www.google.com.eg/?gws_rd=ssl#q=obd2+error+codes

[mohamedra22]

المشكله دلوقتي انهم علي كلامهم عالجوا الموضوع ده لانهم عملوا فحص بالكمبيوتر وطلع حساس كرنك وكامه وغيرنا الاتنين

بس حوار ان الrpm يفضل يعلي ومياخدش النقله ده لسه موجود وقالولي ان احتمال يكون كنترول
فسؤالي هل فعلا الكنترول ممكن يسبب حاجه زي دي ؟ مش المفروض لو هو عيب كنترول المشكله دي هتفضل موجوده مش هتختفي لما ابطل العربيه واشغلها تاني زي مابيحصل

[pepo2011]

اه طبعا ممكن يكون وكنترول وممكن يكون سلة في الدفيرة او الفيشة ههههههه تخيل بقي!!!؟؟؟؟
عموما انت لازم تجرب وتسال اي حد تاني

[mohamedra22]

رينا يستر ويطلع دفيره :d

طب هل حساس السرعه ممكن يعمل الاعراض دي ؟

[دعبدالرحيم]

غالبا كنترول الفتيس او زيت الفتيس او البطاريه .

[فتح الباب]

على وصف حضرتك بالظبط ده تهريب زيت داخل مجموعة الاسطوانات بالجير بوكس وغالبا هيكون اسطوانات تم تآكلها بسبب استعمال خاطئ . هل على كل الغيارات كدا ولا الd فقط ؟ استنتاجى يحمل الخطأ والصواب لعدم معرفة العطل كاملا

[mohamedra22]

الd فقط

[فتح الباب]

الd فقط

اولا شوف الزيت ناقص ولا مظبوط لو ناقص زوده وجرب ولو مظبوط غيره وجرب ثانيا يتم اختبار الكنترول وخصوصا سلونايد الd ربما يكون العيب من السابق شرحه . لو ظل العيب كما هو يبقى الفتيس هينزل وهتكون مقتنع انك دورت كويس قبل ما تنزل الفتيس وبالنسبه لنزول الفتيس شئ مش صعب ولا هو جوهرى بقدى ما تلاقى العطل والاسطوانات موج ده فى اماكن كتير المهم الميكانيكى يكون فيه مخ بس . وانتظر رأى باقى الزملاء ربما يأتى زميل ليصحح معلومه تفيدك . تقبل مرورى