Tweet
بسم الله الرحمان الرحيم . كل سنه و انتو طيبين و ديما بخير باذن الله. بعد اذنكو كانت بتوجهني مشكله في العربيه سكودا فليشيا ٩٧ ان العربيه بتسخن جامد و شوفت اغلب الحلول المطروحه هنا علي الجروب و كلها كويسه و ان شاء الله ححاول انفذها قريب المشكله عندي ان العربيه بتستهلك ميه بكميات كبيرة يعني بحط الميه في القربه و مش بيقع منها حاجه في الارض (مفيش تسريب قصدي ) بس بالكتير تكفيني ٧ او ٨ كم تكون كل الميه مش موجوده و مش عارف الكميه ديه كلها راحت فين ٣ او ٤ لتر ميه سواء كانت ميه عاديه او ميه خضرا بس بلاحظ لما المراوح بتشتغل بيبدأ ينزل نقط ميه خفيفه قي الارض من النحيه الاقرب للمتوره هل ده عادي كده و ايه المشكله من وجه نظر حضرتكو الي بتخلي الميه تخلص بالسرعه ديه و شكرا .
-
-
لحظت برضو انها سعات لما بحط الميه و هيا مش سخنه ولا مدوره بتسحب لتر او قلل اول ما احطو و مش بيقع في الارض او بيتسرب من اي مكان -
لو متاكد ان مفيش اي تسريب خارجي للمياة ... يبقى العربية جابت وش سلندر والمكنة بتاكل المياة جوا السلندراتComment
-
"بتستهلك ميه بكميات كبيرة "
حضرتك حطيط ايدك على اول الخيط لحل المشكله
محتاج تعرف هى بتفقد المياه من فين - دا اول حاجه لازم تدور عليها
من خرطوم
من طبه
من غطاء القربه
من الرادياتير نفسه
من شرخ بسيط بيفتح اول مالعربيه بتسخن
هل فى رزاز مياه على الكبوت من جوه- يمكن دا يساعدك تحدد مكان التسريب
بتلاقى مياه جوه العربيه (فالدواسات)
ممكن بتنقط من طرمبه الميه نفسها- مكانها فالجمب اللى فيه السير (هو دا العيب اللى كان عند ابويا فى عربيته موديل 1995)
ولا جابت جوان وش سيليندر- والغازات بتدخل على المياه وتخليها تتبخر وتلاقى فيها فققيع
لازم تعرف الميه بتتسرب من فين- عشان تحل المشكله
اهم حاجه تانيه صلح العربيه فى اسرع وقت- متمشيش بيها وهى كدا ومتستناش تسخن من فضلك- العربيه دى اصيله بجد- ابويا عامل بيها 450,000 كم بدون ميغير طقم شمبر لحد دلوقتىComment
Comment