خبطت العربيه ومحتاج اكصدام

[EZABY]

الحمد لله
النهارده سرحت شويه قمت داخل في اللي واقف قدامي وبعيد عنكم كان تاكسي لادا
وطبعا كلكم عارفين اكصدام اللادا وعارفين هيعمل ايه في الاكصدام الامامي بتاع السيفيا
المهم الاكصدام تدمر ومحتاج اجيب واحد غيره
حد يقدر يدلني اجيبه منين وهيعمل كام تقريبا؟
ولو استيراد من عند بتوع الأربع هيكلفني كام؟
شكرا ليكوا وربنا يكفيكوا شر السرحان

[piezo]

الحمد الله علي سلمتك اول شئ طبعا و فداك مليون اكصدام
المهم انزل الحرفيين وشوف هناك هتلاقي ان شاء الله و السعر مش عارف الي اعرفه ان الاكصدام بتاع النوبيرا بي 350 كامل بالحديده الي ورا الاكصدام .
فاعندك اكيد في نفس الحدود ولف كويس وشوف حاجه كويسه و نضيفه
والف حمد الله علي سلامتك

[EZABY]

الحمد الله علي سلمتك اول شئ طبعا و فداك مليون اكصدام
المهم انزل الحرفيين وشوف هناك هتلاقي ان شاء الله و السعر مش عارف الي اعرفه ان الاكصدام بتاع النوبيرا بي 350 كامل بالحديده الي ورا الاكصدام .
فاعندك اكيد في نفس الحدود ولف كويس وشوف حاجه كويسه و نضيفه
والف حمد الله علي سلامتك

الله يسلمك ياباشا ومتشكر جدا على ردك وذوقك
بس ياريت لو تعرف حد معين أسال عليه في الحرفين تقولي عليه

[mrghost]

هى الحرفيين مليانه الحاجات دى بس المشكله فى الاسعار هناك غاليه
يعنى متشتريش من اول واحد لا فاصل مع كل واحد لحد ماتوصل لاقل سعر لانهم بيستغلوا اوى اوى هناك بصراحه وربنا يوفقك

[SmartMega]

مكن كمان تلاقي في الوكاله

[max_ziro]

بتوع الحرفيين غالين عن تجربة يعنى تفرق معاك بتاع 100 جنية لو نزلت بور سعيد بس مش من اول واحد بردو و عموما هو متوسطة من 500 ل 700 او جرب اللحمة فيبر اهو يمشى لحد متلاقى واحد تمنة كويس ...
اخوك لسة عامل نفس الموقف و مدمر الاكصدام بردو من 3 ايام
لو احترت قوى قولى و انا اجيبلك ...
انا فى الخدمة يا باشا ..