أكواد أعطال في كيا سبورتاج 2007

[hbisher]

الاصدقاء الأفاضل مشرفي المنتدى ورواده السلام عليكم ورحمة الله وبركاته


معي سبورتاج 2007 أمريكية المواصفات ، 6 سلندر ، 2007 سي سي ،
و الحمد لله وبفضله السيارة جيده ، ولكن الان أحس عزمها قل عن الأول ، فحصتها ووجدت الأكواد التالية
p0703
p0420
p0430
p0150
p0170
p0173
p0102
p0741
فما رأيكم دام فضلكم
بانتظار اقتراحاتكم وتفسيراتكم ،، وخاصة أني انوي السفر بالسيارة لمسافة طويلة تتعدى 3000 كم
تحياتي للجميع

[م/أحمد عبد الفتاح]

P0703 سويتش نور الفرامل بايظ او الفيشة بتاعته - لما تدوس فرامل لمبات الفرامل مش بتنور .
P0420 و p0430 دول ليهم علاقة بان علبة البيئة اللى فى الجاكمان مش شغاله كويس ودى ممكن يكون سببها سينسور اكسجين ( جاكمان ) او فيه تسريب عادم من الجاكمان او شرخ بسيط مثلا. او ممكن تكون علبة البيئة اتسدت خلاص .
P0150 سينسور اكسجين بايظاو فيشته بايظة .
P0173 و p0170 نسبة خلط البنزين مع الهوا زيادة ومش مظبوطة وده احتمال يكون سينسور الاكسجين هو السبب او الماف سينسور بايظ او فيشته بايظة او مخلوعة
P0102 ماف سينسور ممكن يكون بايظ او فيشته مخلوعة او بايظة
P0741 دايرة قربة الفتيس او السلونويد بتاعها او الفيشة فيم مشكلة.
حضرتك اول حاجه حاتكشف على العربية يكون فيها ارضى لان ممكن تكون كل دى مشاكل كهربا - تانى حاجه حاتغير سويتش نور الفرامل وبعدين تروح لبتاع الكمبيوتر اللى كشف عليها يعملك كلير للاعطال وتمشى بيها مشوار وتشوف القصة هل لمبة الموتور نورت تانى ولا كان السويتش عامل قافلة جامدة ومسبب الاعطال دى كلها - لو اللمبة بتاعة الاعطال نورت تانى يبقى تكشف على الجاكمان كله لو فيه شرخ او تسريب من اى حته - وبعدين تتاكد ان فيشة سينسور الاكسجين راكبة ولو كان كل ده تمام يبقى تغير سينسور الاكسجين وتروح تعمل كلير تانى للاعطال وتمشى شوية لو الحال اتظبط يبقى خلاص ولو لمبة الموتور نورت تروح تغير علبة البيئة وبالمرة تكشف على الماف سينسنسور تشوف فيشته سليمة ولا لا لو كان الفيشة سليمة يبقى تغير الماف سينسور - - غالبا لو عملت كل الحاجات دى العربية حاتتظبط ان شاء الله - بالنسبة لمشكلة دايرة سلونويد القربة ممكن تروح مع الاصلاحات دى والا تكشف على الفيش اللى داخلة على الفتيس ممكن تكون مملحة .
وبالتوفيق ان شاء الله وماتسافرش بيها كده علشان الاعطال ماتزيدش وممكن العربية تقف .
***** سؤال اعتراضى : البطارية بتاعتك اخر مرة غيرتها امتى ؟؟؟؟؟ ممكن لو كانت بقالها فترة كبيرة تكون على وشك التفييص
ومعلش سؤال تانى : ايه اخر حاجه عملتها قبل كل الاعطال دى ماتظهر ؟؟؟؟

[م/أحمد عبد الفتاح]

معلش مااخدتش بالى انك ٦ سلندر - كده انت عندك علبتين بيئة واحدة يمين وواحدة شمال

[hbisher]

جزاك الله الله كل خير يابشمهندس

اخر حاجة عملتها قبل المشاكل دي كان سفر 2000 كيلو تقريبا ،،، وقطعت بنزين ، والدينامو باظ ،،، مع بعض ،،،، متقولش ازاي جم سوا كده
بس اهو اللي حصل وربنا كاتبه
غيرت الدينامو ، والحمد لله اشتغلت كويس ورجعت الرياض بخير ،،، بس من يومها لما لمبة التانك تنور وادخل امون بنزين بمجرد العامل ما يفتح غطا التنك بتبطل العربية
ودي حاجة جديدة مكانتش قبل كده

عموما اخر فحص كمبيوتر عمل الفني مسح للاكواد ،،، وبعدها غيرت زيت الجير وزيت العربية وفلتر الهواء وفلتر التكييف
من فترة مغيرتش فلتر البزين عشان مش اي حد بيعرف يغيره ، ومعظم المحطات بيقول مفيهاش فلتر بنزين اصلا ( بيكبروا دماغهم) يعني
اللمبة طفت وللان مر 4 ايام ومظهرتش تاني

اللي قالقني هو رمز الخطأ بتاع الجير ،،،، وخصوصا ان عزم العربية قل في السفر


فما رأيكم دام فضلكم

[hbisher]

بالنسبة للبطارية ، مغيرها من حوالي 6 شهور تقريبا ،،،،
الفني اللي عمل الفحص الكمبيوتر قالي ايضاً انها محتاجة تغير بلف الحرارة ، وتغير 2 حساس الكنشفت بنك واحد وبنك اتنين،،، وتنضيف البخاخات بعمل تصفية للماكينة

فما رأي حضرتك

[م/أحمد عبد الفتاح]

جزاك الله الله كل خير يابشمهندس

اخر حاجة عملتها قبل المشاكل دي كان سفر 2000 كيلو تقريبا ،،، وقطعت بنزين ، والدينامو باظ ،،، مع بعض ،،،، متقولش ازاي جم سوا كده
بس اهو اللي حصل وربنا كاتبه
غيرت الدينامو ، والحمد لله اشتغلت كويس ورجعت الرياض بخير ،،، بس من يومها لما لمبة التانك تنور وادخل امون بنزين بمجرد العامل ما يفتح غطا التنك بتبطل العربية
ودي حاجة جديدة مكانتش قبل كده

عموما اخر فحص كمبيوتر عمل الفني مسح للاكواد ،،، وبعدها غيرت زيت الجير وزيت العربية وفلتر الهواء وفلتر التكييف
من فترة مغيرتش فلتر البزين عشان مش اي حد بيعرف يغيره ، ومعظم المحطات بيقول مفيهاش فلتر بنزين اصلا ( بيكبروا دماغهم) يعني
اللمبة طفت وللان مر 4 ايام ومظهرتش تاني

اللي قالقني هو رمز الخطأ بتاع الجير ،،،، وخصوصا ان عزم العربية قل في السفر


فما رأيكم دام فضلكم

بالنسبة لانها بتبطل بمجرد ماتفتح غطا التانك علشان تفول بنزين :
- اول حاجه لازم تغير فلتر البنزين ولو فضل الحال على ماهو عليه فيه احتمال للاتى :
العربيات اللى بمواصفات امريكانى بتستخدم منظومة لحماية البيئة من التلوث بأبخرة البنزين والمنظومة دى بتبقى عبارة عن علبة ابخرة بداخلها فحم كربونى اسمها evap canister ودى مكانها بيقى قرب التانك او الناحية التانية من الجاكمان - ودى وظيفتها انها تمتص البنزين من الفايظ علشان مايتبخرش ويلوث الجو وبعدين فيه بلف تانى اسمه purge valve وده وظيفته انه بيشتغل بالكهرباء ويفتح سكة السحب من علبة الابخرة اللى انا ذكرتها فى الاول ويودى الابخرة لداخل المحرك علشان تتحرق مع البنزين وتخرج عادى من الجاكمان - المنظومة بتاعة حماية البيئة دى بتبقى شغالة بنظرية خلخلة الضغط ولو العلبة مشروخه او مسدودة او البلف بايظ بتخلى العربية تعمل اللى بتعمله معاك فى حكاية انها تبطل اول ماتفتح غطا التانك او فى بعض الاحيان تيجى تفول تلاقى كل شوية البنزين يقع ويرجع من فتحة التموين وبتاخد وقت كبير فى التفويل - اكشف على الحاجتين دول الاول ممكن جدا تكون فيه حاجه بايظة او ساعات كمان العلبة بتاعة الابخرة لما تتسد الفحم اللى جواها بيبقى عامل زى الكور الصغيرة ممكن يسد خط راجع او خط تنفيس فالعربية مش بتقدر تسحب بنزين من التانك براحتها فتحس بان الباور والعزم بتاع العربية قل .
بالنسبة لكود سلونويد قربة الفتيس فده باذن الله مش حايظهر تانى لما تحل مشكلة البنزين لانه حساس جدا لموضوع اى حاجه بتحصل فى دايرة البنزين وحتى لو فضل معاك ماتقلقش لان اخره تنزل سوفت وير للفتيس من اول وجديد او تغيير السلونويد بتاع القربة - بس غالبا حيروح لوحده لان معندكش شكوى من الغيارات بتاعة الفتيس يعنى مثلا مش بيعلق على نقلة ولا بيسقط غيار او اتنين

[م/أحمد عبد الفتاح]

بالنسبة للبطارية ، مغيرها من حوالي 6 شهور تقريبا ،،،،
الفني اللي عمل الفحص الكمبيوتر قالي ايضاً انها محتاجة تغير بلف الحرارة ، وتغير 2 حساس الكنشفت بنك واحد وبنك اتنين،،، وتنضيف البخاخات بعمل تصفية للماكينة

فما رأي حضرتك

بلف الحرارة بيدى كود او مثلا العربية تسخن عن العادى ولو سينسور الحرارة فده برضه المفروض يدى كود او يتفك والفنى بيقيسه عن طريق التسخين الخارجى وقياس مقاومته لو اتغيرت بالتسخين يبقى شغال - وحساسات بنك واحد واتنين الكود اللى كان عندك بتاع حساس بنك واحد -وهل اللمبة بتاعة الموتور نورت معاك تانى وكشفت طلعلك الحساسين بتوع بنك واحد وبنك اتنين ؟؟؟؟ وكمان حتلاقى العربية بتاكل بنزين كتير - خلص مشكلة التفويل الاول وبعدين نشوف الوضع حايبقى ايه علشان متقعدش تغير فى حاجات كتير وتكلف نفسك

[م/أحمد عبد الفتاح]

بعد ان شاء الله مالموضوع ده يخلص حاتشترى علبة منظف بخاخات بنزين وتضعه على تانك البنزين وهو مليان ان شاء الله ينظف البخاخات

[hbisher]

بشمهندس صباح الفل
رحت امس لبتاع شكمانات عشان فحص الشكمان وتنضيف علبة البيئة (دبة التلوث)
قالي لازم يقصها بالنار وينضفها وبعد كده يلحم تاني
وان مفيش حل غير كده للتنضيف
بصراحة تراجعت وقلت أسأل حضرتك ،، فهل كده صح ولا بيعجن ؟؟

[م/أحمد عبد الفتاح]

بشمهندس صباح الفل
رحت امس لبتاع شكمانات عشان فحص الشكمان وتنضيف علبة البيئة (دبة التلوث)
قالي لازم يقصها بالنار وينضفها وبعد كده يلحم تاني
وان مفيش حل غير كده للتنضيف
بصراحة تراجعت وقلت أسأل حضرتك ،، فهل كده صح ولا بيعجن ؟؟

اول حاجه هل انت اتاكدت من انها تالفة ؟؟؟
وتانى حاجه فيه ناس كتير جربت تنضف دبة التلوث وفشلت معظم المحاولات ولكن علشان هى سعرها غالى مافيش مانع من التجربة بس على اساس انك لو لقيت الشبكتين اللى بداخلها سليمة ممكن يحاول محاولة التنظيف بس اسأله مقدار الزمن الذى تستغرقه عملية التنظيف ولو رد بانها ٢٤ ساعة يبقى الراجل فاهم هو بيعمل ايه ولو قال ساعتين او حتى ٦ ساعات يبقى مش مظبوط

[hbisher]

اول حاجه هل انت اتاكدت من انها تالفة ؟؟؟
وتانى حاجه فيه ناس كتير جربت تنضف دبة التلوث وفشلت معظم المحاولات ولكن علشان هى سعرها غالى مافيش مانع من التجربة بس على اساس انك لو لقيت الشبكتين اللى بداخلها سليمة ممكن يحاول محاولة التنظيف بس اسأله مقدار الزمن الذى تستغرقه عملية التنظيف ولو رد بانها ٢٤ ساعة يبقى الراجل فاهم هو بيعمل ايه ولو قال ساعتين او حتى ٦ ساعات يبقى مش مظبوط

صباح الخيرات يابشمهندس
أنا معرفش بايظة ولا لأ ،
عموما حتى الان تم تغيير فلتر البنزين وتم تنظيف فلتر الماف سينسور ، وتم تغيير سيسنور الفرامل (رغم ان اللمبة العلوية فوق كانت شغالة بس الاتنين اللي في الفوانيس هما اللي مش شغالين وطلعوا محروقين وغيرتهم)
حاليا حاسس ان السحب بقى كويس، رغم ان العربية طفت لما جيت أمون وقعدت فترة عشان تدور.
اللمبة نورت وطفت أكتر من مرة
الآن اللمبة طفت
هحاول الفترة الجاية أكشف على علبة التبخير اللي ورا التانك وأشوف حساس الكانستر ، والبلف اللي قبله
المشكلة ان القطعتين دول مش موجودين ، والميكانيكية بيستسهلوا ومش بينضف وعايز يغير وخلاص.

باذن الله هاعمل الحاجات دي ولو نورت اللمبة هاكشف كمبيوتر تاني وأشوف الدنيا فيها ايه

شاكر ومقدر لحضرتك

[hbisher]

مساء الخيرات يا بشمهندس
من شوية جبت جهاز فحص الكمبيوتر الصغير (elm327) وشغلته بلوتوث على ايباد اندرويد ببرنامج توروق لايت، جاب خطا واحد بتاع الماف سينسور p0102
فحصت اكثر من مرة ولم يأتي بسواه ،،، مسحته وفحصت تاني ،، مطلعش حاجة

ربنا يسهل يكون كل شئ انتهى بعد تغيير فلتر البنزين
بانتظار رأيك

[م/أحمد عبد الفتاح]

كويس انك عملت كده وبرنامج تورك من افضل البرامج لفحص الموتور

[hbisher]

مساء الفل يا كبير
كشفت على الماف سنسور والفيشة ،، الفيشة طلعت سليمة والفني قالي الحساس عايز تغيير
رحت أسأل عليه في التوكيل قالي مش موجود وبيجي طلبية من دبي وسعره 1200 ريال قبل الخصم وعليه خصم النص يعني ب 600 ريال
رحت للتشليح (الاقي مستعمل ) لقيته عامل 200 ريال
دورت على اي باي لقيته ب 20 دولار ،، وهو في الطريق باذن الله حاليا

باقي فلتر التاني (الكانستر ) اللي بيسبب تبطيل العربية ساعة فتح التنك للتمويين لما التنك يفضى
مش عارف اجيبه والمشكلة قائمة
ايه رايك ياكبير