سخونية الاوبترا ومشكلة غريبة

[Resmaster]

اتمني حد يفيدني ضروري في مشكلة حصلت معايا
من يومين كنت ماشي في الطريق شغلت التكييف ربع ساعة
فجاه لقيت المؤشر زاد وصل قبل الاخر بشرطة
ركنت وبطلت العربية ونزلت ابص واستنين القربة تهدي لقيت المياه بتغلي فيها وناقصة للاخر
بصيت علي كل وصلات المياه ملاحظتش حاجة الموضوع طلع في الاخر خرطوم السخن بتاع التكييف
زودت المياه بجركن تقريبا واطمنت ان المؤشر بقي تحت النصف ومشيت مشوار سفر رايح جاي
الطريق رايح كان زحمة جدا وخدت 4 ساعات وساعتين جاي
لما رحت تاني يوم للميكانيكي غيرت خرطوم السخن وقلت اطمن وابص علي غطا الزيت لقيته جايب طبقة خفيفة اوي اصفر
المقاس كان مظبوط
نضف الغطا وحطيناه تاني وسبنا العربية شغاله لغاية المؤشر بقي قبل النصف والغطا كان نضيف
تاني يوم الصبح المقاس مظبوط والقربة مفيش نقص والغطا نضيف
سافرت بيها رايح جاي
ومفيش حاجة الحمد لله
الميكانيكي قالي دي بداية وش سلندر وممكن ميظهرش معاك دلوقتي
هل ده وارد فعلا يحصل وايه اللي اعمله علشان اطمن ؟
العربية اوبترا 2009 اوتوماتيك

[mbx4e]

ثرموستات الكوعه بتعلق عند الفتح مابتفتحش بالكامل او تسريب ضعيف من الطبب او اي جزأ او من الجوان( وهو دا معنى فيها جوان)
الكشف بحاجتين
١ كبس دورة المياه بجهاز زي منفاخ العجل او مكبس متخصص عند ضغط معين وتركة لمده ساعة لو العداد مانزلش يبقى الدورة سليمه ولو نزل يبقى الدورة فيها تسريب ويتشاف فين
٢ كشف كبس موتور لمعرفة الجوان في تسريب كبس ولا لا ودا من خلال تسجيل النتائج للبساتم بالترتيب مرة من غير زيت ومرة بزيت
هاتعمل ايه بعد كدا ؟؟
١-دورة تنظيف مياه عند البنزينه بالجهاز الكبير اول حاجة
٢تغيير ثرموستات الكوعه
وتنظيف الراديتير بشكل منفصل خارجيا والتأكد من سلامته
تغيير كل الطبب مرة واحده عشان واحدة بتسرب بيجي بعدها على شهر تسرب التانية
( طلمبة المياه عمرها معاك قد ايه؟ )
وارد يبقى عوارض جوان
لو عايز تعرف بيكون من خلال حاجتين
١ قرايات كبس الموتور
٢ وانت في بداية الدوارة عند المكانيكي بتاعك
هاتطلب منه يشيل ثرموستات الكوعه
ويقفل ويدور وتكون فاتح غطا قربة المياه لو لقيت فقاقيع بتطلع لك يبقى جوان
لقيت مافيش فقاقيع ومستوى الميا قل او نزل تبقى سليمه
اخيرا
تشيك على غطا القربة
و تحط مياه حمرا مع مياه مقطرة وليس مفلتره

[tasaka]

https://www.youtube.com/watch?v=CHp5E7XnbXo

https://www.youtube.com/watch?v=5zpNjYmmiYY