ارجو المساعده مشكله فتيس اوتوماتيك اوبل كورسا

[hossam.elsoura]

السلام عليكم اولا
اول مره ادخلي المنتدي او اكتب موضوع بس سمعت عن المنتدي كتيييير بالخير
عشان مطولش
عندي اوبل كورسا 94 مسقطه مكنه تيجرا 1400 2 كامه بفتيس اوتوماتيك
كل شويه تظهرلي مشكله ودخت كتير علي مشاكل كتير
لغايه المشكله دي كمان مقلقاني جدااااا


وانا ماشي بالعربيه فامانه الله فجاه يظهرلي حرف s فالطابلوه والعربيه تتقل وتروح وتجيب الغيار اللي بعده عادي
تيجي وكام ثانيه وتختفي وخصوصا لو في نقره ولا حاجه تيجي برضه وتروح تاني
يكونش لاقدر الله فتيس
ولا يارب يعني يكون كهربا
طب لو كهربا فيه ايه
ارجوووووووووو الافاده

[Colin Chapman]

شوف مفتاح ال s فى عصاية الفتيس معلق او عايز يتنضف !!

[hossam.elsoura]

مش معلق ولا حاجه ده بييجي ويروح ونضفته كتييير ونضفت حواليه
بس المشكله ان كمان مع كل نقره s بتيجي تاني

[Colin Chapman]

السلك سايب او عريان

مش معلق ولا حاجه ده بييجي ويروح ونضفته كتييير ونضفت حواليه
بس المشكله ان كمان مع كل نقره s بتيجي تاني

طيب هل الفيشات بتاعت مفتاح اس متركبة كويسة ولا مهزوزة هل السلك ملمس فى جسم الفتيس او العربية وبيخليها تاخود امر اس مع اى مطب , لو السلك سايب او عريان يسبب المشكلة ديه ! راجع على فيش الفتيس وفكها ونضفها وركبها كويس تانى !!

بعد كده اعزلهم بشريط لحام علشان يبعدوا عن الماء!!

[hossam.elsoura]

يارب تبقي خفيفه كده يسمع من بقك ربنا

[Colin Chapman]

يارب تبقي خفيفه كده يسمع من بقك ربنا

[hossam.elsoura]

انا لما كنت بدخل عشان ادور علي اي مشكله عند اي حد كنت بكره نفسي لانه مبيرجعش يقول سبب المشكله اللي كان فيها بعد ميحلها
وبما اني مبحبش السلبيه اليكم التالي
اولا انا كان عندي مشكلتين
الاولي
اني كنت لسه مشغل حساس السرعه وده اثر علي قرايه الفتيس وعمل لخبطه الراجل طلعه ونضفه كويسه وركبه تاني
المشكله التانيه
كان في سلك فالضفيره مقطوع اصلا مش ملمس حتي
خلو بالكم من الصنيعيه الحمير لانهم هما اللي بيسببو المشاكل دي اصلا
وخليك دايما متاكد ان لو كنت لسه مصلح مشكله عندك مهما كانت خفيفه وحصلت بعدها علي طول مشكله تانيه يبقي حل المشكله الاولي هيا السبب فالتانيه
وشكرا

[د.معتز ماجد]

شيل كونسولة الفتيس خالص ...هتلقي 6 سلوووك ....سلك ال s عندك ..فاكك لحام قصدير .....عيده من تاني وجرب ......