للي بيروحو للميكانيكيه كتير

[boing]

السلام عليكم ورحمة الله وبركاته
لو سمحتم ياشباب عاوز استفسر منكم على حاجه كده واشوف سعرها مظبوك ولا لا؟؟

لو رحت لميكانيكي حل الماكينه بتاعت العربيه لان العربيه كانت عامله حادثه المهم هيحل الماكينه
وهيركب سيور جديده واسطوانه فتيس وماستر دبرياج ومانفو ومارش وقواعد ماكينه جديده وبعد كده يركب الماكينه تاني

علما بان العربيه تويوتا كورولا 2006

ياترى الموضوع ده يكلف كم شغل ايدو بحق ربنا

وانا قطع الغيار اشتريتها خلاص يعني هوا هيسقك الماكينه بس ويركب الجديد مكان القديم واستلم عربيتي
ياريت تردو عليا في اسرع وقت عشان انا معنديش فكرة وخايف اتشمط في الفلوس لان مليش تعامل مع الميكانيكيه خالص

مستني ردودوكم وشكرا جزيلا

[EGMIDO]

650 جنية كويس اوى ولو مرضيش
انا بتعامل مع ميكانيكى كويس اوى ممكن تكلمنى
0102305223

[yaskhl]

450 جنيه بحد أقصى

[foaad]

انت بتتكلم فى قصة 200 الى 300 جنيه معتقدش اكتر من كده,متتسرعش و تروح علطول انت ممكن تركبها بأقل 200جنيه من الأسعار اللى فاتت

[XLANS]

شوف ياباشا انا عملتها مرتين

مرة عند واحد فى الحرفيين ب 250 جنية

ومرة عند واحد فى جسر السويس أحسن ب 400 بتاع جولف بس

[ameen_ra]

المصنعية بتختلف حسب الماركة والموديل ومكان الورشة ونوعية الزبون وظروف

التصليح اذا كان تصليح عادي او في حادث يعني بالعربي كدة كلها امور استغلال

وربنا يخلف عليك وتبقي العربية احسن من الاول