هل ممكن عمل ذلك

[lada2010]

طبعا كلنا عارفين البطارية الجافة وطبعا هى عاملة زى حجر القلم اللى بنستعملة فى الساعة او اى شى لة باق البطارية الجافة كل ما تشحنها كتير كل ام تمشى معاك كويسة بعكس السائلة لو ضربت ربع بتترمى على طول

[Abdallah]

~.^
؟؟!!!

[Lion_Heart]

فين السؤال ؟؟ عاوز تقول ايه ؟؟

[lada2010]

السؤال انت كل اما تحس ان البطارية بتنام تشحنها وتشتغل عادى ولا لم تنام تباق ضربت ربع

[Lion_Heart]

البطارية الجافة بتشحن مع مشى العربية وتكفى نفسها وفى الغالب بيكون بها مبين بيقولك انها كده تمام او عاوزة تتشحن , وشحنها زى مابقولك انك تمشى بالعربية مسافة مناسبة و حكاية الربع دى ما بتحصلش الا لو نقصت الميه فى البطارية السائلة فقط لكن الجافة مش بتحتاج صيانة زى السايلة , يعنى دور وامشى وخلاص وهيه مع نفسها وانساها لكن كل فترة شوف مبين الشحن اللى فيها وخصوصا لو كانت مركونة , يا رب اكون افدتك .

[magomago]

[align=center]على ما أظن هذا هو السؤال[/align]

لة باق البطارية الجافة كل ما تشحنها كتير كل ام تمشى معاك كويسة بعكس السائلة لو ضربت ربع بتترمى على طول

[align=center]ليه البطارية الجافة كل ماتتشحن اكثر كلما تكون احسن ؟[/align]

[احمد عز]

البطارية الجافة بتشحن مع مشى العربية وتكفى نفسها وفى الغالب بيكون بها مبين بيقولك انها كده تمام او عاوزة تتشحن , وشحنها زى مابقولك انك تمشى بالعربية مسافة مناسبة و حكاية الربع دى ما بتحصلش الا لو نقصت الميه فى البطارية السائلة فقط لكن الجافة مش بتحتاج صيانة زى السايلة , يعنى دور وامشى وخلاص وهيه مع نفسها وانساها لكن كل فترة شوف مبين الشحن اللى فيها وخصوصا لو كانت مركونة , يا رب اكون افدتك .

عنك حق فى كل الى قلته

[sab3aawy]

على فكرة، حكاية ان "بطارية السيارة الجافة دى هى صورة مكبرة من الحجر القلم" دى اسطورة شائعة common hoax ، لكنها للاسف غير حقيقية، الحقيقة ان بطارية السيارة الجافة مكوناتها تختلف بشكل تام عن البطارية القلم

البطارية القلم فيه منها 4 انواع، النوع الرخيص المكون من عمود كربون داخل غلاف من الزنك وبينهما مكون كيماوى قابل للتأين، والنوع القلوى الذى يتميز بمكونات كيماوية تعطى قدر اكبر من الطاقة، والنوع القابل لاعادة الشحن والمكون من قطبين احدهما من النيكل والآخر من الكادميوم، واخيرا نوع آخر قابل للشحن يصنع من اكاسيد الليثيوم

اما بطارية السيارة سواء كانت سائلة او جافة فلا علاقة لها بهذا كله فهى فى كل الحالات تصنع من اقطاب رصاصية يتم ملئ الفراغات بينها بحامض كبريتيك مخفف

كل الفرق بين البطارية السائلة والجافة ان البطارية السائلة يوضع فيها الحامض فى صورته السائلة العادية بين فراغات الأقطاب، اما البطارية المسماه"جافة" فيوجد منها نوعين، نوع يعتمد على اضافة مادة الى حامض الكبريتيك تحوله الى "جيل" (يعنى حاجة كدة لها قوام المهلبية او البالوظة) دون تغيير خواصه الكيميائية ويتم ملئ الفراغات بين اقطاب الرصاص بهذا الجيل الغير قابل للانسكاب ثم احكام اغلاق البطارية، اما النوع الآخر فيعتمد على حشو الفراغات بين اقطاب الرصاص بنوع من انواع الألياف الزجاجية ثم يتم صب الحامض السائل فى الفراغ المحشو بالألياف الزجاجية فتتشربه الألياف كما تشرب الأسفنجة المياه، ومن ثم يصبح غير قابل للانسكاب ثم يتم احكام اغلاق البطارية، لكن اسلوب عمل البطارية الجافة كيميائيا لا يختلف نهائيا عن اختها السائلة فكلاهما تعتمد على اقطاب رصاصية تتأكسد وتختزل بفعل حامض الكبريتيك الموجود حولها ،وبالتالى لا علاقة لأيهما بالحجر القلم

[m7nsh]

شكرا بشمهندس سبعاوى ع المشاركه الهايله دى

جزاك الله خيرااااا