عيب خبيث فى الفرامل

[romagti]

سلام علبكم يا احلى منتدى

كنت عايز مكان فى مصر الجديدة او مدينة نصر او المعادى او الحرفيين يكون متخصص و فاهم جدا والاهم الامانة لان عندة مشكلة فى فرامل عربيتى سيتروين سى 3 2005 دايما بتحدف وعملت حاجات كتتير ولسة بتحدف جامد ناحية الشمال مثال انى رفعت الهاند بريك.

شكرا مقدما للمساعدة

[د.معتز ماجد]

الفرامل عند حضرتك abs ..ولا عادة ..؟؟

وهل في حاجة اتخرطتت فالطنابير او غيره قبل كده ...
او غيرت تيل فرامل في جهة ..وسيبت الجهة التانية ...

لو غيرك كل ده ...يبقي لازم الكشف

[romagti]

صباح الخير يا د/ معتز

الفرامل عندى عادية و معملتش خراطة خالص و كشفت عند ناس كتيير و مفيش حاجة و غيرت ماستر عمومى ولسة بتحدف شمال فى واحد قالى حاجة اسمها ماستر ضفدعة و مش واثق فى الكلام دة اذا كان موجود فى الستروين و الكاوتش و العفشة كاملة كلةا جديدة زيرو والتيل جديد ..

[mamdouhraafat]

ممكن جدا زوايا اظبت مش كمبيوتر ولو حضرتك عليت العربية من الخلف ممكن جنب اعلى من التانى

[rotanamasoud]

فى عيب خفى لو جربت كل الحلول العاديه
1-خرطوم من الاتنين بتوع الفرامل الاماميه مخنوق ومبيوصلش الزيت فبيعمل الحدفه (يفضل غير الخرطومين)
2-جهاز من الجهازين الاماميين بستمه قافش(يتحل الجهازين ويتغسلو كويس وتتنضف البساتم وتتصنفر ويتغيرلهم جلد الضغط وجلد مانع التراب)
مع الاجرائات دى غير زيت الباكم بالكامل فضى الخزنه بسرنجه واخلعها واغسلها كويس وركبها وحط زيت جديد وتطرد الزيت القديم الباقى بالمواسير وتاخد الهوى