رجرجه فى فيات 131 بعد ال 100

[michohat]

السلام عليكم ورحمه الله وبركاته
معايا فيات 131 لاحظت وانا مسافر بيها من فترة ان لما اعدى بيها ال 100 الاقى العربية بدات تترج وتتهز زى ما اكون ماشى على زلط او على عيون قط والرجرجه دى بتبدا الاول ف الجزء الامامى دركسيون و تابلوه وبعد كده بحس زى ما تكون العربيه مش بتمشى دى بتتنطط
سئلت واتقال لى انها ممكن تكون العجل عاوز يترصص رحت رصصت العجل وبرضه لسه فيها نفس المشكله
رجعت على العفشجى لقيت مساعد بايظ و مقصات فغيرت مساعدين ومقصات وظبط زوايا و برضه لسه فيها نفس المشكله (لسه بتترج بعد ال 100)
دلوقتى عملت اللى كل ده ولسه المشكله موجوده
وفي دلوقتى اراء كتير سمعتها
اللى قال احتمال كبير كرونه ( فعلا الكرونه فيها صوت بس هل يكون هوا السبب)
واللى يقول كاوتش
واللى يقول علبه دركسيون
انا محتار غيرت كتير ولسه المشكله موجوده فحد يعرف يساعدنى احدد ايه العيب؟

[ahmedsamir79]

ممكن يكون كاوتش

[samirayad]

السلام عليكم ورحمه الله وبركاته
معايا فيات 131 لاحظت وانا مسافر بيها من فترة ان لما اعدى بيها ال 100 الاقى العربية بدات تترج وتتهز زى ما اكون ماشى على زلط او على عيون قط والرجرجه دى بتبدا الاول ف الجزء الامامى دركسيون و تابلوه وبعد كده بحس زى ما تكون العربيه مش بتمشى دى بتتنطط
سئلت واتقال لى انها ممكن تكون العجل عاوز يترصص رحت رصصت العجل وبرضه لسه فيها نفس المشكله
رجعت على العفشجى لقيت مساعد بايظ و مقصات فغيرت مساعدين ومقصات وظبط زوايا و برضه لسه فيها نفس المشكله (لسه بتترج بعد ال 100)
دلوقتى عملت اللى كل ده ولسه المشكله موجوده
وفي دلوقتى اراء كتير سمعتها
اللى قال احتمال كبير كرونه ( فعلا الكرونه فيها صوت بس هل يكون هوا السبب)
واللى يقول كاوتش
واللى يقول علبه دركسيون
انا محتار غيرت كتير ولسه المشكله موجوده فحد يعرف يساعدنى احدد ايه العيب؟

هو ممكن تكون كرونة.......بس الشك الأقوى فى علبة الدركسيون...لأنك بتقول انك بتحس ان الرجة جاية من منطقة التابلوة والجزء الأمامى....بس عامة حاول تغير زيت الكرونة الأول بزيت أثقل فى اللزوجة من الموجود الحالى ...على أساس أنة من الممكن أن يكون الخلوص زائد فى مجموعة تروس الكرونة وممكن أن يؤدى الى هذا الى الرجرجة مع السرعات...وابدأ بالموضوع دة الأول كحل أسهل .....ان لم توفق لاقدر الله يبقى فية مشكلة على طول فى علبة الدركسيون....واحنا فى انتظار النتيجة معك

[samirayad]

أحب أن أضيف بأنة يجب عليك أن تبدأ بتغيير زيت الكرونة بزيت أثقل لأنك بتقر بأنة يوجد صوت منها ....وواضح ان دة بوش زيادة فى التروس بتاعة الكرونة.....أنا حبييت التأكيد وبالتالى كررت التعليق بعد مراجعة البوست الصادر عنك

[michohat]

شكرا على سرعه الرد
ان شاء الله هغير زيت الكرونه واجرب
وازاى اعرف علبه الدركسيون سليمه ولا لا

[samirayad]

شكرا على سرعه الرد
ان شاء الله هغير زيت الكرونه واجرب
وازاى اعرف علبه الدركسيون سليمه ولا لا

أى خدمة يا أخى ....وخللى موضوع علبة الدركسيون بعد تغيير زيت الكرونة ومتابعة الاداء....وعامة علبة الركسيون عبارة عن مجموعة تروس(بنيون وجريدة مسسننة)....وبيحصل بوش لأسنان التعشيق مع بعضها من كثرة الاستعمال وعلشان كدة بسسبب هذا البوش بيحدث رجة مع السرعات......بس برضة خليها بعد موضوع الكرونة

[MohabSaeed]

ياريت تكشف على الكاوتش ... لانى كان عندى نفس المشكله و راحت بعد ماغيرت الكاوتش .
هو طبعا ليها كذا سبب تانى بس اكشف على الكاوتش مش حتخسر حاجه .

[michohat]

مش عارف ازاى اكشف ع الكاوتش الكاوتش قدامى حالته كويسة ونقشته لسه فيه فى ناس قالوا لى روح عند حد بتاع كاوتش يشوفه ليك او وانت بتزود الهوا طب ما ممكن الراجل ده مش يكون عارف وبيقول كلام اى كلام

[samirayad]

مش عارف ازاى اكشف ع الكاوتش الكاوتش قدامى حالته كويسة ونقشته لسه فيه فى ناس قالوا لى روح عند حد بتاع كاوتش يشوفه ليك او وانت بتزود الهوا طب ما ممكن الراجل ده مش يكون عارف وبيقول كلام اى كلام

ماهو حضرتك اللى ممكن تحكم على الكاوتش ....هو من يوم ماغيرتة أوركبتة أنت لم تسير على سرعة 100كم فيما فوق ...علشان تقدر تسبعدة أو تشك فية...من ناحية الظاهرة اللى أنت بتعانى منها.......................

[MohabSaeed]

الكاوتش لو فيه كسر حيعمل الرجرجه ديه . و ده الى كان عندى الكاوتش كان شكله عادى مش ممسوح يعنى و شغال لكن كان فى كسر و انا مخدتش بالى منه .
الكشف بيتم انك تروح عند محل كاوتش و الراجل حيكشف عليهم اذا كان فيهم كسر ولا لا .... بس اهم حاجه انك تختار محل كويس او مركز ." قوله على الى بيحصل معاك و موضوع الرجه و انك عاوز تعرف هل فى عجله فيها كسر ولا لا " .
طلع الكاوتش سليم يبقى خير و شوف سبب تانى ممكن يسبب المشكله ديه

[ahmedsamir79]

روح عند أي حد بتاع كاوتش و أكشف عليه

[michohat]

غيرت زيت الكرونه و جربت العربية العربيه تمام لحد ال100 و 110 بعد كده صوت الكرونه بيبان و الرجرجه بتبدأ
لسه مش كشفت على الكاوتش ولا على علبه الدركسيون

هل هى كده فعلا كرونه ؟
وهل ليها حل؟
لانى قريت فى المنتدى هنا وبره ان مفيش منها جديد والموجود استيراد وانت وحظك تجيبها تقعد معاك اسبوع او شهر و الصوت يطلع تانى ولو حظك حلو تطلع كويسة وتعيش

سؤال اخر بالنسبة للكربيراتير اللى عندى اتنين باب والباب التانى فيه مشكله وكنت عملت له اكس وباب قبل كده فبفكر دلوقتى اغيره فهل فيه جديد منه ولا برضه استيراد
وفى الحالتين يعمل له كام لو كويس ونظيف

[samirayad]

غيرت زيت الكرونه و جربت العربية العربيه تمام لحد ال100 و 110 بعد كده صوت الكرونه بيبان و الرجرجه بتبدأ
لسه مش كشفت على الكاوتش ولا على علبه الدركسيون

هل هى كده فعلا كرونه ؟
وهل ليها حل؟
لانى قريت فى المنتدى هنا وبره ان مفيش منها جديد والموجود استيراد وانت وحظك تجيبها تقعد معاك اسبوع او شهر و الصوت يطلع تانى ولو حظك حلو تطلع كويسة وتعيش

سؤال اخر بالنسبة للكربيراتير اللى عندى اتنين باب والباب التانى فيه مشكله وكنت عملت له اكس وباب قبل كده فبفكر دلوقتى اغيره فهل فيه جديد منه ولا برضه استيراد
وفى الحالتين يعمل له كام لو كويس ونظيف

بالنسبة للكرونة ....ممكن يكون نسبة البوش كبيرة ومش حيفع معاها أى زيت.......عموما خللى الموضوع دة جانبا دلوقتى وأكشف على الكاوتش.....وأكشف على علبة الدركسيون(فى الغالب حتكون هيا السبب)......... بالنسبة لموضوع الكاربرتير....لو مش مسبب مشكلة بعد تغيير الباب والأكس سيبة زى ماهو....لو فية مشكلة معينة قولنا عليها واحنا معاك........

[michohat]

معرفش اشكرك ازاى يا استاذ samirayad وكمان اخويا عاشق ال 131 MohabSaeed
فى ناس كتيرة عماله تقنع فيا ابيع العربية دى لانى مش عرفت اتعلم ازاى اميز المشاكل اللى فيها وده اللى خلانى من زباين الصنايعية وشوفت منهم بس ولو برضه العربية دى بعزها وكفايه انى عارف انها نظيفة نرجع بقى للموضوع

مين اللى اخليه يكشف على علبه الدركسيون وهل الكشف عليها لازم العلبه تتفك وتطلع بره ولا ممكن يكشف عليها وهيا راكبه(علشان ابقى واقف فاهم)
بالنسبة للكاربرتير هوا شغال كويس بس المشكله عندى فى الباب الثانى (على حسب ما فهمت انه بيفتح بس لما بكون ماشى بسرعه )انه بيعلق و بيبقى مفتوح على طول وده بيزود من استهلاك البنزين وانا اغلب تحركاتى فى العربية جوه البلد فكده هيبقى فيه زياده فى استهلاك البنزين

[michohat]

حاليا الميكانيكى لغى الدراع اللى بيفتح الباب الثانى ونقط ب امير فوق الباب علشان يمسكه فى جسم الكاربرتير وقال لى كده معندكش باب تانى