ربع ضارب ى البطارية

[sweetheart_]

يا جماعة اية الحل فى بطارية فيها ربع ضارب هى بتطلع فقافيع لما تدور ولا تدور فى الصباح الا بالدفع وفى ساعات زمارة لما اجى ادور ومدورش لو ربع ضارب لازم اغيرها هى عربية 127

[lada2010]

هى فى الضمان ولا خلصت

[sweetheart_]

لا انا شارى العربية مستعملة طاب لو سالت صاحبها وطلعت فى الضمان ممكن يبدلوها ولو لا فى ليها حل ولا لأ

[alfa_we]

غيرها وريح دماغك

[sweetheart_]

انتوا عارفين ان البطارية غالية فهل الامر مستدعى فعلا انها تتغير انا مش عايز افضل ازق عشان ادورها وهل فعلا الربع الضارب دا سبب عدم دوارنها اصبح ولا ممكن يكون فى سبب تانى ومع العلم مؤشر البنزين بيعلق معايا دا ليه دعوه طاب لو جبت بطارية لو هسيب العربية اسبوعين اعمل ايه لو مفيش حد يدورها

[sweetheart_]

هى البطارية الجافة تنفع لل 127 ولا لا ولو بطاريه عادية تعمل كام وايه النوع الكويس اللى يستحمل الركنه اسبوعين

[amr_elrashidy]

هى البطارية الجافة تنفع لل 127 ولا لا ولو بطاريه عادية تعمل كام وايه النوع الكويس اللى يستحمل الركنه اسبوعين

سواء جافة او سائلة تمشى المهم الأمبير يناسب العربية..الجافة افضل طبعا لو كنت حتركن العربية لفترة لانها مش بتحتاج صيانة ولا تشغيل كل فترة زى السائلة..الاسعار الايام دى نزلت مبقتش غالية زى الفترة اللى فاتت..ممكن تلاقى المناسب لل 127 فى حدود ال 250ج و الله اعلم..نصيحة لوجه الله لو فيها ربع ضارب غيرها بواحدة جديدة و متحاولش تصلحها لانها حترجع تانى تضرب بعد فترة بسيطة عن تجربة.

[tmedhat]

حتغرم بطارية يا ريس

معندكش حل تانى

جافة او بمية عادى تشتغل بس الجافة افضل

[maka]

هات سايلة علشان العربيات القديمة الدينامو ما بيكنش مظبوط اوى وهات 50 امبير النسر فارتا وهى كانت بتعمل 250 بالقديمة من شهر 8 اللى فات

[sweetheart_]

طاب لو جبت جافه اعمل اية عشان تمشى مع كهربة ال 127 وهى تعمل كام والف شكر على الردود

[maka]

طاب لو جبت جافه اعمل اية عشان تمشى مع كهربة ال 127 وهى تعمل كام والف شكر على الردود

انا بقول سايلة علشان لو الدينامو بيشحن زيادة او مش مضبوط

تقدر تزود المياه والحامض لكن لو الدينامو عندك مظبوط هات جافة

وهى بتعمل 450 جنية لل50 امبير (تقريبا)