مشكلة فى دورة تبريد اوبل فيكترا ايه....ارجو المساعدة

[moatazharb]

السلام عليكم

عربيتى اوبل فيكترا ايه 91 ...كان عندى تسريب خفيف جدا فى الراديتير..استخدمت سائل مانع التسريب نوعه junk امريكى ...بعد ماحطيته مشيت اقل من كيلو لقيت الحرارة بتعلى بشكل مش طبيعى .. فضيت مية العربية لما بردت و غسلت الدورة و حطيت مية جديدة و برضه نفس المشكلة الحرارة بتعلى على غير العادة

راجعت خراطيم الدورة .. حصل عندى انسداد و الخرطوم الراجع للقربة بارد تماما (مع العلم انى لما بنضف الدورة والعربية مش دايرة بضغط مية ..الخرطوم الراجع للقربة بينزل مية عادى و بشكل طبيعى)

هل كدة طلمبة المية ولا ترموستات الكوعة اللى باظت ؟

[ahmedaly716]

لو المحرك ساخن و الريدياتير ساخن بنفس درجه حراره المحرك يبقى الترموستات تمام
و المحرك ساخن بعد الخطوه الاولى اضغط بيدك بقه علي الخرطوم الداخل الريدياتير من المحرك و حس باندفاع المال داخل الخرطوم للتأكد من الطلمبه

[moatazharb]

تمام شكرا لحضرتك