الاكسنت مشكلة

[روبالي]

السلام عليكم

انا عندي مشكلة في الاكسنت
عندما اغير الفيتيس و ارفع رجلي عن الامبرياج احس ان السيارة نتشت ، حتى لو رفعت ببطئ

ماهو المشكل
:?:

[hazem_khidr]

ظبط الكهربا بتاع العربيه و الهوا و لو ما نفعش شوف البوجيهات غيرها.

[sab3aawy]

ممكن يكون العيب من الموتور او من الدبرياج نفسه

ممكن يكون الكهرباء مش مضبوطة

ممكن تكون سرعة السلانسيه قليلة

ممكن يكون بيك السلانسية مش نضيف

وممكن تكون البوجيهات بايظة

بالنسبة للدبرياج ممكن تكون الإسطوانة بحالة سيئة

[ابوشريف]

تحتاج للكشف عن الاسطوانه والديسك هما السبب الررئيسى فى مثل مشكلتك

[barakat_1986]

انت عندى نفس المشكلة بس اما اجى اعرف رجلى من على دواسة البنزين ودة بيحصل فى الاول والثانى بس ؟؟؟؟؟؟؟اية السبب

[barakat_1986]

مش الدبرياج

[hazem_khidr]

علشان تعرف الاسطوانه بايظه ولا لاء جرب الاتي:
1.وقف العربيه في طريق مرصوف و مستوي
2.و العربيه واقفه تماما هات الغيار الرابع و حاول تطلع بالعربيه و وازن بين البنزين و الدبرياج لحد ما تطلع ماعك
3.لو العربيه طلعت و بدات تتحرك يبقي الاسطوانه سليمه ولو العربيه بطلت منك يبقي الاسطوانه كده في اخرها و محتاجه تتغير
ملحوظه:
ما تعملش الحركه دي كتير علشان غلط علي الاسطوانه

[روبالي]

السلام عليكم

نسيت اقوللكم ان هذا المشكل يزيد عند اشعال المكيف

[barakat_1986]

وانا اية السبب؟؟؟؟؟؟؟؟؟؟؟؟؟؟؟؟؟؟؟؟؟؟؟

[أبو_حمزة]

الاخ barakat_1986
انت بتشتكى ان العربية بتترج مع رفع الرجل عن دواسة البنزين صح؟
لو صح يبقى أول حاجة تكشف عليها هى قواعد الموتور

[barakat_1986]

لا مش بتترج يا اخ ابو حمزة بحس ان السيارة نتشت عندما ارفع قدمى عن البنزين فى الاول والتانى بس .اية السبب؟؟؟؟؟؟

[أبو_حمزة]

بص أنا كان حصل لى حاجة شبه كده مع العربية السابقة
يعنى على السرعات المنخفضة (الأول والتانى) مع رفع القدم عن البنزين العربية تنتش
كانها كانت عايزة تبطل و دوران الموتور خللاها تكمل دواره
غيرت البوجيهات والكهربائى قال ان كمان كان فى كهربا زيادة (دى انا ما اعرفش معناها) و زبطها فى ثوانى
العربية بقت تمام و لم تحدث مرة ثانية لحد ما بعتها

[barakat_1986]

مشكورررر اخى ابو حمزة وجارى التجربة