تسقيط موتور

[Osama srhan]

انا الحمد لله نويت اسقط موتور لمعشوقتى بولونيز
هاخد الميكانيكى معايا و ننزل عزبة شلبى الاسبوع الجاى وكنت محتاج اعرف شوية حاجات
اولا مواعيد المحلات هناك لازم بدرى ولا ممكن على 4-5
ثانيا الموتور الى موجود بتاع بولونيز 2002 الى هى منزلتش مصر اصلا انجكشن و اشعال الكترونى
المكنه بافتيس فى حدود 3000-3500
بس السؤال اخليها انجكشن ولت كربراتير
و هلى الموتور بيجى معاه ضفبرته و كنترول ولا هحتاج كهربائى يظبطلى الكلام و ادخل ف مصاريف تانيه
و ايه الى مفروض اعمله بعد التسقيط سيرفيس مثلا تليين
والميكانيكى هياخد 500 جنيه مقابل نزوله معايا من اكتوبر ل عزبة شلبى و مصنعيته ده كويس؟؟؟
معلش اخر حاجه المكنه القديمه بمشتملاتها من دينمو و مرش و طرمبات و فتيس و الخ
يتباعه بحدود كام و مين يشتريهم
علما ان المكنه فيها طقم سبيكه فقط
و الفتيس فيه غويشه الرابع بس بتعمل صوت وهي بتاخد الرابع غير كده كله تمام
اسف للاطاله و منتظر افادة حضراتكو

[Osama srhan]

منتظر اراء حضراتكم

[م أحمد]

موتور البولونيز بيعمل 2500 ج و من غير كاربيراتير و اسبراتير بيعمل 2000 ج !!! من غير فتيس طبعا

اوعى تزنق نفسك فى موتور مالوش قطع غيار.... و هتاحتاج طبعا كهربائى

موتور البولونيز ال 1500 مقرف و مش كويس هات ال 1600

و غير الميكانيكى دا....500 ج علشان هيتفضل يروح معاك المشوار دا !!! امال هتنقله بكام ؟!!! و هتسقطه بكام ؟!!

و ما دمت فى اكتوبر ايه يوديك عزبة شلبى و عندك و كالة البلح اقرب بكتير .. إلا لو صاحبنا عارف ناس هناك ؟؟؟

[Osama srhan]

هو ال 500 شامله كل حاجه من ساعة ما ينزل معايا و مصنعيته لحد ما يسلمنى العربيه
هو انا عايز اجيب فعلا ال 1600 لانى قرفت من ال 1500
و لما سالت كذا واحد قالى ان هى نفس المكنه ف قطغ الغيار بس تقلبها كربراتير
لانى سمعت ان ال 1500 معظمه بيكون فيه مشاكل ايه راى حضرتك
و بالنسبه للوكااله افضل ولا عزبة شلبى هو بصراحه الميكانيكى قالى عايز هنا ماشى او هنا ماشى
بس انا قلت هناك ادور براحتى وبرضو عايز حضرتك تشرفنى برايك لانى برضو محتار

[م أحمد]

هو ال 500 شامله كل حاجه من ساعة ما ينزل معايا و مصنعيته لحد ما يسلمنى العربيه
هو انا عايز اجيب فعلا ال 1600 لانى قرفت من ال 1500
و لما سالت كذا واحد قالى ان هى نفس المكنه ف قطغ الغيار بس تقلبها كربراتير
لانى سمعت ان ال 1500 معظمه بيكون فيه مشاكل ايه راى حضرتك
و بالنسبه للوكااله افضل ولا عزبة شلبى هو بصراحه الميكانيكى قالى عايز هنا ماشى او هنا ماشى
بس انا قلت هناك ادور براحتى وبرضو عايز حضرتك تشرفنى برايك لانى برضو محتار

خليك فى ال 1600 احسن...ممكن تروح المكانين.. ان شاء الله حتى لو لوحدك.. تشوف كم المواتير فى كل مكان و امكانية الاختيار...الموتور نفسه هو بتاع الفيات ال1300 و الفيات ال 125 و تشوف الموتور على نص عربية و لا مفكوك على الارض علشان ممكن يكون راجع من واحد قبلك

[Osama srhan]

حتصدقنى لو قلتلك انى كده قلقت اكتر
انى البس ف حاجه بايظه

[م أحمد]

مفيش قلق و لا حاجة دا طبيعى انك تكون حذر علشان ما تقابلش حاجة وحشة و فى اختيار آخر انك ممكن تعمر الموتور اللى معاك

[eng. wesam]

قلقك طبيعي انا نفسي لو مكانك هقلق جدا ليه ؟ اقولك حضرتك بتغير موتور عشان خفيف يعني محتاج موتور لسه بخيره طيب لما برضه تجيب موتور خفيف تبقي هي هي
هرجع اكرر لحضرتك تاني تروح هنا او هنا دي هتتحدد بناء علي المواتير اللي قدامك هتنزل مثلا عزبه شلبي لقيت حاجه حلوة هتجيبها ملقتش هتروح علي الوكاله او العكس
حكايه 1500 ولا 1600 دي هيحكمك فيها توافر قطع الغيار لو الاتنين واحد زي ما الصنايعي بيقول خلاص اقلبها كاربوراتير لان غالبا مش هتلاقي قطع غيار للانجكشن بس الصنايعي هيعرف ازاي يعرف الحاله ممكن تكلمه وتقولنا هيحدد حاله الموتور
انت راجل مهندس وانا قولتلك علي اختبارات الاستاندر دي علي فكره اختبارات التوكيل التوكيل نفسه لو بيختبر موتور هيختبره كده + طبعا اختبار عزم واختبار تسارع واختبار عادم بس انت الابسط لحضرتك تعمل اختبار الكبس وال 500 جنيه دي مش هياخدها الصنايعي دي تمن عده الكبس وهتبقي بتاعتك الا لو الصنايعي نفسه عنده عده كبس
متابع

[م أحمد]

قلقك طبيعي انا نفسي لو مكانك هقلق جدا ليه ؟ اقولك حضرتك بتغير موتور عشان خفيف يعني محتاج موتور لسه بخيره طيب لما برضه تجيب موتور خفيف تبقي هي هي
هرجع اكرر لحضرتك تاني تروح هنا او هنا دي هتتحدد بناء علي المواتير اللي قدامك هتنزل مثلا عزبه شلبي لقيت حاجه حلوة هتجيبها ملقتش هتروح علي الوكاله او العكس
حكايه 1500 ولا 1600 دي هيحكمك فيها توافر قطع الغيار لو الاتنين واحد زي ما الصنايعي بيقول خلاص اقلبها كاربوراتير لان غالبا مش هتلاقي قطع غيار للانجكشن بس الصنايعي هيعرف ازاي يعرف الحاله ممكن تكلمه وتقولنا هيحدد حاله الموتور
انت راجل مهندس وانا قولتلك علي اختبارات الاستاندر دي علي فكره اختبارات التوكيل التوكيل نفسه لو بيختبر موتور هيختبره كده + طبعا اختبار عزم واختبار تسارع واختبار عادم بس انت الابسط لحضرتك تعمل اختبار الكبس وال 500 جنيه دي مش هياخدها الصنايعي دي تمن عده الكبس وهتبقي بتاعتك الا لو الصنايعي نفسه عنده عده كبس
متابع

ممكن يكون الكبس كويس بس السبايك مبوشة زى حالتنا هنا

و فى اعتبار تانى فى مسالة دفع ال 500 ج فى العدة علشان يختبر العربية ....الا و هو ايه اللى هاخده من العربية ؟....خاصة لو عربية بتعلم عليها....و كدة كدة هيدفع للصنايعى رسوم التسقيط او العمرة

[Osama srhan]

شكرا مهندس احمد شكرا مهندس وسام
على الاهتمام و للمتابعه
هو عن كلامه انه هيدور الموتور هناك و هيحكم عليه ع اساس صوته طبعا و اذا كان في نفخ مثلا و بعد كده لما يركب هغير زيوت و فلاتر و المفروض انى فى خلال شهر الضمان ده افحت الموتور قرص و جرى و سفر ده كلامه

[Osama srhan]

بصراحه م احمد هى مش فكرة عربية بتعلم عليها هى مسالة امكانيات ماديه
و ده الى مخلينى قلقان تسقيط مكنه هيكلف حةالى 4000 بالفتيس
ف عربيه سعرها كله اصلا 10000
و بصراحه الميكانيكى ده شاطر بس انا حاسه غالى اوى لانى عندى ف طنطا قالى المصنعيه حوالى 200 جنيه يعنى فرق 300 جنيه
و حاسس تنا الموضوع هيكون مجرد شيل مكنه حط مكنه و اطلع جرب
انا بجد فى حيره من امرى جدا
طب لو ممكن حضرتك تقولى على صنايعى تكون اتعاملت معاه اوديهاله حد بتثق فيه

[م أحمد]

مصنعية شيل مكنة و حط مكنة 200 جنيه و الكلام دا من 3 سنين مثلاصنايعى البلد طالب المبلغ داهنقول الدنيا اتغيرت بقت 300 جنيه .... الصنايعى مصر زود كمان 200 جنيه تمن مشواره معاك و تقييمه للموتوررأييى سيبك خالص من تغيير الفتيس لانك بتقول العيب صوت بس غير كدا شغال تمام....الفتيس بتاع عربية خالى الله يرحمه ما تفتحش خالص و اعطال الفتايس نادرةو لو عايز تلم الموضوع أسأل الاتنين صنايعية ياخد كام على العمرة الكاملة و دا اللى برجحهلو لقيت الميكانيكى بتاع مصر مصعب الموضوع و رافض الفكرة لان شغل العمرة بالنسبة لله متعب اكتر بنفس المصنعية بتاعة التسقيط...توكل على الله و شوف بتاع البلد يعملك عمرة كاملة و تبقى عارف حالة موتورك و مفيش اى قلق ولو لقيته مرحب يبقى انت جنب العربية متابعها بنفسك و يوفر عليك مشوار البلدمصنعيته هتبقى 450 و الخراط 450 (الاسعار بعد فصال) و الباقى مصاريف على الموتور فى رانج 1000 ج سبايك و شنابر و فلاتر و سيور و ديسك و اسطوانة و بنزين و نقل....و ربنا يوفقك

[Osama srhan]

هو فعلا يا هندسه الاتنين قالولى العمره ف حدود 2000 -2500 بالكتير و انا بصراحه نويت اصلى استخاره لنهارده
و ربنا يوفقنى للى فيه الخير
و بجد انا مش عارف اشكركم ازاى على متابعتكم و اهتمامكم و بجد انا استفدت جدا من معلوماتكم القيمه دى