تركيب 2 علبة شكمان

[eldeplomasy]

وحرارة الموتور حسيت بفرق ملحوظ فيه

بالتحسن ولا ساءت عن الاول؟؟؟

والصوت خف ولا نعم؟؟؟

وبكام؟؟؟

وتنفع للشاهين ولا لأ؟؟؟

والف شكر

[maka]

اخيرا يا جماعة ركبت علبة تانية فى 127 وهى عبارة عن علبة اسمها علبة تبريد او فتلر بتاع سيارة 131 وبعد ماركبته الصوت بقى ممتاز جداً وحرارة الموتور حسيت بفرق ملحوظ فيها ـ وانصح جميع مالكى 127 بتركيب علبة التبريد دى واسمع صوت عربيتك. مع العلم ان هذه العلبة ليست علبة عادية ولكنها علبة بداخلها ماسورة عدله بها خروم كتيرة .

منين وبكام؟؟؟؟؟

[Maged_Samy]

حرارة الموتور اتحسنت جدا - العلبة دى واحد قالى ب 75 جم بس انا جبتها ب 50 جم بتركيبها من عند واحد فى الدخيلة بالاسكندرية جنب المقابر اللى جنب المينا عند فياض بتاع الزجاج اسمه الحاج ناصر

[Maged_Samy]

حرارة الموتور اتحسنت جدا - اما السعر واحد قالى 75 جم وانا جبتها ب 50 جم بتركيبها من عند واحد اسمة ناصر فى الدخيلة الاسكندرية جنب زجاج فياض بالقؤب من المقابر اللى عند الميناء

[YaSSerwIN]

انا جايبها بردك ب 70 جنية جواها مصافى وكدة

[maka]

و اخبار السحب معاكوا ايه يا شباب قل ولا زى ما هو

[eldeplomasy]

+10000000000000000

[abo_hosni]

أنا هاحكي تجربتي المتواضعة و هي استخدام علبة أكبر و ليس زيادة عدد العلب. العربية عندنا من 20 سنة و زيادة و كان راكب فيها علبة صغيرة في الأمام و الباقي في الخلف علبتين صغيرين يعني كله 3 علب.
كنت كل ما أعمل حاجة عند بتاع الشكمانات ألاقيه يقول لي العلبة اللي قدام دي بتاعة 128. دي صغيرة و هتسخن لك العربية و هتقلل السحب و كلام كده. و بيعرض عليا يغيرها كل مرة أروح له. أنا كنت باطنش و كنت فاكره بيشتغلني و أنا أقول له خليها مرة تانية. و العربية سحبها عادي و لا بتسخن ولا حاجة. و الحاج كان فاكر العلبة دي بتاعة المصنع :) المهم بعد العمرة كنت رافع العربية عشان تتشحم و سألت الراجل بتاع البنزينة و هو محايد طبعاً: "إيه رأيك في العلبة دي يا عم سامي" قال لي"دي علبة صغيرة مش بتاعة ال504"
بعدين قلت أغيرها و استنيت كام خرم و كام خبطة في الشكمان و رحت لعم عنتر و خليته غيره كله. حط علبة عمولة أمامية تقريباً ضعف حجم اللي كانت راكبة.



الفرق الوحيد اللي حسيته هو تغيير بسيط في صوت الموتور
لا تأثير على السحب، لا تأثير على الحرارة بالسلب أو الإيجاب

[YaSSerwIN]

بالنسبالى انا كنت مركب العلبة علشان صوت الديفيل عندى عالى وكنت عايز اوطيه فقط

[Maged_Samy]

رداً على الموضوع : (و اخبار السحب معاكوا ايه يا شباب قل ولا زى ما هو)


السحب جميل جدا مقلش ولاحاجه وانت هتحس انه اتحسن كتير لانك مش هتسمع صوت الشكمان عالى ذى الاول . انا نفسى كل اللى عندهم 127 بذات يركبوا العلبه دى (علبة التبريد او الفلتر بتاع 131) ويدعولى .

[Egyzizo]

طيب ، أنا رحت للراجل بتاع الشكمان اللى باتعامل معاه ، وقلت أشوره فى الموضوع ده لعربيتى الـ 127 ، قال لى الحركة دى هتبهدل الموتور ، وكمان العلبة الزيادة دى مالهاش مكان فهتحك فى أى حاجة .. ايه رأيكم؟

يا ريت يا ماجد تقول لنا عن موضوع الحك ده ، وهل المكنة ماشية معاك كويس؟

[hemalotfy]

انا عندي مازدا 323 من ساعة ما اشتريتها وفيها 3 علب

واحده صغيرة بعد الموتور بشوية
واحدة نفس الحجم في النص تقريبا
وواحده كبيره في اخر الشكمان

ومن سنة تقريبا الشكمان اتخرم قمت مغيره كامل بنفس حجم العلب وماشاء الله مفيش صوت ولا اي حاجة تسمعه وبفكر اركب علبه رابعة بس مش عارف هل فيها ضرر ولا حاجة ؟

وربنا يسترها علينا

[Maged_Samy]

طيب ، أنا رحت للراجل بتاع الشكمان اللى باتعامل معاه ، وقلت أشوره فى الموضوع ده لعربيتى الـ 127 ، قال لى الحركة دى هتبهدل الموتور ، وكمان العلبة الزيادة دى مالهاش مكان فهتحك فى أى حاجة .. ايه رأيكم؟

يا ريت يا ماجد تقول لنا عن موضوع الحك ده ، وهل المكنة ماشية معاك كويس؟

العلبه عندى قبل السوستة اللى ورا وعاليه وعمرها ما حكت فى حاجة بس ده بيعتمد على انك تكون عامل ماسورة الشكمان بعيده عن بطن السيارة لان فى مواسير بتبقى المسافة اللى من الفرن لغاية الجزء الكوع قصيرة وبتبقى بكده لاصقه فى بطن السيارة ومفيش مكان للعلبه ، اما عن الموتور الحمد لله تمام ومفيش اى مشاكل وعلى فكرة بتوع شكمانات كتير كانوا معترضين على الموضوع ده بس صدقنى اكتشفت ان كل بتوع الشكمانات معندهمش اى استعداد للتجديد وكل اللى يعرفوه شيل وركب زى اللى كانت راكبه وخلاص وغير كده ميعرفوش ، ولو لقيت علبه استعمال ممكن تركبها لوحدها لانها مختلفة تماما عن البلدى بس صعب تلاقى استعمال عشان بتوع الشكمانات بيلموها ويبيعوها بأسعار تصل الى 350 جم للعلبه فى حين ان البلدى ب 70 جم .
وشكراً لكم

[sweetheart_]

طب لو سمحت هى بتركب قبل العلبه الاصليه ولا بعدها يعنى تحت الشنطه ولا فين بالظبط واجيب فلتر التبريد ده منين فى القاهره والشكمان كده بيتقطع لو حبيت ارجعه تانى هينفع ولا لأ والمصنعيه هتبقى كام
وشكرا ليكم

[Maged_Samy]

طب لو سمحت هى بتركب قبل العلبه الاصليه ولا بعدها يعنى تحت الشنطه ولا فين بالظبط واجيب فلتر التبريد ده منين فى القاهره والشكمان كده بيتقطع لو حبيت ارجعه تانى هينفع ولا لأ والمصنعيه هتبقى كام
وشكرا ليكم

العلبه دى بتركب قبل العلبه القديمه بشويه وانا كنت جايبها ومركبها ب 50 جنيه بالمصنعيه بكله بس معرفش ممكن تجيبها منين فى القاهره . بس انت قوله علبه تبريد بتاعت 131 وهتلاقى صنيعية كتير يقولولك مينفعش وملهاش مكان ووووو الى اخره الى يقولك متنفعش سيبوا وشوف حد تانى ومتيأس لان الصنايعية عندنا مبيحبوش يبتكروا هما بس يغيروا القديم بجديد نفس الشكل والمقاس وخلاص .