مشكله في عربيتي الماتريكس مو 2008

[midozz7500]

السلام عليكم

من اسبوعين العربيه سخنت مني وبطلت وجابت جوان وش سلندر علشان مشكله عندي في الريدياتير
المهم
غيرت الجوان وصلحت الريدياتير وغيرت طقم خراطيم الريدياتير وكوعه الميه
بعد ما استلمتها من الميكانيكي ومشيت بيها بجربها لاقيتها بتنتش مني جامد
رجعتلو تاني قاللي ده عيب كابلات البوجيهات شكلها باظت من الحراره لما العربيه سخنت
المهم
غيرت طقم البوجيهات والكابلات وفلتر البنزين وفلتر الهوا
النتشه راحت لمده يوم وبعدين رجعت تاني
روحت كشفت عليها علي الجهاز لاقيت ان حساس ماب سينسور اساسا موش راكب في مكانه
المهم ركبته وعملت ريسيت للاعطال وكشفت بالجهاز مره تانيه مفيش اخطاء
افتكرت ان المشكله خلصت لكن وانا مروح لاقيت برده العربيه بتنتش جامد
بمعني انها ساعات ممكن تفضل ماشيه ساعه عادي جدا علي سرعه 120 وبتنقل عادي جدا
ولما اخش علي منطقه زحمه واشيل رجلي من علي البنزين والعربيه يهدي واجي ادوس تاني العربيه ييتررج لقدام وورا وعداد ال rpm يفضل يلعب
ابطل العربيه واشغلها تاني العيب يروح وبعدين يتكرر تاني

ايه الحل يا جماعه
اعمل ايه؟؟
واروح فين؟؟

[د.معتز ماجد]

حاجة من الاتنين يا تسريب هوا ..يا حساس ايدل مسرب هوا ..فحالة ان البوابة مش كهربا

وخلي ميكانيكي تاني يراجعلك التقسيمة من تاني ...ال1 ملي فرق فالتقسيمة يعمل معاك كده ..

[midozz7500]

شكرا علي الرد

العربيه بقالها 3 مشاوير طويله المشوار 80 كيلو ماشيه طبيعي
والعيب ماظهرش
ممكن يكون كان عيب الماب سينسور اللي كان مفصول
ولما رجع ركب تاني ظهر العيب مره واحده وبعدين اختفي
عموما انا لو ظهر تاني العيب حراجع حساسات العربيه ولو طلعت سليمه حراجع التقسيمو

[bluemail]

مشكلة حساس، تابعه وطمنا ايه النتيجة

[د.معتز ماجد]

زي ما قولتلك راجع تسريب الهوا لحساس الايدل فحالة ان البوابة عندك مش كهربا ....

المشكلة انها مش بتبان غير بالكشف ...متابع معاك لو في حاجة

[midozz7500]

عملت مشوارين كمان حوالي 120 كيلو
والعيب مظهرش تاني
بنسبه كبيره كان حساس الماب المفصول السبب
اسبوع كمان كده واشوف حيظهر ولا اختفي العيب
انا بخرج بالعربيه كل يوم سبت بس المعادي العاشر من رمضان
شكرا للمتابعه

[midozz7500]

العيب اختفي

حساس الماب كان السبب