مشكلة مجننانى فى العربية

[133 lover]

السلام عليكم ورحمة الله و بركاته

السادة اعضاء و مشرفى المنتدى الأفاضل

أرجو افادتى بما لديكم من علم و دراية و خبرة من كثرة الأعطال ان تفيدونى فى مشكلة مجننانى فى سيارتى .

المشكلة دى عبارة عن لو واقف فى أشارة و السيارة على وضعية المور فتيس مانيوال و آجى آدى السيارة الغيار الأول الآقيها رجت جامد و رافضة تمشى الا لما أطلع على الغيار التانى ساعتها العربية بتمشى . بس المشكلة بتاعة الغيار الأول عملتلى زهق من العربية خاصة و انى غيرت فيها قطع غيار كثيرة .
و للأسف أكثر الصنايعية مش فاهمين العطل ده فين أو سببه ايه .
اللى يقول غير اسطوانة دبرياج لأن سوستها تعبانة أروح أغير اسطوانة دبرياج بواحدة جديدة . برضه الآقى نفس العطل .
أغير سلك دبرياج برضه نفس العطل أغير ديسك برضه نفس العطل .
العربية يا سادة مش بتبطل فى الحالة دى لأ الحكاية انها مش بتمشى على الغيار الأول فقط رجة عنيفة و دى كانت بتعملها على المطالع دلوقتى بقت بتعملها كل وقت أكون واقف فى اشارة و أنقل علشان اطلع على الغيار الأول .
سيارتى موديل 1982 فتيس مانيوال
برجاء افادتى و لكم جزيل الشكر

[133 lover]

بقى يعنى مافيش حد يرد على موضوعى ؟؟
كله يدخل يشوف اللى انا كاتبه بس مافيش ولا رد واحد ؟

[د.معتز ماجد]

طيب عربية حضرتك نوعها ايه يا فندم ...؟

[ahmed.biso13]

ممكن تكون الفتيس فيه حاجة على الترس الغيار الاول (متاكل)
او مجموعة الشجرة للفتيس

[133 lover]

شكرآ لكل من قام بالرد على مشكلتى د/ معتز ماجد . أ/أحمد بيسو
لكننى قد عثرت على المشكلة فقد قمت بتسقيط الموتور ووجدت المشكلة فى جلبة نحاسية مبوشة او وسعت الجلبة دى اللى بتبات داخل ترس الفلام او الحدافة و بيدخل فيها عامود الدريك بتاع الفتيس .
بس السؤال هنا ياترى الجلبة دى الآقيها فين ؟ ولا أعملها عند خراط ؟

[133 lover]

بالبحث مطولآ عن أسم هذه القطعة اللى هى سبب مشكلة الرجة فى بداية التحرك من الثبات وجدت اسمها باللغة الأنجليزية و لكن بالبحث عن الأسم باللغة العربية فلم أجده و ما أعرفش اسمها ايه طبعا المصطلحات دى بتتغير حسب تسميات الميكانيكية فى مصر عن أى مكان آخر بالعالم .
و ده الأسم باللغة الأنجليزية ( Pilot Bearing )
ياترى فيه حد من السادة الأفاضل مشرفى أو أعضاء المنتدى الكرام ممكن يعرفنى اسمها ايه بمصطلحات مصر ؟
علشان حتى على الأقل يوم ما أفكر أدور عنها فى محلات بيع قطع غيار السيارات أبقى على الأقل عارف أسمها ايه .
برجاء سرعة الرد لو سمحتم
لكم منى جزيل الشكر

[133 lover]

هذه صور للقطعة التى أقصدها أتمنى لو يتيح لى المشرفين ان أقوم بتحميلها بطانة نحاسية.jpgBushing.jpg