غاز

[moanna]

ارجوا من فضلكم حد يقولى انا يعنى لو حولت لغاز طبيعى حيصل ايه انا مش بخيل والله انا بس عاوز اعرف هل حيحصلها حاجه وشكرا

[PRO-DRIVE]

تم النقل من العام بمعرفتى



صراحة كل الناس بتحذر من الموضوع دة و انا فى راىى ان اسبيرانزا لسه عليها كتيير عشان تبدا تحاول تغامر فيها

غير كدا انبوبه فى شنطه العربيه لا قدر الله اى حادثة عواقبها حتبقى وخيمه + حراره و حتفضل خايف و مش متطمن لان الانبوبه اذا مش على حرف الشنطه حتكون جنب الكنبه الخلفبه ....................... كمل انت
و ان شاء الله الشباب يفيدوك

[fahd_628]

انا حقولك الى بسمعة عن الغاز و بصراحة معرفش اذا كان ممكن يركب على السبرنزا ولا لأ

اولا بيقلل من عمر الموتور

ثانيا بيبقى صعب تدور العربية الصبح

ثالثا اداء العربية بيقل

رابعا زى ما قال الأخ تربو الأنبوبة لو حصل حاجة او حادثة لاقدر الله حتبقى مشكلة

[moanna]

شكرا على النصائح الغاليه دى انا كنت بفكر بس الحمدالله انى ما عماتهاش

[shoayman]

الغاز مشكلة كتير واعطالة اكتر دة غير ان محطات الغاز مش كتير+ان تكلفة تركيبة عالية تقريبا 5000جنية.............................
اما بنسبة للموتور 1-بيسبب تاْكل فى وش السليندر
2-بيسبب ضرر بالصبابات
3-ممكن يسبب شرخ فى وش السلندر....ودة ببساطة لان الموتور وهو شغال بيبقى درجة حررتة من الداخل عالية جدا ...والغاز بطبعتة بارد جدااا فلما بيجى الغاز البارد على المعدن الساخن ممكن يتسبب فى شرخة
4-يحتاج وقت اكثر فى دوارة العربية خاصة فى الشتاء
5- سحب العربية بيختلف تماما (للاقل طبعا)
6-وصوت الموتور عالى على السحب
يعنى من الاخر بتدفع فلوس عشان تبوظ العربية وتقرف نفسك(متبصش لفرق السعر بين البنزين والغاز دة حاجة ودة حاجة تانية)واوعا تقولى انك عاوز تعمل الكلام دة فى عربية جديدة؟؟؟؟؟؟؟؟!!!!!!!!!!!!!

[mo3tazelgamal]

-ممكن يسبب شرخ فى وش السلندر....ودة ببساطة لان الموتور وهو شغال بيبقى درجة حررتة من الداخل عالية جدا ...والغاز بطبعتة بارد جدااا فلما بيجى الغاز البارد على المعدن الساخن ممكن يتسبب فى شرخة

الكلام دة مش صح
أولا الغاز بيعدى من expanion valve علشان يوطى الضغط الخاص به وبكدة درجه الحرارة عمرها ما حتبقى باردة
ثانيا لو أفترضنا جدلا أن الغاز حيدخل بارد يعنى حتزيد كفاءة الأحتراق الخاصه به لأن مع وجود درجه حرارة عاليه (زى ما أنت قلت) حيتكون مخلوط غنى قابل للإشتعال
ثالثا الغاز بيكون سائل وهو تحت ضغط بداخل الأسطوانه فقط أما غير ذلك فهو غااااااااااااااااااااااااااااااااااز
رابعا باقى الكلام عن المشاكل فى الموتور هو كلام صحيح فعلا وإن لم يتم ذكر السبب إللى هو أن الغاز مثل أى مادة قابله للإشتعال(البنزين السولار الكحول...........) تتكون من ذرات الكربون ولكن الفرق أن الغاز بعد حرقه لا يتبقى منه أى أثار كربون(سناج) بداخل المحرك .
هذا السناج يترسب على السطح الداخلى للإسطوانه مما يعمل كنوع من أنواع الحمايه لها من التأكل السريع وإن كانت كثرته تؤدى إلى ما يسمى بالhot spot
وشكرا

[AlmAhAtmA]

واحده من دراسات الجدوي اللي قمت بيها لشركتي
تحويل عربيات الشركه للغاز الطبيعي

و خلاصه القول
بلاش تفكر في الموضوع اساسا

لان زي ما الاخوه قالوا 100 سبب و سبب يخليك ما تعملهوش

انا كنت اتكلمت في موضوع قديم عن التفاصيل ححاول ابعته ليك

تقدر تلغي الشنطه
تقدر تطلع العربيه من الضمان
تقدر تلف و تدور علي محطه تموين
تقدر ما تسافرش بعيد

لو اجاباتك نعم فكر تاني

[AMRSPEED]

انا اعرف واحد معاه اسبيرانزا وحولها غاز وبالنسبه للسحب هو بيقول مفيش فرق

[shoayman]

طبعا انا برحب براى الاستاذ(mo3tazelgamal)بس مع احترامى ليك معظم الكلام دة صح نظريا بس
لكن لما الناس بتنفذة عملى بتكون النتائج مش كويسة
والكلام الى انا قولتة دة عن تجارب حقيقية فعلا