استفسار بالنسبة لزيت الجيربوكس

[thegoodhacker]

لما جيت افحص زيت الجيربوكس الراجل قالي ان الزيت ده محتاج يتغير لان لزوجته قلت جامد وكمان بقي لونه قريب من الشحم.... بس الصراحة ترددت في تغييره علشان انا مش عارف نوع الزيت اللي بيحطه ايه ........ والصراحة واحد زميلي غير زيت الجيربوكس قبل كده بزيت تعاون والجيربوكس قفش منه علي الطريق السريع.... فاكتفيت الصراحة بتزويد الزيت اللي ناقص وده كان 1/2 كجم.....
فهل الافضل فعلا اني اغير الزيت كله ؟ واذا غيرته اشتري زيت ايه يكون كويس ؟ علما بان العربية اللي معايا فيات 127

[samirayad]

دة بيعمد على فترة تشغيلك للزيت......ولو ماكنتش غيرته من فترة كبيرة فاية المانع انك تغيره....علشان تحافظ على الفتيس

[eldeplomasy]

غيره بزيت اسو 90 او 140 ومتقلقش خالص مفيش حاجه هتحصل من النوعين دول انا مغيرهم عندي في الشاهين

[HATEMHANY]

فعلا زيت اسو النوعين دول هم الافضل

السعر 17 جنيه اللتر

الجير بوكس بياخد 3.5 لتر

[thegoodhacker]

شكرا علي الردود

[tmedhat]

غير الزيت طبعا و ما تترددش

فلفالين 90 لو عاوزة خفيف

فلفالين 140 لو عاوزة تقيل شوية

[magyver]

غير الزيت طبعا و ما تترددش

فلفالين 90 لو عاوزة خفيف

فلفالين 140 لو عاوزة تقيل شوية

انا بغير فالفالين دة بس مش عارف ان كان 90 او 140 طيب اية الفرق بينهم

[eldeplomasy]

الفرق ان ال140 بيحمي ويزيت التروس اكتر لكن ال90 يادوب زي الكتاب ما بيقول

[thegoodhacker]

قمت اليوم بتغيير زيت الجيربوكس بزيت فالفالين 140 والجيربوكس اخد فعلا 3 كيلو و نص زيت زي ما الاستاذ HatemHany قال بالضبط .....

[eldeplomasy]

تمام وايه الاخبار بقى بعد التغيير


حاسس بفرق من اي ناحيه؟؟؟

[thegoodhacker]

تمام وايه الاخبار بقى بعد التغيير


حاسس بفرق من اي ناحيه؟؟؟

الحمدلله حاسس ان النقلات بقت احسن و خصوصا المارشدير كان قبل ذلك في معظم الاحوال مش بيعشق كويس و بيجيب الرابع اما دلوقتي بقي احسن كتير

[zizophone]

ياعني فالفين 140 دة كويس ؟ طب عامل كام الجركن ال 3.5 كيلو دة

[sleepyhammer]

يا جماعة طب انا بقالى مده كبيرة مغيرتهوش زيت الجيربوكس
والفتيس ساعات بيعلق ميجبش الاول بسهولة لازم اشيل رجلى من على الدبرياج وادوس تانى علشان ييجى هل ده بسبب زيت الجيربوكس ولا مشكلة تانية
فى واحد قالى ممكن متغيرهوش ما دام مش بيقل !!!!!
مش عارف ازاى

افيدونى افادكم الله
وشكرا

[eldeplomasy]

لا طبعا لازم تغيره ده في كل كتالوج عربية مكتوب التغيير كل 30 الف كيلو او لو زودت مثلا لحد 40 الف عادي بس هنا في مصر في اعتقادات غلط وهي انك ممكن متغير الزيت في عمر العربية وده طبعا غلط

اما بالنسبة للتعليق بتاع الفتيس فغير الزيت ولو متصلحتش فانت اكيد مخسرتش

وانتظر راي باقي الزملاء

[kemks]

لما تغير الزيت متنساش لازم تغير الفلتر و تتأكده انه طلع الكرتيره و غسلها تمام و نشفها و ركبها مظبوط

مش هنبوظ الاكل بقرشين ملح