بطارية النوبيرا

[wsamy]

السلام عليكم و رحمة الله, كل عام وانتم بخير,
يا جماعة انا اشتريت نوبيرا مو 2005 عاملة 58000كيلو, صاحبها ماكنش بيوديها التوكيل حتى الكاتالوج و دفتر الصيانة مخدتهومش منه, بعد ما استلمت العربية بيوم جيت ادور الصبح العربية مش راضية تدور, اخدت و صلة من عربية تانية للبطارية دارت زي الفل, ملاحظ انى لما بركنها يوم كامل مش بترضى تدور, تقريبا البطارية بتنام , انا شاكك في جهاز الانزار يكون بيسحب الشحن, تنصحوني اعمل ايه؟ اجيب بطارية جديدة ولا أفصل الانزار ولا ايه؟

[mrghost]

السلام عليكم ورحمة الله
حضرتك اولا جرب تقفلها بالمفتاح بدون الانذار وشوف النظام ايه
ثانيا روح لحد بتاع بطاريات وقيس شحن البطاريه لو ضعيف تبقى البطاريه بتودع
ومحتاج بطاريه

[samirayad]

السلام عليكم و رحمة الله, كل عام وانتم بخير,
يا جماعة انا اشتريت نوبيرا مو 2005 عاملة 58000كيلو, صاحبها ماكنش بيوديها التوكيل حتى الكاتالوج و دفتر الصيانة مخدتهومش منه, بعد ما استلمت العربية بيوم جيت ادور الصبح العربية مش راضية تدور, اخدت و صلة من عربية تانية للبطارية دارت زي الفل, ملاحظ انى لما بركنها يوم كامل مش بترضى تدور, تقريبا البطارية بتنام , انا شاكك في جهاز الانزار يكون بيسحب الشحن, تنصحوني اعمل ايه؟ اجيب بطارية جديدة ولا أفصل الانزار ولا ايه؟

جهازالانذار بعيد عن المشكلة دى(لأن استهلاكة قليل للكهرباء).........والبطارية كدة مشكورة.....وحضرتك محتاج بطارية بنفس السعة......وشكرا

[wsamy]

اشكركم جدا جدا, امبارح عملت نفس الحركة ولما شلت قطاش البطارية و رجعته تاني الانذارطلع صوت و لما سكت العربية دارت, تقريبا فيه حاجه في الانذارعامله قفلة في الكهرباء و لا ايه رايكم؟؟

[Michael_Lanos]

اكد كويس على القواطيش
من الاخر روح لكهربائي

[wsamy]

تخيلوا النهاردة عملت معايا كدة برده, و مادارتش الا بعد زقه متر واحد بس, هو كدة تكون البطارية مش قادرة تقوم العربية ولا يا خوفي يكون الدينامو او راكبها عفريت.

[Lion_Heart]

اقطع عرق وسيح دم

روح لحد بتاع بطاريات يكشف على البطارية لو كانت سايلة ممكن يغيرلك الميه بتاعتها و يشحنهالك او يقولك عيبها ايه لو مشيعة عليك ببطارية جافة Ac Delco هتريحك وفيها بيان للشحن , بعد ماتطمن على البطارية ولو مافيهاش حاجة وتمام يبقى انت كده لغيت فكرة ان العيب من البطارية حينئذ روح لكهربائى لأن فى الغالب اللى بيبيع العربية بيكون مأهمل فى الحاجات دى , وربنا معاك وقلنا عملت ايه .

[Abdallah]

هناك مشكلة فى البطارية اوالدينامواو فى تهريب من سلك ارضى ودة احتمال صعب فى عربية موديل 2005 .
حضرتك اولا تتأكد من البطارية عند اى صنايعى بطاريات وهتشوف تعليقه ايه على البطارية.
لو البطارية سليمة يبقى حضرتك عندك مشكلة فى الدينامو وممكن تشوف عى اى كهربائى.

[SAMER_ENGINES]

بص يا صاحبي اشتريت كاسيت صيني و سماعات للادا و تمام و الصوت جميل و كله بس الكاسيت سنتريت يعني اكيد انت عارف الوش بتاعه بيتشال لما تركن العربية عشان السرقة يعني و الاقيلك اني كل شوية البطارية تفضي الشحن ووصلت اني حطيت بطارية سبعين امبير و اللادا بتاخد 55 امبير و مفيش فايدة و لما رحت للكهربائي قال لي الكاسيت بيسحب من البطايرة و العربية واقفة في حاجة غلط و لما حط لي الكاسيت علي الدينامو مع الدوران بتاع الموتور يعني بقي الحمد لله كله تمام فشوف كدة اخبار الدايرة بتاعة الانذار ده ايه يمكن يكون في حاجة غلط.

[HeMa_LanCeR]

و للكهربائي قال لي الكاسيت بيسحب من البطايرة و العربية واقفة في حاجة غلط و لما حط لي الكاسيت علي الدينامو مع الدوران بتاع الموتور يعني بقي الحمد لله كله تمام فشوف كدة اخبار الدايرة بتاعة الانذار ده ايه يمكن يكون في حاجة غلط.

الكاسيت اصلا لازم ياخد الكهرباء من البطاريه ومعني كده انك مش هتقدر تشغل الكاسيت غير لما تدور
انت كان عندك حاجه غلط لأن اي كاسيت لازم ياخد فرده كهرباء من الكونتاكت وفرده من البطاريه علطول علشان الذاكره
وجهاز الأنذار مابيستهلكش طاقه اللي هي تموت البطاريه كده
وصاحب الموضوع لازم يروح لبتاع بطاريات يقيس الشحن ويقيس نسبه الحامض في البطاريه

[wsamy]

يا جماعة ربنا يكرمكم و يبارك فيكم, انا جبت بطارية جديدة النهاردة الصبح و خرجت باليل مشوارين و لغاية دلوقت كله تمام, ادعولي.

[wsamy]

فعلا طلعت البطارية هيه المشكلة, اشكركم جدا جدا و بارك الله فيكم

[tmedhat]

بطارية وانسى المشكلة

[tmedhat]

اناكتبت الرد قبل ما اقرا تعليقك
مش قلت لك بطارية يا عمونا

[Badrowi]

روح لحد بتاع بطاريات يكشف على البطارية لو كانت سايلة ممكن يغيرلك الميه بتاعتها و يشحنهالك او يقولك عيبها ايه لو مشيعة عليك ببطارية جافة Ac Delco هتريحك وفيها بيان للشحن , بعد ماتطمن على البطارية ولو مافيهاش حاجة وتمام يبقى انت كده لغيت فكرة ان العيب من البطارية حينئذ روح لكهربائى لأن فى الغالب اللى بيبيع العربية بيكون مأهمل فى الحاجات دى , وربنا معاك وقلنا عملت ايه

طيب هى البطارية السائلة بتتغيربواحدة سايلة جديدة ولا بتتغير ميتها وبتتشحن
وهى المفروض انى اقبيسها كل اد ايه وازودها مية مقطرة امتى
والدينامو بيحتاج يتشحن امتى
وايه الفرق بين 55 و 70
والنوبيرا بتحتاج كام