صوت تكتكة خفيف في محرك فورد

[Islam Elaraby]

عندي صوت في محرك سيارة فورد، الصوت عبارة عن تكتكة مش عالية قوي في المحرك، بتزيد سرعة التكتكة مع الاكسراتير لغاية لما صوت الماتور يغطي عليها بس أظن بتفضل موجودة. الصوت موجود من أول ما تشتغل باردة لغاية ما تقف، يعني الصوت مش بيروح . وده فيديو للصوت:

https://youtu.be/C2Uql5TsYas

(الصوت خفيف في الخلفية وبيتسمع أوضح لما الكاميرا تقرب لل intake )

[ahmed.biso13]

ممكن يكون ضبط تاكيهات
او بلية دينامو بتجيب اخرها
او فى حاجة بتحك فى ريش المروحة

[samaty]

دا كستبان فضى زيت
هتغير زيت
تفضي الزيت
وانت بتعبي الزيت يكون حد في العربية بيدي سنة مارش كل شوية
لو الكستبان عبى زيت الصوت هيروح
لو فضل يبقى يتغير

[Islam Elaraby]

متشكر جدا على الرد،
أنا فعلا كنت شاكك إنه يكون كوستبان او أكتر، أنا لِسَّه مغير زيت من اقل من أسبوع، التغييرة اللي جاية، تفتكر الفلش ممكن يفيد؟ وبرده هحاول أزود مارش مع تغيير الزيت يمكن، لأن بصراحة تغيير الكوستبان ده قصة