مشكلة في فتيس النترا2012

[Ahmed fayad]

ياريت حد يساعدني عشان أنا زهقت من الصنايعية واشتغالاتهم ..
انا معاسا النترا 2012 ومحافظ عليها جدا ماشية 120 الف بس من كم يوم ركنتها ونزلت تاني يوم دورت العربية ومشيت ومرة وحدة ملقتش دواسة البنزين شغالة يعني العربية مبتمشيش ركنت على جنب وطفيت العربية ودورتها تاني جبتها على ال D وبدوس بنزين عداد ال rpm بيرفع عادي وصوت المكنة طبيعي بس العربية مبتمشيش خالص ثابته في مكانها حاولت مرة واتنين وتلاته بتلقط في الاول وتمشي خطوة بسيطة وبتقف تاني وبتاخد بنزين والعداد بيرفع بس مبتمشيش
جبت كذا ميكانيكي محدش فاهم حاجة وديتها لحد بتاع فتيس قالي هنحل الفتيس وهنعمل معرفش ايه كده وهيكلف 5000 جنيه بس مش ضامنين هيشتغل ولا لا وعايز ال 5000 الاول واشتغل مشتغلش مش قصتي ؟
حد يقدر يفيدني ياجماعة بعد اذنكم وطبعا لو طلعت عالتوكيل هيلبسوني فتيس جديد وانا اسمع انوا الفتيس ب 18000 جنيه

[medhathamouda]

حصلت معايا في عربيه لانسر و كان سنسور ضغط الزيت في الفتيس

و غيرته و المشكله اتحلت - مش عارف ايه نظامه في هيونداي

[Sa3d47]

في فيشه كبيره كدا داخله للفتيس هتلاقيها ناحية اليمين تحت البطاريه
هتشيل الفيشه دي و تجرب.....
لو العربيه اخذت نقله و مشيت يبقي العيب كهربا(ضفيره او كنترول)
لو زي ماهي يبقي العيب كلتشات و في الحاله دي تشتري فتيس استيراد احسن