هل من طريقة لاصلاح الجنوط؟؟؟

[mich_e_l2000]

انا عندى هوندا سيتى 2007 جنوط سبور
طبعا الجزء الداخلى من الجنط معدن مصقول ....ولكن بارز قليلا عن العجلة فمعرض للخدش عند الركن فى الرصيف
ودا اللى حصل فعلا ....فالمعدن المصقول اللى بيلمع دا اتخدش هل من طريقة لاعادة صنفرتة وصقلة من جديد
وشكرا

[KoDaK_Gti]

هو الجنط عندك نيكل ولا فضى مطفى ؟؟
فى واحد فى الهرم بيسنفر الجنوط من الخدوش وبيعملهم نيكل
عملنا جنوط واحد صحبى مقاسهم 15 الاربعة ب 350 جنيه

[mich_e_l2000]

شكرا لسرعة ردك
بس اية الفرق او ازاى اعرف الفرق بين النيكل ولا الفضى المطفى
انا اللى اعرفة ان الجزء دا ناعم باستثناء الخدوش طبعا وعاملة زى المراية ولونها فضى بيلمع
يبقى اية؟؟
وياريت عنوان الراجل دا لو امكن

[KoDaK_Gti]

النيكل كروم بيكون زى ده

والعادى بيكون زى ده

والله ما اعرف عنوانه بالظبط احنا رحنا مرتين والمرتين كنا تايهين فيهم
هو فى تانى شارع موازى للهرم مش عارف بقة اذا كان اسمه العمرانية ولا التلاتينى

[mich_e_l2000]

انا اللى عندى زى اللى فى الصورة التانية
هل من الممكن تفتكرلى او تسالى بالضبط على مكان الراجل دا؟؟؟
سورى على الازعاج

[sharyasn]

صباح الخير
واضح انة جنط عادى مش نيكل وممكن تروح لسعودى بجانب شكمانات المطراوى فالحرفيين
هيرجع الجنط زى الاول بس يستحسن بعد العيد لان اليومين دول الشغل بيبقى فيهم اى كلام

[mich_e_l2000]

شكرا ليك جدا
بس ازاى اوصل لسعودى ....انا عمرى ما روحتش الحرفيين؟؟؟؟