مشكلة في موتور الشاهين

[eldeplomasy]

فوجئت النهرده الصبح وبعد ما شغلت العربية بشوية لقيت الموتور بيترعش جامد جدا المهم مكنتش فاضي وكان لازم امشي بيها كده وبعد ما فضيت وديتها لميكانيكي شاف سلوك البوجيهات لقاها تمام بس لقى البوجيه الرابع هو اللى قاطع فكه وبعدين قالي الموتور معرق زيت على البوجيه في حين ان الموضوع ده حصل في سلندر واحد بس وكمان انا شاكك انه زيت متهيألي انه كربون ولما مشيت عليها فترة الكربون زاد ياترى ده ايه علشان الموضوع ده خانقني جدا؟؟؟

ثانيا عايز اعرف الموتور لو كل زيت ايه اللى يحصل خصوصا ان في ناس قالتلي ممكن يكون الصباب بايظ؟؟؟

ثالثا اتأكد ازاي انه مش زيت ؟؟؟ مع العلم ان الموتور سخن مني مرة وكنت حكلتكوا عليها وسخنت تاني في العيد في اسكندرية ووصلت الحرارة ل110 بس تقريبا لمدة 5 دقائق ويمكن أقل فهل السخونة ممكن تفوت الموتور؟؟؟

[tmedhat]

بص يا ريس

لو السخونية كانت زيادة عن اللزوم و مشيت بيها دة بيسلخ البساتم و بيخللى البستم يقفل على الشمبر

يعنى تلاقى عين و احدة بس غالبا
هى اللى بيكون فيها العيب و ممكن يظهر صون تكتكة زى التاكيهات كدة

لاسف دةحيكون بستم قفل على الشنبر و طفح زيت

البوجية حتلاقية دايما غرقان زيت

مهما عملت للاسف رقم اربعة هو اكتر رقم بيتاثربالحرارة لانة اخر مشوار المية

غالبا حيحتاج يتفك الموتو رو يتم تغيير فردة بستم واحدة لو الشميز سليم

و ربنامعاك

[eldeplomasy]

والله بعد فك البوجيهات كذا مرة وضبطها متهيألي الميكانيكي بيقولي يمكن يكون زيت ويمكن يكون كربون والاحتراق مش سليم خصوصا انه لقى المشكلة دي في 3 سلندرات من الاربعه فمش عارف اعمل ايه؟؟؟

اغير البوجيهات واضبط كمبيوتر في التوكيل واجرب ولا اسكت على كده ولا اعمل ايه؟؟؟

[eldeplomasy]

فين المهندسين او المختصين واراء الاعضاء والمشاكل المشابهه

أين الجميع؟؟؟

[sab3aawy]

لو عايز تعرف ده زيت وللا كربون فك البوجيه والعربية باردة ونضفه بكلينكس وشوف الأثر الباقى على الكلينيكس، لو سواد بدون بلل يبقى كربون، لو فيه اثر تعرق على الكلينكس يبقى زيت

لو كربون يبقى انت فقط محتاج تظبط الحريق، لو زيت يبقى يا اما تطنش عليها يا اما تفك الموتور وتشوف فيه ايه

[tmedhat]

لو المحرك بيبخر من الفايظ بتاع الزيت

يبقى الموتور لازم يتفك لان كدة الكبس هربان

اكيد لازم العربية ترعش لان الكبس مش متساوى فى الشميزات

و البو جيهات بييجى عليهازيت

[eldeplomasy]

رحت التوكيل وغيرولي البوجيهات وطلعت البوجيهات اللى موجوده مش انجكشن ومش متوافقه مع الكمبيوتر اللى في العربية وبعد ما ركبوها وضبطوا كمبيوتر طلع واحد لف بيها تقريبا 50 وبعد ما رجع فكوا البوجيهات ال4 لقوها تمام والحمد لله العيب طلع عيب كربون وعدم احتراق والموتور سليم الحمد لله وطلع في 4 ايرور في الكمبيوتر واتضبط بس كانت البوجيهات القديمة هتبوظة بس الحمد لله ربنا ستر وسحبها بقى ممتاز جدا وبتجري جدا جدا جدا الحمد لله بس المهندس قالي اطلع على طريق طوالي واجري على 100 شوية وبعدين زود شوية واثبت وبعدين زود شوية واثبت وبعدين ازود لحد الار بي ام يوصل قبل الاحمر فقلتله ليه قالي بس اعمل كده وهتشوف الفرق

اسمع كلامه ولا بيهيس؟؟؟

[فادى]

الحمدالله انها جت على اد كده و ده اللى قلتهولك فى التليفون غيرالبوجيهات و شوف غالبا البوجيهات مش بتاعتها, بالنسبة لحكاية انك تطلع على طريق صحراوى و تزود ديه نصيحة يتفضل كل ميكانيكى باعطائها لأى زبون على اساس تفتيح محرك السيارة, مش ضرورية و لاحاجة.

[eldeplomasy]

سؤال تاني لواحد زميلي معاها شاهين 2008 زي بتاعتي مكيفه المهم طلع مشي بيها على 150 لحد اسكندرية وبعد ما وصل بيقلي بقى يسمع صوت ونه والموتور في السلانسيه وعند 2000 ار بي ام بس واكدلي ان الصوت ملوش دعوه بالفتيس ولا اي حاجه يعنى سواء ماشي او واقف وداس بنزين صوت الونه يظهر وعالي

ياترى ده ايه ويكشف عند مين؟؟؟

[فادى]

سؤال تاني لواحد زميلي معاها شاهين 2008 زي بتاعتي مكيفه المهم طلع مشي بيها على 150 لحد اسكندرية وبعد ما وصل بيقلي بقى يسمع صوت ونه والموتور في السلانسيه وعند 2000 ار بي ام بس واكدلي ان الصوت ملوش دعوه بالفتيس ولا اي حاجه يعنى سواء ماشي او واقف وداس بنزين صوت الونه يظهر وعالي

ياترى ده ايه ويكشف عند مين؟؟؟

الونة دى ليها اسباب كثيرة,
الأول بس اسأله لما بيدوس على الدبرياج الونة بتروح؟؟ لو كده يبقى غالبا بلية الدبرياج أو الفرشة.
بس الأقرب الى الواقع انو يكون سير الدينامو أو سير التكييف فيه ارخاء بسيط, و دى هتتعمل مع الصيانة الدورية و مش محتاج لأكتر من شد السير مرة أخرى.

[sab3aawy]

غالبا صوت الونة دى من عمود الكامة،عمود الكامة بتاع الشاهين لا يتحمل السير على هذة ال150 مشوار زى ده، خليه يكشف على عمود الكامة عند المكيانيكى او ورشة التاكيهات ولو فيه مشكلة يغيره، تمنه جديد تركى او استيراد ايطالى(128 او ريجاتا او تمبرا-هو نفس العمود) فى حدود ال 250 جنيه،

[eldeplomasy]

سالته قالي الونة مش بتروح لما يدوس دبرياج بس بتزيد لما يدوس بنزين وتختفي عن سرعة لفات 2000 لفة في الدقيقة وبتظهر تاني بعد ال2200 لفة في الدقيقة

ثانيا قالي انه تاني يوم الصبح لما بردت بيشغلها اشتغلت من اول مرة والونة راحت وبقت تمام جري تاني نفس السرعة الونة رجعت تاني بعد المشوار وتاني يوم بيشغلها الونة كانت موجوده نفس الونة وتالت يوم سابها فترة طويله مركونة وبعدين شغلها رجعت تمام التمام ومن ساعتها جري بيها كذا مرة مجاش تاني صوت الونة

يعنى اللى فهمتو لو مشي بيها بسرعه لمسافة طويله جدا يجي الونة وبعد ما يركنها وتبرد خالص الونة تروح ده يبقى ايه؟؟؟

[eldeplomasy]

ونسيت اقول حاجه راح لميكانيكي يكشفله على السيور قاله تمام ومشدودة كويس ومش مشققه ولا حاجه