الموتور بيرعش جامد

[sherif67]

السلام عليكم جميعا انا عربيتي تمبرا اوتوماتيك النهاردة الصبح حصلت حاجة غريبة وهي ان الموتور قعد ييترعش جامد والرعشة بتزيد كل ما ازود بنزين ولما ارفع رجلي من دواسة البنزين الأر بي ام بيقل خالص والعربية بتبطل , ولما ادور تاني تدور وتحل نفس رعشة الموتور ورجة العربية ولما ادي غيار العربية تبطل. المهم كشفت ع الزيوت لقيتها تمام , عليت العربية من بكرة الأكسراتير وحاولت امشي بالعربية سمعت اصوات غريبة وخشونة وطقطقة وسحب ضعيف وفي النهاية راحت مبطلة , المهم لفيت ورجعت ركنتها تاني ب سرعة ودورت على حد ما لقيتش لانهم لسة في اجازة العيد . ملحوظة اخيرة ان العربية بعد ما كانت بتبطل مني كانت بتعتل معايا عشان تدور زي ما يكون المارش متكتف ارجو المساعدة واسف ع الاطالة .

[lada2010]

العربية عندك زى ضبط اسبراتير لو الاسبراتير الالكترونى اكشف على المشط لو عادى يباق البلاتين وحش

[emkh]

ممكن يكون بوجيه فاصل

[sherif67]

الف شكر اخواني على الردود المحترمة

اشكركم على الاستجابة الكريمة ولكني نزلت لتجربة السيارة اليوم لعل وعسى يكون شيء عارض وعدى لكني وجدت الموضوع قلب لرزع ودب جامد والعربية بلا سحب يذكر واشعر بدب ورجرحة رهيبة , ارجو ان يطمئنني احد هل لهذا علاقة بالاوتوماتيك جير بوكس او بالمساعدين ولكم الف شكر.

[D . a .\ AYMAN]

غالبا بوجيه أو إتنين ممكن يكونوا فاصلين ده إحتمال
أو البساتم والشمبر فيها حاجة المضوع ده حصل عندي في البيجو وعملت بسببه نص عمرة وغيرت بستم

بس الأول إتأكد ان البوجيهات مش هية السبب

وماتمشيش بالعربية إلا لما المشكلة تتحل بإذن الله

وربنا يوفقك

[lord23]

الابلاتين او بوجيه فاصل

[chihab18]

عندي نفس مشكلتك ومش عارف السبب ايه؟

[magyver]

انا كانت عندي بس كانت من الابلاتين والكوندينسر

[AMRWASFY]

1 اتاكد من الرشاشات بتاعه البنزين 2 اتاكد من البوجيهات 3 افحص وش السلندر والصبابات

[AMRWASFY]

لان الحكايه ده كانت عندي وبردو ممكن يكون من التاكيهات

[sherif67]

الف الف شكر للأخوة الأحباب الذين تفضلوا مشكورين بالرد او المشاركة والموضوع الحمد لله طلع في النهاية بوجيهات وتم تغييرها ولكن المساعد اليمن طلع ضايع تماما ( اللي ناحية الموتور )وهواللي كان اثر بشكل كبير على الرجة والدبدبة اللي في العربية وقالولي لازم يتغير فوري والحمد لله والف شكر لاخوتي الأحبة الذين كان لآراءهم القيمة اطيب الأثر عليا اذ أرشدتني وطمأنتني الف شكر للجميع وجزاكم الله جميعا عني خيرا.
اخوكم شريف

[eldeplomasy]

أنا حصل معايا نفس الموضوع في الشاهين اللى هي نفس موتور التمبرا بس انجكشن وطلع بوجيه فاصل والسبب الميكانيكي قالي الموتور خف شوية بس انا مش مصدقه وهروح بكرة التوكيل اغير كل البوجيهات واضبط كمبيوتر يمكن العيب عيب ضبط انجكشن وياريت يطلع العيب ده مش تفويت ويارب عندك كمان تطلع بوجيهات واخده رطوبة او محتاجه ضبط بسيط

[chihab18]

انا عندي اسبراتير عادي وليقيت العيب ان كابل من كبلات البوجيهات كان فاصل وهو كا ن سبب الرعشه الشديدة ؛ وغيرت فبرة بوجيه ب 3 جنيه والكابل من عند الميكانيكي واتكلفت كلها 10 جنيه

[eldeplomasy]

طيب الحمد لله وانا كمان الحمد لله طلع عيب بوجيهات مش انجكشن وضبط كمبيوتر والحمد لله