ايه رايكو فى البولونيز

[عصفور]

ايه رايكو فى البولونيز

[hazem_khidr]

عربيه مالهاش سوق و تقيله و موترها قديم جدا (نفس موتور الفيات 1500 موديلات الستينات)و دركسيونها تقيل.
هيا ممكن تبقي مهضومه في حاله ان موتورها اتغير بموتور ال 132 ال 2 كامه

[Hazem Salah]

سيارة رديئة جدا من كل النواحى

[عصفور]

اولا شكرا لانكو اهتميتو بالموضوع بالنسبه للعربيه دى لو سقطلها موتور ال132 هيكلفنى اد ايه وهل هيبقى مظبوط عليها ولا هيطلع عيوب وياريت لو فيه حل لتقل الدركسيون ولوفيها مشاكل تانيه ياريت تقلولى عليها واسف على الاطاله

[hazem_khidr]

العفو يا سيد عصفور احنا هنا كلنا اخوات.
بالنسبه لموتور ال 132 اعتقد انه غالي مش حيقل عن 2500 جنيه اقل واجب(كنت شاريه سنه 1994 و كان موتور ارجنتا كمان موديل عالي 84 و 2000 سي سي و كان ب 1000 جنيه بالفتيس!!!)انما حاليا حتلاقيه غالي.
بالنسبه للدركسيون لو انت ركبت عليه موتور 132 2000 ف انا متاكد انك ممكن تركب باور عليه علشان نفس عفشه ال 132 بالضبط و كل اللي في الموضوع انك حتشيل خزنه الدركسيون و تجيب خرنه دركسيون باور و علبه الزيت و الخراطيم و الكمبروسور بيبقي جاي مع الموتور ال 2000 اساسي مش حتحتاج تركبه انت.
يعني الفيلم دا حيخش في حسبه 4000 او 5000 جنيه!!
نصيحه لو معاك العربيه دي و عاوز تعمل فيها كده لمزاجك انت و علشان انت غاويها اعمل كده بس ما تنترش انك لما تبيعها فلوسك حترجع ليك الا لو واحد هاوي برضه اخدها منك.
انما لو لسه حتشتري ف انصحك تشوف 132 او 131 او ريجاتا حتبقي احسن منها ميت مره(فلوس العربيه و فلوس التعديلات يجبولك عربيه نضيفه و كويسه)

[عصفور]

شكرا جدا يا استاذ (حازم خضر) والله معلوماتك مفيده جدا وانا اقتنعت بفكره ال132 بس انا لسه شاب ببتدى حياتى وال132 قطع غيارها غاليه انا كانت عجبانى على اساس ان الفرق بينها وبين ال128 النظيفه حوالى 3000 يعنى مثلا ال128 موديل 88 لو نظيفه تعمل 20000 وده المبلغ اللى معايا بس وانا بدور على النت لقيت ال132 بتعمل حوالى 23000 فقلت يعنى لو اصبر شويه لحد ما اكمل الفرق كان يبقى احسن بما ان ال132 اكبر و اقوى بس لقيت المفاجأه وهى ان قطع غيار ال132 غاليه قوى بالنسبه لى فياريت لو فيه عربيه فى حدود 20000 ال ومناسبه ليا فى المصاريف واقدر برده اظبطها تقولى عليها ومعلش انا عارف انى تقلت عليك بس انا متعشم فى زوقك

[hazem_khidr]

يا سيدي ولا يهمك و علي فكره انا شفت عربيات 132 علي النت بالتمن دا اللي هو 23 الف بس عباره عن مشنات و لسه واحد صاحبي بايع مشنه منهم من كام يوم :) .
رايي لو تصبر شويه و تحاول تشوف عربيه ابيزا سيستم بورش موديلات تمانينات ب 25 الف ولا حاجه تبقي احلي ميت مره,

[Nader]

البولونيز دي بامانة عبارة عن جرار دركسيون زي الدهية و لو انت طويل شوية مش هتعرف يدوس دبرياج وتنقل الفتيس خاصاً الغيار الاول!! + حريقة بنزين علي الفاضي :?

[عزوز]

سلامو عليكو انا موافق الاستاذ نادر فى تعبيره ان البولونيز عباره عن جرار بدركسيون ياعم دى كفايه اسمها ههههههههههه
انا رايى تتوكل على الله وتجيب ال128 بس لازم تكون عفشتها نظيفه طبعا مش العفشه بس يعنى وبعدين دى قطع غيارها ببلاش وبتتروش وكمان بيتسقتلها ماتور ريجاتا1600 ولو اتعملت صح وشاسيها سليمه ومركبلها بارات فى الشنطه والكبوت وعفشتها مظبوطه ممكن تمشى 160 وكمان ممكن تركبلها تكييف وتابلوه اوبل كورسا ولا انتوا رايكوا ايه يا جماعه

[Powert]

للعلم انا معايا بلونيز

وبرضة مع واحد قريبي واحدة كان جيبها علشان يتعلم عليها السواقة زيي

انا بتاعتي موديل 92 تقريبا وهو معاه موديل 84 الفرق ما بين الاتنين فرق كبيير أوي

انا بتاعتي نقلتها حلوة جدا وقاعدتها مريحة ودركسيون مش تقيل وعاى فكرة انا طويل جدا حوالي 194 تقريا

بس مشكلتها وانت واقف متعرفش تحود الدركسيون في الاول

عيوبها دايماً في الموتور وعايزها واحد اديها فيها على طول كل شوية اعطال ومشاكل فيها وسخونها طبعا انا مركب فيها مروحة زياده

بتستهلك 10 لتر بنزين كل 100 كيلو بسرعة 100

انا جبت بيها قبل كده 160 كيلو بس مش هقولك كانت بترقص من الفرح وانا بجري بيها :D

ولو عايز اي حاجها عنها انا موجود بخدمة

[عزوز]

بولونيز ههههههههههه :mrgreen:

[Powert]

بولونيز ههههههههههه :mrgreen:

بص من غير تريقة العربية دي اقوى عربية صاج في مصر

انا عملت اكتر من حادثة بيها مرة خبط لادا مش عايز اقولك ان صاحبها نزل يعيط عليها

ومرة تانية لمست لانسر "عملت تاتش معها بس " كنت لسة طالع على الاول وطريق كان واقف مالحقتش افرمل خبط خبطة بسيطة بالانسر مش عايز اقولك ان الخبطة دي كلفتني حوالي 300 جنية للانسر وكمان صاحبها لسه هيكمل هو على حسابه تصليح الباقى ,الاكصدام بتاعها الله يرحمة وكمان الشنطة وفوانيس وجزء ورا الاكصدام لسه هيتعمل كمان , والحمد للة البلونيز واللهي العظيم مافيهاش خدس ماتكونش ترلا
انا كنت ناوي اجيب اسبرانزا او لانوس او فيرنا لسه بختار بس بصراحة بعد الحادثة دي بفكر 100 مرة للعلم الحادثة دي كانت من 3 ايام ومن ساعدتها وانا خايف اركب العربية

بص ياسيدي باختصار لو انت عايز مدرعة او دبابة من ايام الحرب العالمية التانية هات بلونيز وصدقني هتتعب معها اخر تعب بس هي عربية كويسة معادا الموتور بتعها بس لانة قديم جدا

:D

[وائل عطية]

هذه البولونيز تسمع وأنت بداخلها سيمفونية من الأصوات الشاذة والنشاذ جداً
بحكم منشأ هذه السيارة، فأنت تسمع وأنت بداخلها أصوات معاناة الشعوب الشيوعية !!!!!

[عزوز]

يعنى مغلطناش لما قولنا عليها جرار وبعدين ياسيدى لوشايف انها جامده اوى كد(دبابه) جرب تهزر مع (قطرسويدى)من الفولفو القديم و ااكدلك انه هيروقك :twisted:

[Powert]

يعنى مغلطناش لما قولنا عليها جرار وبعدين ياسيدى لوشايف انها جامده اوى كد(دبابه) جرب تهزر مع (قطرسويدى)من الفولفو القديم و ااكدلك انه هيروقك :twisted:

بيني وبينك ده كده صح بس خلي بالك الفولفو مش منتشرة أوي بقت نادرة شوية وعلى فكرة في منها بنفس تمن البلونيز بس عيبها قطع غيرها الغالية :D