البنطة في البنزينة

[polopop]

ذهبت لامون في احدى محطات البنزين وسالت عن بنزين 90 فاذا باحد الاشخاص الواقفين يقول لي :

الععجلة نايمة
قلت له سوف ازودها وبعد تردد مني قلت له هل عندكم تزويد

رد والفرح يملا قلبه ايوه

قبل التزويد رش ماء بصابون وقال العجلة مخرومة محتاجة بنطة

قلت له ماشي

قال عندنا لحام امريكي ب10 وتايواننى ب8

قلت له ضع الاحسن ب10

وخرم جاب خرم جاب خرم وصلوا5

قلت مش مهم دي عجلة ومايتسكتش عليها

طب والامامية الثانية ايه اخبارها رش ماء بصابون وقالي فيه خرم وحتاجةبنطه

خرم جاب خرم وصلوا7

5+7=12خرم ب12 لحام للفردتين

يعني 120جنية!!!!!!!!!!!!!!!!!!

طبعا انا ندمت وقلت انا داخل امون بنزين ادفع 120 حنية طب ماكنت اشتريت كاوتش جديد احسن

يبقي ان يعرف الاخوة الاعضاء مكان البنزينة حتي يتجنبوا الاشتغالات النزين في كورنيش حلوان وتعتبر اخر بنزينة في اتجاه حلوان

وقد فقال لي الاخوة والاصدقاء العجب عن اشتغالات البزينات الموجودة في كل مكان

قال لي احد الاصدقاءفي احدي المحطات يضعون مسامير حتى يضطر اصلاحها
وسمعت حكاوي كثيرة قلت انبه الاخوة الاعضاء من هذه الالعيب العدمة الضمير

سؤال: هل ال5 بنطات في فردة وال7 في فردة نؤثر علي الكاوتش علما بانه تيوبليس جديد لم يتجاوز 6 اشهر

ولكم الشكر ويكفيني الله ويكفيكم النصابين وعدومي الضمير

[waleedrahmy]

حصلت معايا مرة عند واحد بتاع كاوتش رحت ازود هواء عملي فيلم ولحام 5 خرم بالخابور5*5=25جم

[Lion_Heart]

يا ريت تكتب اسم ومكان اسم هذه المحطة لتحذير باقى الأعضاء , حذارى انك تزود الكاوتش ببنزينة بمنطقة نائية فى وسط طريق صحراوى مثلا لازم قبل ما تخرج من المدينة او لسفر تظبط حاجتك , لأن دى حيلة معروفة وفى الغالب اللى قلك زود الكاوتش بيكون معاة ابرة طويلة خافيها و بيعملك بايده اللى عاوزة قطعها كل الخروم دى , وماتخليش حد يقرب من الكاوتش , حسبنا الله ونعم الوكيل .

[polopop]

يا ريت تكتب اسم ومكان اسم هذه المحطة لتحذير باقى الأعضاء , حذارى انك تزود الكاوتش ببنزينة بمنطقة نائية فى وسط طريق صحراوى مثلا لازم قبل ما تخرج من المدينة او لسفر تظبط حاجتك , لأن دى حيلة معروفة وفى الغالب اللى قلك زود الكاوتش بيكون معاة ابرة طويلة خافيها و بيعملك بايده اللى عاوزة قطعها كل الخروم دى , وماتخليش حد يقرب من الكاوتش , حسبنا الله ونعم الوكيل .

الببنيزين عندي كان علي وشك النفاذ والكورنيش في اتجاه حلوان مناول المعصرة لا يوجد بنزين حتي وصلت الي هذه المحطة الملعونه لا اعرف اسمها كل ما اعرفه انها اخر محطة في اتجاه حلوان علي الكورنيش

وطبعا بعد النصب من هؤلاء اللصوص سمعت الكثير عن محطات البنزين في مختلف انحاء مصر

الا يوجد رادع لهؤلاء النصابين؟

هل تؤثر كثرة اللحامات علي الكاوتش ؟
ارجو الافادة

[blazer]

للاسف هى بتأثر جامد على الكاوتش و بتقلل عمره جامد
و الموضوع دا حصل معايا من فتره بلاده و دفعت 50 جنيه فى 5 خروم
حسبى الله ونعم الوكيل فى حبه النصابين دول

[waleedrahmy]

هل تؤثر كثرة اللحامات علي الكاوتش ؟
ارجو الافادة

طبعا دي بتدمره وخصوصا الخوابير

[khaledspeedo]

طبيعى اللحامات الكتير بتأثر على عمر الكاوتش والخابور ده كارثة ابعد عنه ومش شرط الواحد يروح المحطة روح لواحد بتاع كاوتش ثقة انا باروح لواحد امين جداً فى التعامل وشكراً

[محمود نجيب]

أفضل حل أنك تركن وتغير الفردة المخرومة بالاستبن و تصلحها عند محل الكاوتش اللي انت بتتعامل معاه لما ترجع من مشوارك و ربنا يستر ولا تحتاج الاستبن في الطريق و انا عملت كده من قبل .

[sab3aawy]

نقولها تانى علشان فيه اعضاء كتير انضموا للمنتدى

وانت بتمون بنزين خلى مثلك الأعلى هو الثلاثة قرود اليابانية الشهيرة دول:



دائما تذكر: لأ ارى -لا اسمع- لا اتكلم

متاخدش وتدى مع عامل المحطة نهائيا، لو قال لك العربية بتولع قول له طيب شكرا وخد مفاتيحك واخرج من المجطة الأول بمنتهى الهدووووووووووووووووء وبعدين شوف العربية مولعة منين، لأن التفاعل الايجابى داخل محطة البنزين مع جمل من نوعيه:"الكاوتش مهوى- افتح الكبوت نكشف لك على العربية-احط لك رافع اوكتان مع البنزين...........الخ" ثمنه هو دفع مبالغ باهظة الى جانب تلف اشياء فى السيارة

اللهم قد بلغت

[shering]

حصلت مع اخي ودفع 70جنية في 7 خروم مع العلم اني بعمل الخرة ب 3.5جم في شبرا عند واحد محترم وبعملة خبور وبيقعد معايا شغال زي الفل وبدون مشاكل

[polopop]

نقولها تانى علشان فيه اعضاء كتير انضموا للمنتدى

وانت بتمون بنزين خلى مثلك الأعلى هو الثلاثة قرود اليابانية الشهيرة دول:



دائما تذكر: لأ ارى -لا اسمع- لا اتكلم

متاخدش وتدى مع عامل المحطة نهائيا، لو قال لك العربية بتولع قول له طيب شكرا وخد مفاتيحك واخرج من المجطة الأول بمنتهى الهدووووووووووووووووء وبعدين شوف العربية مولعة منين، لأن التفاعل الايجابى داخل محطة البنزين مع جمل من نوعيه:"الكاوتش مهوى- افتح الكبوت نكشف لك على العربية-احط لك رافع اوكتان مع البنزين...........الخ" ثمنه هو دفع مبالغ باهظة الى جانب تلف اشياء فى السيارة

اللهم قد بلغت

شكرا لك يا اخ سبعاوي نفس الكلام عاتبني به اخي ووجه لي اللوم
عموما الانسان ما بيتعلمش ببلاش