الدبرياج

[روبالي]

السلام عليكم

انا واحد جديد في القيادة و عندي اكسنت ، ديسك الامبرياج راح

هيونداي قالولي : انت ما تعرفش تسوق

السؤال هو : عندما اغير الفيتيس ، هل ارفع رجلي ببطئ ام بسرعة عن الامبرياج حتي الديسك ما يخسرش

[ahmed1981]

Re: الدبرياج

السلام عليكم
انا واحد جديد في القيادة و عندي اكسنت ، ديسك الامبرياج راح هيونداي قالولي : انت ما تعرفش تسوق السؤال هو : عندما اغير الفيتيس ، هل ارفع رجلي ببطئ ام بسرعة عن الامبرياج حتي الديسك ما يخسرش

أنت تقصد الدبرياج أو الكلتش مش الامبرياج
في الطلوع من الثبات في الأولاني لازم تشيل رجلك بالتدريج بدون تطويل مبالغ فيه

في النقلات الي بعد كده شيل مره واحدة براحتك

[hic]

اهم حاجة اثناء القيادة ما تريحش رجلك على الدبرياج بمعنى انك بعد ما تنقل تبعد رجلك عن الدواسة بتاعة الدبرياج
لان مجرد تريح القدم على الدواسة اثناء القيادة ىودى الى تاكل الاسطوانة

[fahd_628]

فعلا اكيد و انت مش واخد بالك بتريح رجلك على الدبرياج و طبعا دة بيأدى لتأكل الأسطوانة و بالنسبة للسواقة طبعا فى الأول لازم حبة حبة لكن فى الباقى عادى مش بسرعة اوى ولا بالراحة اوى يعنى عادى

[m10_10]

طب يا جماعه اضافة لكلام الاخ صاحب الموضوع انا بدوس عالدربياج وانا باجي اهدي او افرمل

يعني مثلا لو انا ماشي عالثالث وبعدين جت قدامي زحمة وطريق واقف فبشعر فرامل ودبرياج لحد ماوصل للزحمة وبعدين بدي غيار اول او ثاني

يعني طول مانا ماشي وبهدي لحد ماتقف ببقى مشعر الفرامل والدبرياج ببقى عالاخر

هل كدة صح ؟؟؟؟

[Hossam_Hassan]

الأحسن تدوس فرامل بس لغاية قبل ما تيجى تقف يعنى قبل ما العربية تبتدى تتهز و تبطل و ممكن تمور و بعدين تدى النقلة المناسبة لما الطريق يمشى

[m10_10]

الففففففف شكر يا مان

[روبالي]

شكرا لكم ولكن هناك مشكلة اخرى

عندما تكون على الفيتيس الاول والثاني وحتى الثالث ، واكون اسوق عادى ، وعنما ارفع رجلي عن البنزين احسها اهتزت



ماهو المشكل ؟؟؟

[Abonora]

طب يا جماعه اضافة لكلام الاخ صاحب الموضوع انا بدوس عالدربياج وانا باجي اهدي او افرمل

يعني مثلا لو انا ماشي عالثالث وبعدين جت قدامي زحمة وطريق واقف فبشعر فرامل ودبرياج لحد ماوصل للزحمة وبعدين بدي غيار اول او ثاني

يعني طول مانا ماشي وبهدي لحد ماتقف ببقى مشعر الفرامل والدبرياج ببقى عالاخر

هل كدة صح ؟؟؟؟

بص تاكل الدبرياج بيحصل لما تكون دواسة الدبرياج مضغوط عليها من بدايتها لمنتصفها لاكن لما تكون دايس عليها في للاخر فانت كده بتبقي باعد الاسطوانة عن الاحتكاك تماما وده مش هياثر عليها خالص يعني ببساطة يا تدوس الدبرياج لاخرة او لاء والمشوار بين الدوسة للاخر ورفع رجلك من علي الدبرياج يكون بالتدريج وبدون ضغط جامد علي الاسليراتور عشان الضغط علي البنزين مع عدم رفع القدم بشكل كامل من علي الدبرياج هو المسبب الرئيسي في تأكل مجموعة الدبرياج

حاجة تانية بخصوص الفرملة لو متبعتش الاسلوب اللي قالك عليه اخونا حسام هتلاقي كمان عزم الفرامل اقل

[ahmed1981]

شكرا لكم ولكن هناك مشكلة اخرى

عندما تكون على الفيتيس الاول والثاني وحتى الثالث ، واكون اسوق عادى ، وعنما ارفع رجلي عن البنزين احسها اهتزت



ماهو المشكل ؟؟؟

إيه الي إهتزت ؟
السيارة ولا الدواسة ولا إيش

ولما إهتزت رجلك كانت على الدبرياج ولا لا؟
وسيارتك قديمة ولا جديدة؟
وإنت غيرت الإسطوانة والدسك ولا لا؟
أرجو توضح؟

[محمد البحيري]

الدبرياج ليه 4 استخدامات
1- الطلوع من الثبات وده غصب عنك لازم تشيل رجلك بالراحه من عليه واول ماتجيب تاني تشيل رجلك خالص من عليه
2-النقل علي سرعات متوسطه او عاليه مثلا من تالت لرابع وده محتاج بس تدوس ساعه النقل فقط
3-لما تيجي تفرمل قدامك حاجتين
ا-ياما بتهدي وانت ماشي بسرعه علشان تعدي واحد اوكده وبعدين انت عارف انك هترجع لسرعتك تاني فمفيش داعي للضغط علي الدبرياج من اصله
ب-طيب انت بتهدي ومش عارف اذا كنت هترجع لسرعتك تاني ولالا خلاص هتدوس دبرياج شرط انك تغير نقله العربيه (يعني لو خامس وهديت هات الرابع او لو حارق علي الرابع شويه ودوست تجيب الخامس) ده لودست علي الا خر
لو مدستش علي الاخر (يعني مفصلتش الكلتش)ممكن تكمل علي نفس النقله مفيش مشاكل
4-لما تيجي تاخد ملف دوس علي الدبرياج علي الاخر ومتنساش تخلي النقله مناسبه للسرعه
وعلي فكره الي مبيعملش كده مش هيحصل حاجه غير ان العمر الافتراضي للاجزاء هيقل (مره فمره هيعوز يتغير)
والله اعلم