مشكلة مش قادر أحلها رجااااء المساعدة

[Dr Ahmed Zaki]

بسم الله الرحمن الرحيم

أنا معايا عربية شاهين و حالتها الاحمد لله فوق الممتازة ...تقريبا انا بعمل لها كل حاجة ف الصيانة بنفسي...المشكلة حاليا تتلخص ان و انا ماشي ف زحمة و العربية تسخن (اغلب الوقت بعد ما المروحة تشتغل)...او بعد مشوار سفر أول ما اجي اتحرك بالعربية كأني فجأة بجر عربية نقل ورايا...العربية العزم مفيش و رجرجة رهيبة كأن العربية في حاجة ماسكه فيها من ورا..و لو ما حاولتش اتحرك معاها بالسياسة مع الدربياج تبطل...طيب أنا غيرت طرمبة بنزين و بوجيهات و سلوك بوجيهات...غيرت الموبينة...تقريبا اي حاجة شكيت فيها غيرتها و بأصلي...أرجوووو منكم مساعدة ف المشكلة الغبية دي لأنها كرهتني ف العربية رغم حبي الشديد لها كأنها حتة مني...رجاء اللي عنده حل يقولي و لكم جزيل الشكر

[ahmed_eng2001]

مشكلة حضرتك غريبة جدا

ممكن تبص على الفرامل ... تتأكد من طقم الدبرياش
متابع معاك

[man1974]

حضرتك بص على ريش مروحة الرادياتير، ممكن يكون حد قبل كده ركب المروحة مقلوبة، يعني بدل ما تشفط الهواء لورا، تنفخ الهواء لقدام، وده ممكن يسبب السخونة العالية للعربية، لأن أخويا حصلت معاه نفس المشكلة دي.

[tasaka]

بالنسبه للتأكد من الفرامل .. لما تعمل الموضوع ده .. شيك على الاربع جنوط و شوف حرارتهم زياده .. و لو كانوا سخنيين جدا او واحد منهم سخن جدا .. ممكن الفرامل تكون بتقفش عليهم

ده ممكن يحصل لو انت غيرت رجلاش السيرفو .. او رجلاش فرمله اليد .. او يكون بستم فرامل بيعلق

[Dr Ahmed Zaki]

مشكلة حضرتك غريبة جدا

ممكن تبص على الفرامل ... تتأكد من طقم الدبرياش
متابع معاك

أولا شكرا لإهتمام حضرتك جدا و لأي حد بيحاول يلاقي حل للمشكلة الغبية دي:(
الفرامل مفيهاش مشكلة و مفيش اي فردة بتقفش ...طقم الدبرياج أتأكد منه إزاي؟؟؟ طبعا انا عارف موضوع اطلع بالعربية عالرابع ده...بس ده مش مقياس للأسف و مش هبقى متأكد منه يا ريت لو عند حضرتك طريقة اكشف بيها عالدبرياج

[Dr Ahmed Zaki]

حضرتك بص على ريش مروحة الرادياتير، ممكن يكون حد قبل كده ركب المروحة مقلوبة، يعني بدل ما تشفط الهواء لورا، تنفخ الهواء لقدام، وده ممكن يسبب السخونة العالية للعربية، لأن أخويا حصلت معاه نفس المشكلة دي.

ألف شكر لرد حضرتك...العربية معايا أول يد مفيش اي حد لعب فيها او عدل فيها اي حاجة...صيانتها كانت يا اما توكيل او انا اللي بعملها

[Dr Ahmed Zaki]

بالنسبه للتأكد من الفرامل .. لما تعمل الموضوع ده .. شيك على الاربع جنوط و شوف حرارتهم زياده .. و لو كانوا سخنيين جدا او واحد منهم سخن جدا .. ممكن الفرامل تكون بتقفش عليهم

ده ممكن يحصل لو انت غيرت رجلاش السيرفو .. او رجلاش فرمله اليد .. او يكون بستم فرامل بيعلق

ألف شكر لحضرتك...لأ للأسف مفيش سخونية ف اي عجلة ...الفرامل مظبوطة مفيهاش مشاكل و حتى جربت انزل و العربية كدة ازقها اشوف حاجة قافشة بتتزق عادي

[ahmed_eng2001]

العفو يا فندم ...

فيه حاجة تانية ممكن تبص عليها .... جوان وش السلندر ... و مش شرط الجوان يخلط مياه على زيت ... ممكن يكون بيهرب الكبس على دورة المياه او دورة الزيت

الدبرياج بتجربه زى ما حضرتك ذكرت ... جرب تطلع من الثبات على الغيار الثالث ... و شوف اخبار العربية ايه

ملحوظة صغيرة خالص لحضرتك .... العربية اله ... لا تحملها ذنب عطلها ... ففى الاول و الاخر ... هى ماكينة
نصيحة كمان من اخ ... علشان انا كنت بعمل كدة فى عربيتى ... راجع انت عملت ايه اخر حاجة .... احتمال تكون عملت حاجة غلط و انت مش واخد بالك
تقبل تحياتى
و متابعين معاك

[Dr Ahmed Zaki]

العفو يا فندم ...

فيه حاجة تانية ممكن تبص عليها .... جوان وش السلندر ... و مش شرط الجوان يخلط مياه على زيت ... ممكن يكون بيهرب الكبس على دورة المياه او دورة الزيت

الدبرياج بتجربه زى ما حضرتك ذكرت ... جرب تطلع من الثبات على الغيار الثالث ... و شوف اخبار العربية ايه

ملحوظة صغيرة خالص لحضرتك .... العربية اله ... لا تحملها ذنب عطلها ... ففى الاول و الاخر ... هى ماكينة
نصيحة كمان من اخ ... علشان انا كنت بعمل كدة فى عربيتى ... راجع انت عملت ايه اخر حاجة .... احتمال تكون عملت حاجة غلط و انت مش واخد بالك
تقبل تحياتى
و متابعين معاك

طيب يا باشمهندس احمد...معلش تاعبك معايا أنا عارف
أنا هجرب العربية عالتالت و اقول لحضرتك ع النتيجة...بمناسبة جوان وش السلندر انا المية عندي بتنقص بقالها فترة...بس بعد تدوير على مصدر تسريب لقيت طبة مية حواليها مصدي ف افترضت انها منها...طيب لو جوان وش سلندر أنا الزيت عندي ما بينقصش و معنديش اي مشاكب ف السحب ولا ف العربية و هي دايرة ف الثبات...هي المشكلة دي زي ما وصفت كدة...أنا اتصدمت بصراحة لما عرفت من حضرتك انها ممكن تبقى وش سلندر ...و هل تغييره في مشاكل و لا بسيط؟؟؟...انا العربية عملت 100 الف كيلو بالظبط و محافظ عليها جدا و مواعيد الزيت
و ربنا يجعل مجهودك معايا في ميزان حسناتك يا رب

[فتح الباب]

لو العربيه بتكون دايره منتظمه فى حالة الثبات وعند التعشيق تشعر برجرجه ملحوظه فهذا ديسك واسطوانه كما انك وضحت بأجراء صيانه وسلامة المحرك

[ahmed_eng2001]

طيب يا باشمهندس احمد...معلش تاعبك معايا أنا عارف
أنا هجرب العربية عالتالت و اقول لحضرتك ع النتيجة...بمناسبة جوان وش السلندر انا المية عندي بتنقص بقالها فترة...بس بعد تدوير على مصدر تسريب لقيت طبة مية حواليها مصدي ف افترضت انها منها...طيب لو جوان وش سلندر أنا الزيت عندي ما بينقصش و معنديش اي مشاكب ف السحب ولا ف العربية و هي دايرة ف الثبات...هي المشكلة دي زي ما وصفت كدة...أنا اتصدمت بصراحة لما عرفت من حضرتك انها ممكن تبقى وش سلندر ...و هل تغييره في مشاكل و لا بسيط؟؟؟...انا العربية عملت 100 الف كيلو بالظبط و محافظ عليها جدا و مواعيد الزيت
و ربنا يجعل مجهودك معايا في ميزان حسناتك يا رب

جوان وش السلندر ممكن يبوظ لاسباب كتير .... منها العمر الافتراضى ... او لو درجة الحرارة زادت جدا لاى سبب ...
و مش لازم الزيت يتنقص او ان المياه تنقص ... ممكن حضرتك تلاحظ الردياتير اذا كان فيه فقاعات هواء كتير .... تغييره مش صعب ...
الصعب فى الموضوع ده ان حضرتك حتحتاج تقسم الموتور من الاول
احنا لسة بندور على السبب ... و ادينا بنبص على الحاجات الى ممكن تكون السبب ... ده مش معناه ان حضرتك تغير جوان الوش :)

[دعبدالرحيم]

تاكد من شحن الدينمو الارضي والديسك والاسطوانه

[محاسب صعيدى]

متابع