سؤال لأهل الخبرة بخصوص فيرنا اوتوماتيك

[Amr Slim]

اشتريت عربية هيونداى فيرنا 2004 أوتوماتيك من حوالى شهرين ، ومن شهر تقريبا بدأت تظهر عندى مشكلة ان بعد الوقوف المتكرر زى الإشارات مثلا العربية بتكون بطيئة جدااااااا وصوتها بيعلى خصوصا فى النقلة من الأول للثانى ومن الثانى للثالث .. بتاخد وقت طويل على ما توصل لسرعة 60 لدرجة ان العربيات اللى ورايا بتتضايق ، وعشان اعالج البطء ده بضطر احمل على الموتور .. على فكرة العيب ده مش بيكون موجود اول ما بطلع بالعربية بعد توقف طويل يعنى مثلا لو لسة نازل من البيت الصبح بتكون سريعة وبعد 10 دقايق مع الزحمة يبدأ العيب يظهر !!!
راجعت السيور كلها وغيرت البوجيهات وأسلاكها وغيرت زيت الموتور والفلتر واختبرتها على الجهاز وقال ان كل الحساسات سليمة ماعدا حساس الشكمان فغيرته وكمان نظفت البوابة لكن لسة العيب موجود !!!
أخيراً فى ميكانيكى قالى استعمل منظف الموتور STP مع البنزين عشان ينظف الرشاشات
وفى ميكانيكى تانى قالى ان ده عيب زيت الفتيس وانه لازم يتغير بنوع كويس (فى الحقيقة انا مغيرتوش لما اشتريت العربية ومعرفش اخر مرة اتغير امتى)
بس من صوت العربية وصوت النقل إحساسى انه عيب فتيس مش موتور لأنى جربت الموتور على السرعة لحد 160 وكان كويس جدا لكن المشكلة هى البطء فى التسارع
مش عايز افضل اصرف مصاريف فى تجارب واستنى النتيجة
يا ريت تفيدونى يا أهل الخبرة واسف جدا للإطالة

[د.محمود صلاح]

واضح انها كده مش بتنقل من التاني للتالت .. ده مشكلة في الفتيس انا ماعنديش خبرة اوي .. اسأل الناس هنا او في جروبات الفيس يمكن يفيدوك

[Amr Slim]

لا هى بتنقل من الأول للتانى ومن التانى للتالت لكن المشكلة فى طول زمن وصولها للسرعة اللى مفروض تنقل بعدها (زمن التسارع)