طلمبة البنزين

[masrawy_online]

السلام عليكم
معلش انا لسة جديد فى العربيات والمشاكل اللى بتحصل فيها
انا عندى هيونداى اكسنت 2006
وكنت ماش زى الفل الصبح وبعدين ركنت جنب الشغل وجيت لما خرجت من الشغل ودورت العربية دارت وفجاءة توقف الموتور حاول ادور مارش كثير ولم تستجب زقتها انا وزميلى الى اقرب ميكانيكى فوجدنا كهربائى عربيات فشاف الفيوز لاقاة سليم دخل وقال يبقى الطلمبة وقعد يجيب سلم ولمبة ويختبر الاسلام ؟؟؟ المهم فى الاخر قعد يخبط بالمفك على الطلمبة (الموجودة فى الكرسى الخلفى طلمبة كهرباء ) وقال جرب وجربت واشتغلت قالى انت محتاج طلمبة ودة ب 550 جنية والصينى 250 جنية .
المهم سيبتة ومشيت لان معييش الفلوس الان وقلت ربنا يستر لغاية لما اروح البيت
قالى زميلى ان الطلمبة ممكن تكون فيها وساخة من البنزين وجرب العربية وشوف حيحصلها اية
روحت بيها وجربتها تانى يوم وتالت يوم شغالة وفولت وبردو شغاله لكن حاسس ان العربية مخنوقة وفى السلانسية المحرك حاسس انه بيهتذ
مش عارف اية الحكاية انضف الطلمبة ولا اغيرها
ياريت حد يدلنى على الصح
وهو ممكن اركب 2 فلتر قبل الطلمبة ولا غلط

[eldeplomasy]

أولا الطلمبة ممكن تضعف لكن تقطع مرة وحده دي صعب تحصل

ثانيا الطلمبة لما خبطلك عليها اعتقد انها كانت معلقة يعنى فيها سلك مش مضبوط او حاجه زي كده روح لكهربائي شاطر يبصلك عليها

ثالثا ممكن اوي الوساخة بتاعة البنزين في مصر تعمل رعشه في الموتور وتخلي العربية مش مضبوطة خالص

رابعا مينفعش تركب 2 فلتر لانه هيخنق العربية اوي عن تجربة

نصحيتي بقى تطلع بيها مشوار طويل وقبل ما تطلع تفول من امارات مصر 92 وتطلع مثلا لاسكندرية بس المشكلة انها ممكن تقطع منك وانت في الصحراء وعلشان كده خد شباب معاك وقبل ما تطلع روح لكهربائي تكون عارفه ويكون فاهم يشوفلك الدوائر والدنيا فيها ايه

واخيرا انتظر راي باقي الاعضاء وان شاء الله ميكنش فيها طلمبة ولا حاجه

والسلالالالالالالالالالالالام ختااااااااااااااااام

[masrawy_online]

اشكرك اخى
عند توقف العربية فكينا الخرطوم الذهاب الى الكربيراتير الجاى من الفلتر وجربنا ندور لم نجد نقطة بنزين وبعدين شفطنا من الخرطوم جة بنزين ودخلنا البنزين الى الكربيراتير وبعدين دارت وبطلت فدة معناه توقف الطلمبة على حسب اعتقادى
والسحب فى العربية قل ( على فكرة انا من النوع الوساس ) مش عارف
ولية اسكندرية الجو ساقع قوى وبعدين تعطل اتلج هناك يبقى العربية وصاحبها
وبعدين انا معرفش كهربائى شاطر

[masrawy_online]

الحمد لله جيت ادور العربية حلفت انها متدورش خالص
بس الحمد لله انها كانت جنب البيت
اعمل اية ياجماعة

[lada2010]

بص ياباشا قبل ما نشوف العيب من الطلمبة اعمل حاجة صغيرة اوى هتفك الخرطوم الا طلع من تنك البنزين الى الطلمبة وتشوفة لو شغال اتركة لو بايظ غيرة تانى شى هتشوف فلتر البنزين الصبح قبل ما دوار مليان بنزين ولا لا لقيتة مليان يباق دوار ولو ما دارت معاك حضر بنزين فى الكرباتير ودوار بعد كدا باق هتروح لكهربائى نفك الطلمبة دى ونشوف الدنيا فيها اية عايزة تتغير هنغيرها وانا عندى كهربائى كويس جدا ولو عايز تروح لة اعطيك رقم المحمول بتاعى ونروح لة

[amrgamea]

يا باشا عادي حوار الطرمبه ده.

الطرمبه لما بتبوظ فأنت كحل مؤقت بتخبط عليها و ممكن تشتغل تاني بس ده زي ما قلت حل مؤقت و ممكن تقطع في اي وقت... فغيرها أحسن و ريح بالك....

[masrawy_online]

هل ممكن يكون العيب فى الفلتر لانى لسة مغيرة مكملتش اسبوعين
بس انا جربت وفكيت الخرطوم بس بعد الفلتر ودورت ولم الاحظ خروج بنزين
طيب ولو فكيت انا الطلمبة لانى شايف الفك بمسامير انظفها ولا الاحسن اشوف حد
وياريت يا اخى تعطينى رقم الموبايل الخاص بالكهربائى
وشكرا لك وهو ممكن يجيى شبرا ولا اية ؟؟؟ اصل مش ممكن اوديلو العربية ولا اشوف اى كهربائى جنبى وخلاص وربنا يستر
ياريت حد ينصحنى

[samirayad]

طب ماتجرب تشوف فية بنزين قبل الفلتر ولا لا .....ممكن تكون الطلمبة كويسة والفلتر نوعة غير مناسب ......وخانق البنزين .....على أساس لو فية بنزين قبل الفلتر يبقى العيب فى الفلتر على طول

[masrawy_online]

لما روحت قلت افك الطلمبة بنفسى وبعدين فكيت المسامير الخاصة بيها ولاقيت خرطومين فيها بصراحة معرفتش اشد الخرطوم حسين انه ممكن يتقطع المهم قلت اهزها وهية مفكوكة وادور دارت العربية فمش عارف اية العيب وبعدين ربطها المهم حطيت ايدى على الطلمبة لاقيت المتور بيدور فمش عارف
حد يدلنى خصوصا انا خايف امشى بيها وبعدين تقطع

[amrgamea]

لما روحت قلت افك الطلمبة بنفسى وبعدين فكيت المسامير الخاصة بيها ولاقيت خرطومين فيها بصراحة معرفتش اشد الخرطوم حسين انه ممكن يتقطع المهم قلت اهزها وهية مفكوكة وادور دارت العربية فمش عارف اية العيب وبعدين ربطها المهم حطيت ايدى على الطلمبة لاقيت المتور بيدور فمش عارف
حد يدلنى خصوصا انا خايف امشى بيها وبعدين تقطع

يا باشا منا قلتلك العيب منين و انه الأفضل تغير الطرمبه, هي صحيح ممكن تكون غاليه بس أنا بقولك من تجربه سابقه ليا أنه الأفضل و الأريح و الأوفر انك تغييرها....

وفقك الله لكل خير و أرضاك إن شاء الله.

[masrawy_online]

السلام عليكم
على فكرة فك الطلمبة طلع اسهل مما يكون بس الخوف هو اللى كان قالنى
انا قلت طالما بايظة افكها واللى يحصل يحصل
فكتها ولاقين المصفة الموجود اسفل الطلمبة (الفلتر) زى النيلة فية وساخة كثيرة جدا المهم نظفتها جيدا بالهواء جامد وبعدين بنزين وهواء لغاية لما حسيت انها نظيفة وتنيت العوامة شوية لاسفل علشان كانت بتدينى قراءة مش مضبوطة خالص وقلت اركب واشوف
والحمد لله دارت العربية معايا
ومستنى لو عملت حركة تانى يبقى لازم اغيرها وان شاء الله متعملش
بس كدة لازم كل فترة الواحد ينظف الطلمبة حتى ولو جديدة
البنزين زى النيلة هنا (الخزانات متهالكة)
وربنا معانا
وكنت محتاج من الاخ ladaرقم تليفون الكهربائى يشوفها هوة برضو

[samirayad]

لما روحت قلت افك الطلمبة بنفسى وبعدين فكيت المسامير الخاصة بيها ولاقيت خرطومين فيها بصراحة معرفتش اشد الخرطوم حسين انه ممكن يتقطع المهم قلت اهزها وهية مفكوكة وادور دارت العربية فمش عارف اية العيب وبعدين ربطها المهم حطيت ايدى على الطلمبة لاقيت المتور بيدور فمش عارف
حد يدلنى خصوصا انا خايف امشى بيها وبعدين تقطع

ممكن برضوة تكون فيشة الكهرباء اللى وصلة للطلمبة بتعلق.......

[samirayad]

السلام عليكم
على فكرة فك الطلمبة طلع اسهل مما يكون بس الخوف هو اللى كان قالنى
انا قلت طالما بايظة افكها واللى يحصل يحصل
فكتها ولاقين المصفة الموجود اسفل الطلمبة (الفلتر) زى النيلة فية وساخة كثيرة جدا المهم نظفتها جيدا بالهواء جامد وبعدين بنزين وهواء لغاية لما حسيت انها نظيفة وتنيت العوامة شوية لاسفل علشان كانت بتدينى قراءة مش مضبوطة خالص وقلت اركب واشوف
والحمد لله دارت العربية معايا
ومستنى لو عملت حركة تانى يبقى لازم اغيرها وان شاء الله متعملش
بس كدة لازم كل فترة الواحد ينظف الطلمبة حتى ولو جديدة
البنزين زى النيلة هنا (الخزانات متهالكة)
وربنا معانا
وكنت محتاج من الاخ ladaرقم تليفون الكهربائى يشوفها هوة برضو

الله ينور عليك.....لو علقت ثانى يبقى العيب فى فيشة الكهرباء.....وان شاء الله حيبقى كله تمام

[masrawy_online]

اشكرك م/سمير
طيب هل فعلا الطلمبة تدور وتوقف واعرف ازاى انها الفيشة الخاصة بالطلمبة
يبقى لازم كهربائى يشوفها

[samirayad]

اشكرك م/سمير
طيب هل فعلا الطلمبة تدور وتوقف واعرف ازاى انها الفيشة الخاصة بالطلمبة
يبقى لازم كهربائى يشوفها

لو بتدور دلوقتى ومفيش مشاكل ....يبقى ماشى الحال.....أما لو علقت تانى ....فأكيد المشكلة فى الفيشة اللى موصلة الكهرباء للطلمبة.....وعلشان كدة لما الكهربائى الأولانى قعد يخبط ويعمل اللى عملة اشتغلت....والخبط مش كافى لاحداث جودة توصيل....وبعدين عطلت تانى.....والمشكلة ماكنتش أصلا من الرواسب ....ولكن من عدم جودة التوصيل......لأن ممكن تكون فيشه الكهرباء اللى رايحة للطلمبة ملمسة بطريقة ضعيفة وعلشان كدة بتوصل وتفصل.......فى الحالة دى يلزم ضبط نقاط الاتصال بتاعة الدكر والنتايه بتوع الفشه...او تغيير الفيشه اذا لزم الأمر......أما الطلمبه فأنا مقتنع بأن مفيهاش حاجة.....والنظافة اللى أنت عملتها دى حتفيد دورة البنزين....