باب عربيتي بيتفتح بمفك !!

[roky]

المتخلفين اصحابي ... بيهزروا هزار غبي ... بس الحقيقة أنا أحمد ربنا ان الموقف ده حصل عشان انتبه للنقطه دي

كام يوم لما كنت لسه جايب العربية جديد ، نزلت لاقيت العيال اصحابي فاتحين العربية و قاعدين جواها ماعرفش أزاااي

ضربت أيدي في جيبي لقيت المفتاح معايا ...
أمال العيال ولاد الــــــــ ... فتحو العربية أزااااي

طبعاً فضلو يشتغلوني شويتين لحد ما قالولي : " هو كده ، باب الـ 127 بيتفتح بأي مفتاح ... ده حتي ممكن يتفتح بمفك"


طب بالزمة ده كلام يعقل ...يعني مفتاح باب زي قلته ؟!
فنصحوني أركب قفل جديد ، و يكون من نوع شكله مش عارف ايه ، و المفتاح بتاعه مشرر من الناحيتين وكلام مافهمتوش.

ف يا أهل الخبرة أكون ممنون أذا تفيدوني بنوع القفل المرجح و سعره بالتقريب و يتباع فين
و طريقة التركيب أذا كان ينفع أعملها لوحدي ولا لآزم أخصائي فتح خزن و أقفال

و بعدين هل أغير قفل الباب اليمين و الشنطة كمان ولا أيه

و قال علي رأي المثل : حَرّص .. ولا تخونش

[eslamspirit]

الحكاية دي حصلت معايا بس في الشنطة

و غيرت طبلة الشنطة بطبلة تركي بمفتاح مشرشر من الناحيتين و بقلب حديد مش بلاستيك من اي حد بتاع قطع غيار او اكسسوارات

كانت في حدود 20 جنية و 5 جنية تركيب

اما الابواب فبصراحة معنديش فكرة و انتظر رأي الخبراء

[fahd_628]

كانت عندى فى الستارليت القديمة كنت تحط اى مفتاح و تفتح و تدور كمان بأى مفتاح :)

و دة لأن الطبلة دايبة من كتر الفتح و القفل