إكتشفت إن عربيتي اللي شاريها من قريب بها جهاز إنذار ؟؟؟؟؟؟؟؟

[Nader]

- لو وأنا سائق حد ضغط فتح وطبعا الباب محدش هيفتحة نفس الكلام السابق بعد دقيقة السنتر يقفل لوحده وطبعا مع المطبات والإهتزاز وحدة الإهتزاز تشغل السرينة

كدة في حاجة غلط السرينة متشتغلش والعربية دليرة ابداً

3- أقصى مسافة للريموت حوالي 25 متر

كدة بقو حاجتين غلط، المسافة قصيرة جدا جدا جدا جداً

إثنين ريموت وكله ب 180 جنيه وضمان سنة

انا لو منك كنت جبت ولف والضمان بتاعة اضعاف اضعاف الضمان بتاع الانزار الجديد، هو نوعة اية بالمناسبة؟؟ وهل في امكانية انهم يبدلوهولك بولف؟؟

على فكرة هو بنفس التمن تقريباً.

[Abdallah]

السجان دة حاجته غالية جدا مش عارف ليه كدة, دة بيبيع الفلتر الى انا شاريه بـ 125 بيبيعوا عندوا بـ 425 جنيه !!!!!!!!!

اعتذر عن الكلمة المُمحاة نظرا لانه ليست فى محلها وتعتبر اساءة للغير.

[مهندس محمد صلاح]

ياجماعة مش انتوا اللى شرتوا على الراجل يروح للسجان

[waleedabbas]

السلام عليكم ورحمة الله وبركاته
باشمهندس احمد الاخوة الافاضل:
حضرتك عرضت مشكلة وهى ان عندك انذار ومحتاج ريموت ليه وانا قلت ان السجان عنده الحل والريموت ب 50 لان فعلا ده اللى عمله صاحبى لكن انه غلى الريموت وبقى ب 100 جنيه دى حاجة تانية واذا كان السجان حرامى او مش حرامى الله اعلم بس عموما انا اتعاملت معاهم اكتر من مرة كانوا محترمين واسعارهم كانت كويسة مقارنة باماكن تانية وعلى فكرة السجان ده من اكبر مستوردين الكماليات فى مصر وممكن تشترى كماليات من اى مكان وتلاقى عليها اسم السجان ده كل اللى اعرفه عنه لكن لاهو قريبى ولا صاحبى ولا بعمل له دعاية انا كان قصدى اساعد مش اكتر وعلى فكرة جهاز sun 3 برضه كويس مش وحش

1- لو فتحت السنتر بالإنذار ولم أفتح الباب خلال دقيقة ألاقيه قفل تاني من نفسه

ده طبيعى جدا فى اى انذار عشان لو فتحت الانذار ومافتحتش الباب الانذار بيامن نفسه ويقفل خلال 30 ثانية طالما الباب مافتحش يعنى محدش دخل العربية وممكن يكون طفل بيلعب

- لو وأنا سائق حد ضغط فتح وطبعا الباب محدش هيفتحة نفس الكلام السابق بعد دقيقة السنتر يقفل لوحده وطبعا مع المطبات والإهتزاز وحدة الإهتزاز تشغل السرينة

المفروض حتى لو حد فتح الانذار وهى العربية دايرة ميقفلش تانى كده فعلا ممكن يكون فى غلط فى تركيب الانذار والسرينة اكيد هتشتغل مع المطبات لان الانذار شغال والعيب فى التركيب مش فى الانذار نفسه بس الافضل ترجع لهم وتسال فى الموضوع ده

- أقصى مسافة للريموت حوالي 25 متر

بصراحة مش عارف بالظبط المفروض المسافة تكون اد ايه الافضل برضه حضرتك تسالهم.

[ahmed1981]

السلام عليكم ورحمة الله وبركاته
باشمهندس احمد الاخوة الافاضل:
حضرتك عرضت مشكلة وهى ان عندك انذار ومحتاج ريموت ليه وانا قلت ان السجان عنده الحل والريموت ب 50 لان فعلا ده اللى عمله صاحبى لكن انه غلى الريموت وبقى ب 100 جنيه دى حاجة تانية واذا كان السجان الله اعلم بس عموما انا اتعاملت معاهم اكتر من مرة كانوا محترمين واسعارهم كانت كويسة مقارنة باماكن تانية لكن لاهو قريبى ولا صاحبى ولا بعمل له دعاية انا كان قصدى اساعد مش اكتر وعلى فكرة جهاز sun 3 برضه كويس مش وحش
.

ألف شكر ليك يا أستاذ وليد أنا مقلتش إن حضرتك بتعمله دعاية كفاية إنك تعبت نفسك ودلتني عليه وأنا أشكرك على نصيحتك
وهو قالي الجهاز SUN III سعره كامل 240 جنيه وقال لي هركبلك الوحدة وأديك الإتنين ريموت بتاعها ب 180 جنيه وأظن ده معقول

المسافة قصيرة جدا جدا جدا جداً

أنا جربت المسافة تاني لقيتها أكبر من كده ولو بعيد قوي فيه إريال صغير في الريموت بترفعة تقوم العربية تلقط

هو نوعة اية بالمناسبة؟؟

نوعة SUN III تايواني والناس قالوا لي إنه أحسن من الولف المصري وعليه ضمان سنة

المفروض حتى لو حد فتح الانذار وهى العربية دايرة ميقفلش تانى كده فعلا ممكن يكون فى غلط فى تركيب الانذار

في الحالة دي هرجعله وهو يصلح التوصيلات أو يشوف إيه المشكلة

[Abdallah]

والله من وجهة نظرى انا شايف انه لما يبيع ريموت واحد بـ 100 جنيه يبقى دة اسمه استغلال لان الانذار اساسا يتكون من 2 ريموت ووحدة انذار وحساس وسرينة , لما يبيع كل قطعة ب 100 جنيه يبقا دة اسمه ايه ؟؟؟؟

انا اشتريت انذار مش فاكر اسمه الحقيقة واعتقد ان اسمه الغريب او ما شابه , المهم انا جبته من المنصورة بـ 160 جنيه وبالصدفة بسأل عند السجان لقيته بيبيعه ب 200 يبقى الفرق دة ايه؟؟؟؟
الله اعلم بالفعل ولكن المثل بيقول الصيت ولا الغنى.

[waleedabbas]

العفو يا باشا على ايه انا عملت الواجب بس
وعلى فكرة انا مقصدتش حضرتك ولا حد معين انا بس حسيت ان فى هجوم على السجان فحبيت اوضح انه مش تبعى ولا ليا علاقة بيه :D بس هو فعلا كويس
وبالنسبة لجهاز الانذار SUN III هو فعلا كويس وناس كتير بتقول انه احسن من الولف وكنت مركبة فى عربية قديمة عندى وفضل شغال سنتين كويس وكمان معظم اصحابى تقريبا مركبينه ومحدش اشتكى منه.