هل فعلا تعشيق الدركسيون ( lock ) بيحمى العربية من السرقة لاقدر الله ؟!

[ahmad7610]

معدلات السرقة زادت فى مصر بطريقة مخيفة . خاصة السيارات
ومبقاش بس القديم اللى بيتسرق بالعكس عربيات جديدة كمان بتتسرق ... اخرها كان
سرقة اللانسر البومة .. اللى لوحدى أعرف اتنين اتسرق منهم لانسر بومة..
-
هل فعلا تعشيقة الدركسيون ممكن تحمى العربية من السرقة .. ولا دى سهل فكها
-
طيب ازاى اللواحد بعد ستر ربنا طبعا يقدر يحمى العربية من السرقة خاصة القديم ..
-
طيب هل الذراع اللى بيتباع ويقفل الدركسيون فى الدواسات كويس .. ولا ده برضه
سهل يفكوه ..
-
ازاى الواحد يحمى عربيته القديمة من السرقة

[shoudy2005]

فى عربيات زى المرسيدس لما تقفل الدركسيون بيطلع زى صباع زى اللى فى كالون الباب يعشق فى جسم الكونتاكت فكده اصلآ هو مش هيعرف لا يطلع الكونتاكت او يفك الدركسيون انا كان حصل ان المفتاح اتكسر و انا فى الطريق للأسكندرية و الدركسيون سوجر الراجل قعد 3 ساعات على ما فكه معرفش بأه ايه النظام فى بقية العربيات اما بانسبة لسرقة العربيات القديمة خاصة الفيات سببها ان الكالون ده من عمر العربية و حصل فيه تبويش جامد لدرجة انك ممكن تفتحها بمفتاح المكتب الحل هو تغيير كل الكوالين و تركيب تنذار و تعلية الحساس

[thegoodhacker]

يا اخي الحرامي لو نوي علي عربية معينة وعنده الفرصة مش حيغلب لان كل نظام حماية للعربية ليه طريقة معينة في كسره ..... بس اكيد الحرامي بيبقي عاوز يسرق الحاجة السهلة دايما علشان يسرق و يجري ...... علشان كده لازم الواحد يصعب موضوع السرقة علي الحرامي ......... يعني مثلا العربية المتغطية بيبقي احتمال سرقتها اقل من العربية المش متغطية و العربية اللي فيها انذار او مسوجر الديريكسيون بيبقي احتمال سرقتها اقل برضه ....... بس اي حماية للعربية مش ممكن يمنع انها تنسرق لان كل جهاز حماية بيبقي ليه طريقته في التعامل فعندك مثلا مسوجر الديريكسيون اللي بيربط بين الديريكسيون و دواسة الدبرياج لو كان بنظام مفتاح يبقي اسهل شيء بالنسبة للحرامي لانه ممكن يفتحه زي اي طبلة بطفاشة او حتي بدبوس
ولو حتي مسوجر الديريكسيون بنظام ارقام سرية طبعا بيبقي افضل و علشان الحرامي يقدر يفكه بيحتاج وقت بس برضه ممكن يتفك .......
انك تسوجر الديريكسيون بالطريقة العادية مش حيمنع الحرامي لاقدر الله من اقتحام عربيتك و محاولة ادارة محرك العربية و بيبقي اكيد ليه طريقته في ازالة الlock ده و كمان لو الحرامي معاه مفتاح بنفس السن بتاع مفتاح الكونتاك بتاعك يبقي كده خلاص العربية بقت معاه
احسن حاجة انك تحط انذار للعربية او انك تجيب مسوجر اللي بالارقام السرية دي و كده تبقي عملت اللي عليك ..... وربنا يسترها معانا جميعا

[Abdallah]

اكيد هيعطل الحرامى شوية ولكن مع كتر استعماله ممكن يبوظ الكونتاكت.

[Islam Amer]

لا تنسي ذكر الله

مافيش احسن من الجراج وهو المختصر المفيد بدل جهاز الانذار او ربط الدريكسيون

[ahmedsamir79]

هو حيعطل الحرامي شويه
بس مش حتمنع السرقه