المياه بتغلى فى القربة

[roky]

يا ريت توافينا بالنتيجة يا أخ مودي عشان برضك نطمن عليك

و ان شالله خير ما تقلتقش

[shevechinco]

اخوانى الكرام

من يومين لاقيت بخار مية طالع من القربة وانا مشاى المهم ركنت بصيت على القربة لقيت المياه بتغلى جامد جوة القربة . وبعدين طلعت الخرطوم الى داخل على القربة لقيتة جايب مياة من الردراتير وبيصب فى القربة وبعد كدة فى بخار مياة كثيف طالع من خرطوم غطاء القربة .. وطبعا كل مزود مية فى القربة بعد مشوار القيها خلصت .
كمات بعد ما ابطل العربية بحس بصوت بخار طالع من غطاء القربة لدرجة انى بسمعه من غير مبفتح الكبوت .
مش المفروض الراديراتير يخد مية من القربة لما المية تنقص فية ؟ انا عندى العكس خرطوم القربة بيخد مية من الرادراتير وبيصبة جوة القربة و هو دة الى بيخلى مية القربة تغلى ....
مش عارف اية السبب منتظر المساعدة منكم كالعادة
العربية اكسنت 1500 انجيكشن

مع اخترامي لكل الاخوة الي انا بتعلم منهم الكثير في هذا المنتدي الرائع السبب هوة غطاء الريدياتير و سيبك من كل الهيصة دي غيرة و هتدعيلي نفس مشكلتك كانت عندي بالضبت غليان في القربة و صدي و المشكلة طلعت في الغطاء اول لما غيرتة و لله الحمد الدنيا زي الفل

[LADA2107s]

طيب اتاكد بس مروحة التبريد بتشتغل ولا لاء؟؟؟؟؟؟
ممكن السخونه بتزيد فى الميه من الاساس بسبب مروحة التبريد

[Hosamashour]

السلام عليكم ورحمة الله وبركاته. .. وظيفه قربه الماء استقبال بخار الماء من الريداتير من الفتحه العلويه بقربه الماء علشان البخار ميدخلش الريداتير و ياثر على دوره الماء و تسخن المتور و البخار هيفضل فى قربه الماء تحت الضغط و الكبس حتى يعود لدوره التبريد مره اخري من الفتحه السفليه بقربه الماء ..... انا حصل عندى الموضوع ده و غيرت غطاء القربه بس مكنش ده الحل لان الماء فضل يخرج من غطاء القربه غيرت القربه كامله توكيل وبرضه استمرت المشكله بس لما نضفت و سلكت الريداتير انتهت المشكله نهائيا الريداتير كان مسدود فكان مرتجع الماء من لريداتير للقربه اعلى من المعدل الطبيعى و على الرغم من كده الحمد لله مكنش فى حراره فى المتور...... على فكره غطاء القربه فيه 2 صمام واحد علشان يطلع الضغط الزياده علشان دوره التبريد متنفجرش و الاخر علشان لما دوره الماء تبرد و الضغط يقل داخل الريداتير يدخل هواااااء من خااااارج دوره التبريد الى قررررربه الماء وليس دوره التبريد حتى لو كانت دوره التبريد مكبوووووسه علشان الريداتير لا ينهار ... يعنى و ظيفته توازن الضغط داخل الرداتير. بعض السيارات بيكون الصمامات دى فى غطاء الريداتير نفسه و البعض الاخر فى غطاء القربه...... اتمنى من الله انى اكون افدكم