يا ريت... يا ريت... حد يعرف !!!!!

[محمد جلال]

كل عام والاخوة الاعضاء بخير وليتقبل الله منا ومنكم الصيام النهاردة يوم عرفة يا رب يكرمنا السنوات القادمة بالحج لبيته الحرام .
سؤالى دون اطالة لو حد يعرف ارجو انه ميبخلش على بالمعلومة مارش ودينامو لادا 2105 مو 92 فى التوكيل بكام او اى محل قطع غيار محترم ويا ريت التليفونات بالمرة ان وجدت (يا جماعة بجد العربية واقفة عليهم ).

[sab3aawy]

فيه محل اسمه شركة افريقيا(او شمال افريقيا مش متأكد) مكانه فى شارع زكى فى التوفيقية(من امام سنترال رمسيس) بيجيب كل قطع الغيار الجديدة بتاعة اللادا والفيات، ممكن توصل لحد هناك وتسألهم، بس للأسف معييس تليفوناتهم، بس ان لو نزلت التوفيقية هتبقى فرصة انك تسأل عند كذا واحد تانى

[محمد جلال]

كل سنة وحضرتك طيب وشكرأ على اهتمامك وهانزل وهاشوف وشكراً مرة ثانية وعيد سعيد :k10::k10::k10::k10:

[tmedhat]

افريقيا
اوروبا 2000
فيات 2000
المحلات دى كلها جنب بعض و كلهم فى العمارة اللى على اليمين اللى فيه الجراج فى شارع زكى

وممكن شاكر الدفراوى بعديهم شوية على الصف التانى
و ربنا يوفقك

[bassem.naguib]

فيه محل اسمه شركة افريقيا(او شمال افريقيا مش متأكد) مكانه فى شارع زكى فى التوفيقية(من امام سنترال رمسيس) بيجيب كل قطع الغيار الجديدة بتاعة اللادا والفيات، ممكن توصل لحد هناك وتسألهم، بس للأسف معييس تليفوناتهم، بس ان لو نزلت التوفيقية هتبقى فرصة انك تسأل عند كذا واحد تانى

معلش لا مؤاخده يا أخ سبعاوي .. فيه مشكلة بينك وبين المنتجات اللي حاططها في توقيعك دي .. الرجاء التوضيح .. وبعدين الواضح أن فيه مشكلة سياسية بينك وبين السعودية .. برضه مش فاهم وأرجو التوضيح .. وكل عام والمنتدى بخير بمناسبة عيد الأضحى أعاده الله بالخير على الجميع .

وبالنسبة لقطع الغيار للادا .. أكيد بره التوكيل أرخص بكتير .. وأعتقد أنها نفس القطعة ونفس الكفاءة .. والله أعلم .

[sab3aawy]

معلش لا مؤاخده يا أخ سبعاوي .. فيه مشكلة بينك وبين المنتجات اللي حاططها في توقيعك دي .. الرجاء التوضيح .. وبعدين الواضح أن فيه مشكلة سياسية بينك وبين السعودية ...

الموضوع لا سياسة ولا يحزنون، الحكاية كلها نوع من انواع الاعتراض على السياط التى الهبت ظهور اشقائنا الأطباء ، لا اكثر ولا اقل ، وكل عام وانتم بخير

[محمد بازيد]

الاخ الفاضل
المارش والدينامو بتوعك لو زى بتوع النيفا ممكن تقريبا اقولك اسعارهم كام لانى كنت مغيرهم قبل لما ابيع العربية عموما هو المارش كان استيراد 130 والدينامو قريب منة بس ياريت الاول تشوف كهربائى محترم يشوف الاثنين ممكن يكون الشربون والاتوماتك هما اللى بايظين قبل ما تدفع فلوس فى الفاضى وياريت تحدد انت منين علشان نقولك تجيبهم منين .
تقبل تحياتى

[محمد جلال]

افريقيا
اوروبا 2000
فيات 2000
المحلات دى كلها جنب بعض و كلهم فى العمارة اللى على اليمين اللى فيه الجراج فى شارع زكى

وممكن شاكر الدفراوى بعديهم شوية على الصف التانى
و ربنا يوفقك

اشكرك لاهتمامك وهانزل بعد العيد اجبهم وكل سنة وانت طيب:k10:

[محمد جلال]

الاخ الفاضل
المارش والدينامو بتوعك لو زى بتوع النيفا ممكن تقريبا اقولك اسعارهم كام لانى كنت مغيرهم قبل لما ابيع العربية عموما هو المارش كان استيراد 130 والدينامو قريب منة بس ياريت الاول تشوف كهربائى محترم يشوف الاثنين ممكن يكون الشربون والاتوماتك هما اللى بايظين قبل ما تدفع فلوس فى الفاضى وياريت تحدد انت منين علشان نقولك تجيبهم منين .
تقبل تحياتى

اشكرك لاهتمامك انا بالفعل رحت للكهربائى وقعد يخترع يوم بحالة وحل المارش والدينامو الشربون مفهوش حاجة الاتوماتك سليم المشكلة الدينامو اللى انا مركبه بتاع شاهين ودلوقتى مبيشحنش ومغير الكتاوت اخر مرة والكهربائى قالى هات واحد جديد احسن اما المارش الاصلى بتاع العربية مخلص ان اساكن فى جسر السويس وكل عام وانت طيب :k10: