مشكلة فى نيسان صنى 2013

[sameh_r]

السلام عليكم اعضاء المنتدى الكرام
عربيتى نيسان صنى 2013 اتوماتيك الشكل الجديد، كانت شغالة كويس جدا وفجأة حصلت مشكلة غريبة لما أشغل العربية تشتغل عادى وأول ما ادوس فرامل وأنقل الفتيس تفصل مرة واحدة
جربت انقل على اكتر من غيار وكله بيفصل العربية
ياريت اللى عنده حل يساعدنى بسرعة وجزاكم الله كل خير

[sameh_r]

مفيش حد عنده اى فكرة عن حل المشكلة ؟

[salam100100]

دور العربيه وهى على ال N
عشان تحرك الفتيس وهى مطفيه على الP
شيل المفتاح من الكونتاكت
فى زرار جمب الفتيس اسمه shift lock دوس عليه وحرك عصايه الفتيس لN
دخل المفتاح ودور
خلى الهاند بريك مرفوعه احطياتى
وبعد متدور انقل على ال D

لو طفت تانى - كدا هات ونش ووديها مركز الصيانه
ياريت تطمنا لما توصل للمشكله
وإن شاء الله تكون حاجه بسيطه

[sameh_r]

دور العربيه وهى على ال N
عشان تحرك الفتيس وهى مطفيه على الP
شيل المفتاح من الكونتاكت
فى زرار جمب الفتيس اسمه shift lock دوس عليه وحرك عصايه الفتيس لN
دخل المفتاح ودور
خلى الهاند بريك مرفوعه احطياتى
وبعد متدور انقل على ال D

لو طفت تانى - كدا هات ونش ووديها مركز الصيانه
ياريت تطمنا لما توصل للمشكله
وإن شاء الله تكون حاجه بسيطه

شكرا على ردك يا باشا
نقلتها لمركز صيانة كشفوا عليها بالكمبيوتر وقالوا لى الفتيس باظ وعايز يتغير

[salam100100]

اى
فتيس- الله يكون فالعون
هو اكيد مش هيكون غالى زى فتيس الcvt , دا 4 سرعات عادى جدا
وانشاء الله العربيه هترجع زى الزيرو

[م/أحمد عبد الفتاح]

اكشف على السيرفو بتاع الفرامل الاول وعلى الخرطوم بتاعه

[م/أحمد عبد الفتاح]

وكمان ساعات ماكينة الاستوب بتاعة الفرامل بتعمل قافلة