العربية بتحدف يمين !!

[Ahmed Hamdy]

سلام عليكم يا جماعة ..
العربية عندى بتحدف يمين .. فبلاقى وأنا ماشى ان الطارة مبقتش فى النص عشان أحافظ على اتجاه العربية يكون مستقيم ..
رحت ظبط زوايا بس الراجل قالى الزوايا مظبوطة لكن المشكلة فى الكاوتش الأمامى عايز يتغير .. !!

هل فعلا ممكن تكون المشكلة دى من الكاوتش ولا فى أسباب تانية ؟؟

[XLANS]

ممكن يكون الكاوتش بس اعمل ترصيص الأول علشان تتأكد

علشان كان عندى العربية بتحدف و الدركسيون فيه غربلة جامدة بعد ال 80

و طلع عندى جنط معووج و استعدلتوة عند الراجل اللى فوق نفق الملك الصالح

ورجعت رصصت تانى و اتظبط الحدف والغربلة.

[Ahmed Hamdy]

شكرا يا باشا على الرد ..
أنا عامل ترصيص قريب والعربية مش بتغربل ..
أنا شاكك فعلا انه الجنط لان وأنا بعمل ترصيص الراجل قالى الجنط اليمين ده شكله معووج ..
طيب فين الراجل بتاع استعدال الجنوط ده بالظبط واسمه ايه لو تفتكر ؟؟

[XLANS]

شكرا يا باشا على الرد ..
أنا عامل ترصيص قريب والعربية مش بتغربل ..
أنا شاكك فعلا انه الجنط لان وأنا بعمل ترصيص الراجل قالى الجنط اليمين ده شكله معووج ..
طيب فين الراجل بتاع استعدال الجنوط ده بالظبط واسمه ايه لو تفتكر ؟؟

اسمة المركز الفنى الهندسى لأستعدال الجنوط

وهوة فوق نفق الملك الصالح بالظبط

وانت جاى صلاح سالم من ناحية السيدة عائشة هتنزل نفق

الملك الصالح وأول لما تطلع من النفق هتلف يمين مع سور النفق

وهتلاقى اللفة صغيرة وجنب النفق علطول هتدخل فيها هتلاقى

الراجل اخر الشارع على الشمال.أنا وصلت بسهولة جدا

واى استفسار انا موجود.

[Ahmed Hamdy]

شكرا يا ريس ...
بس مش نفق الملك الصالح ده ممكن أوصله من ناحية الكورنيش ؟؟

[XLANS]

شكرا يا ريس ...
بس مش نفق الملك الصالح ده ممكن أوصله من ناحية الكورنيش ؟؟

أكيد ممكن ياباشا بس انا بوصف لك الطريق اللى انا اعرفه وروحت منه.

ممكن حد من الشباب يفيدك ان شاء الله.

[yousefkhodier]

الحدفة دي يا باشا اسبابها الاتي:الزوايا لكنها مظبوطة
لكن السبب الاهم هو الاسكاترا والاسكاترا دي موجودة في العفشة دي تروح للعفشجي وهو يقولك اذا كانت هتظبط ولا تتغير وخليه يكشفلك عالمقصات

وابقي قابلني لو حدفت منك تاني

[yousefkhodier]

اهم سبب وهو( الاسكاترا) ودي في العفشة انصحك ان العربية تروح للعفشجي وهو يقولك اذا كانت هتظبط ولا هاتتغير وخليه يكشفلك عالمقصات بالمرة وابقي قلبلني لو حدفت منك تاني

[eldeplomasy]

بتاع استعدال الجنوط فوق نفق الملك الصالح وانت جاي من الجيزة متنزلش النفق وخليك من فوق على اليمين هتلاقيه على اليمين برده وممكن تكلفك في حدود 30جنيه بس فعلا الكاوتش عندي كان مخلي العربيه تحدف وكان هو السبب مش الجنط فقبل ما تروح ويتعمل عليك شغل روح لواحد بتاع كواتش واساله على الكاوتش والجنط حالتهم ايه؟؟؟

[dr_timo]

ممكن تكون عفشة فعلا وممكن تكون هية سبب تئاكل الكاوتش دة

[XLANS]

بتاع استعدال الجنوط فوق نفق الملك الصالح وانت جاي من الجيزة متنزلش النفق وخليك من فوق على اليمين هتلاقيه على اليمين برده وممكن تكلفك في حدود 30جنيه بس فعلا الكاوتش عندي كان مخلي العربيه تحدف وكان هو السبب مش الجنط فقبل ما تروح ويتعمل عليك شغل روح لواحد بتاع كواتش واساله على الكاوتش والجنط حالتهم ايه؟؟؟

على فكرة أنا معملتش الجنط عند دة انا عملت عند اللى قدامه الناحية التانية من النفق

وكان عايز 60 فى الجنط علشان قالى اتحط على المخرطة

بعد الأستعدال وأنا اديتلوة 45 بالعافية.بس هوه بأمانة شغلة نضيف جدا.

[A.Saad]

انا جصلت فى عربية اختى وكانت تبان على السرعة العالية فوق 70
طلع الكاوتش الامامى الشمال بيريح نمرة او اتنين