مشكلة عويصة لا أجد لها حل برجاء الافادة

[M_selim]

الاخوة الافاضل
عندي مشكلة عويصة في عربيتي فيات تمبرا مو1997 1600 سي سي لي سنة تقريبا و العربية بتسخن على طول و الامبير بيعدي ال 90 و بيبقى على 110 و 115 درجة مئوية نتيجة لذلك انفجرت الشجرة الكاوتش و قمت بتغييرها و بعدين غيرت القربة البلاستك 3 مرات بسبب الانفجار من السخونة و غيرت جوان وش السلندر مرتان و ركبت ترموستات مروحة 90/80 و بعدين 82/68 و برضه العربية بتسخن و المروحة مش بتبرد كفاية غيرت طلمبة المياه من حوالي عشر شهور و برضه السخونة شغالة
في ايه ممكن يكون مسبب السخونة ؟؟؟؟؟
علما بان الرادياتير فيات اصلي مركبه من 4 سنين و بأغسله في البنزينة كل سنة
رجاء المساعدة لاني قربت ازهق من العربية و بأفكر ابيعها لكن مافيش فلوس اشتري مستعمل لان اسعار المستعمل ارتفعت بشكل كبير جدا

[Porsche911TT]

أخي الفاضل
ربنا يكرمك وتجيب أحسن منها إن شاء الله. أنا حاسس بيك لأني مش قادر أجدد رخصة العربية
أنا ماليش في الفيات بس شوف الموضوع ده

https://www.nilemotors.net/Nile/157198-a.html

[M_selim]

أخي الفاضل
ربنا يكرمك وتجيب أحسن منها إن شاء الله. أنا حاسس بيك لأني مش قادر أجدد رخصة العربية
أنا ماليش في الفيات بس شوف الموضوع ده
https://www.nilemotors.net/Nile/157198-a.html

الف شكرا يا أخ بورش على اهتمامك أنا عندي المروحة الاصلية و عامل مفتاح باشغلها يدوي لما بتسخن و في كذا واحد قالو لي اسييخ الرادياتير خصوصا اني ساعات بالاقي فيه جبيبات سوداء صغيرة مش عارف منين فمن الممكن يكون ده السبب انه يكون فيه سدد بس أنا خايف صنايعي مابيفهمش يخرمه او يعمل فيه كسر

[smsmsmsm1983]

ممكن حضرتك تجرب تراجع على فرن الشكمان ممكن يكون فيه انسداد
فرن الشكمان هو اول جزء خارج من الموتور

[M_selim]

الاخوة الافاضل تم اخيرا حل المشكلة و سأشرحها للاستفادة انا قمت بفك الرادياتير و اتضح أنه هناك رايش من الشجرة الكاوتش القديمة بتاعة المياه لان خامتها كانت ضعيفة فكانت بتنزل رايش كاوتش قام بسد علب الرادياتير مما زود السخونة و تأخير دوران المروحة لعدم وصول المياه الساخنة لها و زيادة ضغط دورة التبريد نتيجة السدد فأدى الى انفجار قربة الرادياتير البلاستك حوالي 3 مرات و تم تسييخ الرادياتير و تنظيفه من الداخل و الخارج و طبعا التبريد اختلف و مؤشر الحرارة لا يتعدى 85-90

[akmm]

الحمد لله .............. وكويس ان حضرتك بتعرض كيفيه حل المشكله وده بيفيد الكتير ..... تحياتى.