اسبرانزا 516 2007 ارجو الافادة ضرورى

[nor2005]

انا كتبت المشكلة فى باب الخاص بالاسبرانزا مفيش رد قلت احط رابط الموضوع هنا فى الورشة الفنية
لعلى اجد حلا ان شاء الله

[justify]الموضوع[/justify]

ارجو من السادة الاعضاء المساعدة
ولكم جزيل الشكر

[م/أحمد عبد الفتاح]

حضرتك امامك عده حلول :
- الحل المؤقت وهو انك تفك الخرطوم خالص وتروح تشترى خرطوم جديد اطول منه شوية واتنين كوليه بقطر مناسب للخرطوم وتركبهم فى الخرطوم قبل ماتركبه فى الماسورة وبعدين تركبه فى الماسورة بس تركب الخرطوم لمسافة اكبر فى الماسورة علشان يعدى الحتة المتاكله .
- حل دائم وهو انك حاتفك الخرطوم وتشترى حته جديدة اطول وتفك الماسورة وتروح تفصل واحده زيها وتشترى الماسورة من عند الناس اللى بتبيع الواح الحديد والصاج والزوايا حاتجيبها بنفس القطر والسمك وتسأل الراجل اللى باعهالك ممكن تتنيها وتكوعها عند مين وهو اكيد حايقولك تعملها فين وتركب كله على نضافة .

[nor2005]

الف شكر يا بشمهندس احمد على سرعة استجابتك وردك الف شكر
تمام زى ما حضرتك بتقول كدة بس انا ليا استفسار بعد اذنك
الماسورة دى راكبة فى المحرك هل يمكن فكها ؟
والخراطيم دى بتتباع فين وهل فية نوعية معينة

ولك منى جزيل الشكر وفائق الاحترام

[م/أحمد عبد الفتاح]

امشى ورا الماسورة وشوف هيا راكبه على ايه هل راكبه على خرطوم تانى ولا داخله بفلانجة على الموتور مثلا بمسمارين راس صامولة - وهل المكان يسمح بانك تفكها بسهولة ولا لازم العربية تترفع مثلا وهل عندك العدة اللى تقدر تفكها بيها مثلا طقم لقم للاماكن الغويطة ؟؟؟؟؟ علشان كده قلتلك الحل المؤقت هو تغير الخرطوم بس على ماتروح لحد محترم يفك الماسورة وتصنع زيها - مكان بيع الخراطيم للاسف انا من اسكندرية بس اعتقد لو حضرتك من القاهرة انزل التوفيقية او شارع الجمهورية والخرطوم لازم يكون بنفس القطر والسمك ومتتيل يعنى طبقتين بينهم نسيج زى قماش التيل

[م/أحمد عبد الفتاح]

وخلى بالك لو قدرت تفك الماسورة حتلاقى ميه كتير وقعت ماتنساس بعد ماتخلص تزود الميه وماتمشيش بيها كده ولو كانت الماسورة داخلة بفلانجة على الموتور يبقى اكيد فيه جوان بيضاوى للفلانجه تبقى تفصل واحد جديد برضه عند اى ورشة بتاعة جوانات والجوان بيتفصل من ورق سميك اسمه كلنجرايت ويستحسن بعد ماتخلص تعمل غسيل لدورة التبريد وتحط ميه خضرا او حمرا على حسب كتالوج العربية لأن واضح ان كمية الصدا اللى فى الخرطوم دى بسبب استعمال المية العادية

[nor2005]

معلش يا بشمهندس هتعبك معايا شوية هية المية المناسبة لل 516 اية مية خضرا ولا حمرا ولا اية

وهل فى حاجة احطها فى المية القديمة علشان اغسل الدورة قبل ما احط المية الجديدة ولك جزيل الشكر